For Quick Alerts
ALLOW NOTIFICATIONS  
For Daily Alerts

క్రిస్మస్ స్పెషల్ ప్లమ్ కేక్

|

క్రిస్‌మస్ అంటే ముందుగా గుర్తుకు వచ్చేది క్రిస్‌మస్ ట్రీ. పిల్లలకయితే క్రిస్‌మస్ తాత గుర్తుకువస్తాడు. ఇంకా ఏం గుర్తుకువస్తాయి అని అడిగితే...ప్రశ్న పూర్తవకుండానే జవాబు వచ్చేస్తుంది. నోరూరించే కేకులని. ఒకటి రెండూ కాదు ఆ సమయంలో బోలెడు రకాల కేకులు కెవ్వుమని కేక వేస్తాయి. పిల్లలు, పెద్దలు తేడా లేకుండా చాకులతో రెడీ అయిపోతారు.

క్రిస్‌మస్‌ని కేకుతో ఆహ్వానిస్తారు. తియ్యగా సెలబ్రేట్ చేసుకుంటారు. క్రిస్మస్ అంటే ఒకరికొకరు బహుమతులు ఇచ్చిపుచ్చుకునే సమయం. క్రిస్మస్‌కి కేకులు తయారుచేసి వచ్చిన అతిథులకే కాక దూరాన ఉన్న వారికి సైతం ఆర్డర్ చేసి మరీ అందచేస్తారు. కొందరు మాత్రం ఇంట్లో చేసుకోవాలనుకుంటారు. అందుకే ఇక్కడ మీకోసం ఒక కేక్ రిసిపిని తయారుచేసే విధానంతో అంధిస్తున్నాం. మీరు కూడా ప్రయత్నించి మీ క్రియేటివిటీని జోడించి డెకొరేట్ చేయండి...కేక్ కట్ చేసి ఇంటికి వచ్చిన అతిథులకు క్రిస్మస్ శుభాకాంక్షలను తీయగా అందించండి...

Christmas Plum Cake Recipe

కావల్సిన పదార్థాలు:
మైదా- 1cup
వాల్నట్: 2tbsp (తరిగినవి)
బేకింగ్ పౌడర్: 1/2tsp
ఎండుద్రాక్ష-3tbsp
బ్రౌన్ పంచదార: 1cup
వెనిలా ఎసెన్స్: 3-4చుక్కలు
గుడ్లు: 3
వెన్న: ½cups(మెత్తగా)
లెమన్ జస్ట్: 1tsp
చెర్రీస్: 2tbsp (సగం) గార్నిషింగ్ కోసం
తయారుచేయు విధానం:
1. వోవెన్ ను 160డిగ్రీ సెల్సియస్ లో ఉంచాలి.
2. తర్వాత మైద మరియు బేకింగ్ పైడర్ ను ఒక బౌల్లో వేసుకోవాలి.
3. ఇప్పుడు అందులో వాల్ నట్స్, ఎండుద్రాక్ష వేసి బాగా మిక్స్ చేయాలి.
4. మరో బౌల్లో, బట్టర్ మరియు బ్రౌన్ షుగర్ వేసి, బాగా మిక్స్ చేయాలి. ఇది బాగా క్రీమ్ లా తయారయ్యే వరకూ మిక్స్ చేయాలి. తర్వాత అందులో వెనీలా ఎసెన్స్ , గుడ్డు, లెమన్ జెస్ట్ వేసి బాగా గిలకొట్టాలి.
5. ఇప్పుడు ఈ మిశ్రమంలో మైదా, బేకింగ్ సోడా మిశ్రమాన్ని వేసి, బాగా మిక్స్ చేయాలి.
6. ఇప్పుడు కేక్ టిన్ కు బట్టర్ అప్లై చేసి, తర్వాత అందులో పైన రెడీ చేసుకొన్న కేక్ మిశ్రమాన్ని పోయాలి.
7. ఈ మొత్తం మిశ్రమాన్ని 15-20నిముషాలు బేక్ చేసిన తర్వాత, చల్లారనివ్వాలి. అంతే క్రిస్మస్ ప్లమ్ కేక్ తినడానికి రెడీ. దీన్ని స్లైస్ గా కట్ చేసి సగం చెర్రీలను గార్నిష్ చేయాలి . మీకు అవసరం అయితే చెర్రీలను కూడా యాడ్ చేయవచ్చు .

English summary

Christmas Plum Cake Recipe

Christmas is all about cakes, muffins and other desserts. Plum cake is one of the most common Christmas cakes which is very popularly prepared in every household. Plum cake can be prepared with a variety of dry fruits and topped with cherries.
Desktop Bottom Promotion