నాజూగ్గా ఉండాలంటే గ్రేప్ జ్యూస్ తాగాల్సిందే..!

కావలసిన పదార్థాలు:
ద్రాక్షపండ్లు: 1kg
నీళ్లు: 2
పంచదార: 2cups
బ్లాక్ సాల్ట్: 1/2tsp
ప్రిజర్వేటివ్: 1 1/2 gm
సిట్రిక్ ఆసిడ్: 3 gm
తాయారు చేయు విధానం:
ద్రాక్ష జ్యూస్ ను రెండు పద్దతుల్లో తయారు చేసుకోవచ్చు. అదెలాగో చూద్దాం..
మొదటి పద్దతి:
1. ముందుగా కడిగిన ద్రాక్షపండ్లని మిక్సీలోగానీ, జ్యూసర్ లోగానీ, వేసి నీళ్లు, చక్కెర పోసి గ్రైండ్ చేయాలి.
2. చివరలో బ్లాక్ సాల్ట్ ను కూడా కలపాలి. ఇష్టమైతే అరకిలో పచ్చద్రాక్ష, అరకిలో నల్లద్రాక్ష కూడా కలిపి జ్యూస్ చేసుకోవచ్చు

రెండవ పద్దతి:
1. నల్లద్రాక్షను బాగా కడిగి కొద్దిసేపు నీటిలో ఉంచాలి. తర్వాత వెడల్పాటి గిన్నెలో నీరు తీసుకొని అందులో పంచదార వేసి తీగపాకం వచ్చేలా మరిగించి క్రిందకు దింపుకోవాలి. 2. ఆ పాకం చల్లారిన తర్వాత దానిలో సిట్రిక్ యాసిడ్‌ ను వేసి బాగా కలియబెట్టాలి.
3. ఇప్పుడు కడిగిన ద్రాక్షను మిక్సీలో వేసి రసం తీసి వడగట్టి పంచదార పాకంలో కలపాలి.
4. కొద్దిపాటి నీటిలో ప్రిజర్వేటివ్ కలిపి దానిని పానీయంలో వేసి బాగా కలియబెట్టాలి. కావాలనుకుంటే రాస్పబెర్రి రంగు, ద్రాక్ష ఎస్సెన్స్ కలిపి శుభ్రమైన సీసాల్లో నిల్వ చేసుకోవచ్చు.