భేష్ అనిపించే గుజరాతీ కచోరి

Published: Thursday, February 18, 2010, 15:38 [IST]

కావలసిన పదార్ధాలు:
పెసరపప్పు - 1 cup
పచ్చిమిర్చి- 1 tsp
అల్లం వెల్లుల్లి ముద్ద- 1tsp
ఇంగువ- చిటికెడు
గరం మసాలా- 2 tsp
కారం- 1 tsp
ఆమ్చూర్ పొడి- 2 tsp
మైదా - 2 cups
నెయ్యి లేదా నూనె- 1/2 cup
ఉప్పు- తగినంత
నూనె వెయించడానికి సరిపడ

తయారు చేయు విధానము:
1. మొదటగా ఒక బౌల్ తీసుకొని అందులో కొద్దిగా నెయ్యి, ఉప్పు, మైదా వేసి అన్నింటి కలిపి బ్రెడ్ పొడిలా తయారయ్యే వరకు కలపి తర్వాత కొద్దిగా నీటిని జత చేసి ముద్దలా చేసి అరగంట నాననివ్వాలి.
2. పెసరపప్పును శుభ్రం చేసి నీళ్లు పోసి రెండు గంటలు నానబెట్టాలి. తర్వాత నీరు వంపేసి తడి ఆరిన తర్వాత గ్రైడర్ లో ఇడ్లీ రవ్వలా చేసుకోవాలి.
3. వెడల్సాటి పాన్ తీసుకొని అందులోనూనె వేసి వేడయ్యాక ఇంగువ, జిలకర్ర, గ్రైడ్ చేసిన పప్పును వేసి వేయించాలి. తర్వాత కారం, ఆమ్చూర్ పొడి, సోంపు, పచ్చిమిర్చి అల్లం పేస్ట్, గరం మసాలా, ఉప్పు వేసి బాగా కలియబెట్టాలి.
4. ఇప్పుడు మైదాను తీసుకొని అందులో కొద్ది కొద్దిగా తీసుకొని చిన్న ఉండలు చేసి అరచేతిలో పెట్టి వేడల్పుగా చేసి మద్యలో పెద్ద చెంచాడు వేయించి పెట్టుకొన్న పెసరపప్పు మిశ్రమాన్ని పెట్టి అన్ని వైపులా అంచులు మూసేసి వేడల్పుగా చేసుకోవాలి, ఇలా అన్ని తయారు చేసి పెట్టుకోవాలి.
5. పాన్ లో నూనె పోసి వేడయ్యాక తయారుచేసుకొన్న వాటిని నూనెలో వేసి ఎర్రగా వేయించాలి. అప్పుడే కచోరి లోపలివరకు కాలి, పొరలు పొరలుగా ఉంటుంది.
6. ఫైనల్ గా తయ్యారయిన కచోరిలను ఒక ప్లేట్ లో తీసుకొని టమోటో సాస్, స్వీట్ చట్నీ తో వడ్డిస్తే చాలా రుచిగా ఉంటాయి.

Comments

Story first published: Thursday, February 18, 2010, 15:38 [IST]

Other articles published on Feb 18, 2010

Latest Updates