రెడ్ లెంటిల్- కోకోనట్ మిల్క్ సూప్: వింటర్ స్పెషల్

Published: Monday, January 6, 2014, 16:13 [IST]

వింటర్ సీజన్ లభ్యం అయ్యే తాజా పండ్లు, గ్రీన్ లీఫ్ వెజిటేబ్స్ లో మంచి ఆరోగ్యాన్ని పొందడం మాత్రమే కాదు, పప్పుధాన్యాలతో కూడా మంచి ఆరోగ్యాన్ని పొందవచ్చు. శీతాకాలంలో సాయంత్రం అయ్యే సరికి వాతావరణం చాలా చల్లగా మారుతుంది. చలికి వేడి వేడిగా ఏదైనా త్రాగాలి, తినాలనిపిస్తుంది. అటువంటి, అనారోగ్యకరమైన కాఫీ, టీ, కెఫినేటెడ్ డ్రింక్స్ కంటే, సూపులను ఎంపిక చేసుకోవడం ఉత్తమం.

అందులోనూ పప్పులతో తయారుచేసే సూపులు, శరీరానికి పూర్తి పోషకాలను అంధించి,ఆరోగ్యంగా ఉంచుతుంది. వింటర్ వెజిటేబుల్స్ కు కొద్దిగా పప్పులు జోడించి సూప్ ఎలా తయారుచేయాలో క్రింది పద్దతిన అనుసరించండి...

కావల్సిన పదార్థాలు:
రెడ్ లెంటిల్ /ఎర్రకందిపప్పు: 1cup
ఆలివ్ నూనె: 3tbsp
వెల్లుల్లి రెబ్బలు: 2-3(సన్నగా తరిగి పెట్టుకోవాలి)
ఉల్లిపాయ: 1cup(సన్నగా తరిగి పెట్టుకోవాలి)
జలపెన్యో పెప్పర్: 2 (సన్నగా కట్ చేసునవి)
క్యారెట్ ½ కప్ (తరిగినవి)
పచ్చిబఠానీ: ½cup
టమోటా హిప్ పురీ: ½ cup
ఉప్పు : రుచికి సరిపడా
పసుపు: ½tsp
కారం ½ tsp(సరిపడా)
నిమ్మకాయ రసం : 2tbsp
కొబ్బరి పాలు - 1cup
తయారుచేయు విధానం :
1. ముందుగా మందపాటి పాన్ లో ఆలివ్ ఆయిల్ వేసి, వేడి చేయాలి.
2. తర్వాత అందులో అల్లం వెల్లుల్లి పేస్ట్ వేసి బ్రౌన్ కలర్ వచ్చే వరకూ వేయించుకోవాలి.
3. తర్వాత అందులో ఉల్లిపాయలు మరియు పెప్పర్ వేసి ఒక నిముషం వేయించుకోవాలి.
4. తర్వాత అందులో క్యారెట్, పచ్చిబఠానీ, ఎర్రకందిపప్పు, టమోటో గుజ్జు, ఉప్పు, కారం మరియు పసుపు వేయాలి.
5. తర్వాత అందులో 6కప్పుల నీరు పోసి మూత పెట్టి పప్పు మెత్తగా ఉడికే వరకూ ఉడికించుకోవాలి.
6. చివరిగా అందులో కొబ్బరి పాలు మరియు నిమ్మరసం వేసిబాగా మిక్స్ చేసి వేడి వేడిగా సర్వ్ చేయాలి.

Comments

Story first published: Monday, January 6, 2014, 16:13 [IST]

Latest Updates

Red Lentil Soup With Coconut Milk