దమ్ ఆలూ అమృత్‌ సర్

Published: Monday, January 2, 2012, 17:51 [IST]

కావలసిన పదార్థాలు:
బంగాళదుంపలు: 4
ఉల్లిపాయ(తరుగు): 1/2cup
అల్లంవె ల్లుల్లి పేస్ట్: 2tsp
వాము: 1/2tsp
ఉప్పు: రుచికి తగినంత
శనగపిండి: 5tsp
ధనియాలపొడి: 1/2tsp
కారం: 2tsp
గరంమసాలా: 1/2tsp నూనె: తగినంత
కొత్తిమీర(తరుగు): చిన్న కట్ట

తయారు చేయు విధానము:
1. బంగాళదుంపలను చిన్న ముక్కలుగా కట్ చేసుకోవాలి.
2. తర్వాత ఒక గిన్నెలో శనగపిండి, అల్లంవెల్లుల్లి పేస్ట్, ఉప్పు, వాము వేసి బాగా కలపాలి.
3. ఇప్పుడు బంగాళదుంప ముక్కలను ఇందులో వేసి కలిపి పావుగంటసేపు నాననివ్వాలి.
4. తర్వాత ఒక పాన్ లో కొద్దిగా నూనె వేసి కాగిన తర్వాత ఈ ముక్కలను అందులో వేసి గోధుమరంగువచ్చేవరకు వేయించి తీసేయాలి.
5. ఆ తరవాత అదే పాన్ లో ఉల్లితరుగు వేసి గోధుమరంగు వచ్చేవరకు వేయించి పక్కకు తీసుకొని అందులో ఉప్పు, పసుపు, కారం, గరంమసాలా, ధనియాలపొడి వేసి బాగా కలపాలి.
6. ఇప్పుడు అందులో ముందుగా వేయించి పెట్టుకొన్న బంగాళదుంప ముక్కలను వేసి తక్కువమంటలో ఐదు నిమిషాల పాటు అలాగే ఉంచి దించేయాలి. చివరగా కొత్తిమీరతో గార్నిష్ చేయాలి. అంతే దమ్ ఆలూ అమృత్‌ సర్ రెడీ. ఇది రోటీ, పరాఠాలలోకి చాలా రుచిగా వుంటుంది.

Comments

Story first published: Monday, January 2, 2012, 17:51 [IST]

Latest Updates

Dum Aloo Amritsari