మీ భాగస్వామికి దూరంగా ఉన్నారు కాబట్టి మీకు మోసం చేసే హక్కు వచ్చేస్తుందా?

Posted By: DEEPTHI T A S
Subscribe to Boldsky

చాలామందికి దూరంగా ఉండి నడిపే బంధాల ఆలోచనంటేనే నచ్చదు. వారు ఎప్పుడూ వారి భాగస్వాములు ఎక్కడ ఉన్నారో, ఏం చేస్తున్నారో, వారు తమ గురించి ఎప్పటికప్పుడు చెప్తూనే ఉన్నా చింతిస్తూనే ఉంటారు.

చాలామంది వారి భాగస్వాములు తమ కాల్ ఎత్తకపోతే, మెసేజ్ కి స్పందించకపోతే వెంటనే అనుమానపడుతూ ఉంటారు. నిజానికి వారు ఏ మీటింగ్ లోనో బిజీ కావచ్చు లేదా ఏ పనిలో అన్నా ఇరుక్కుపోయి ఉండవచ్చు అనే ఆలోచనే రాదు.

దూరబంధాలు భాగస్వాములను స్వార్థపరులుగా మార్చేస్తాయి. అందుకే చాలామంది జంటలు విడిపోవటమో లేదా ఇంకొకరితో అక్రమబంధం ఏర్పరుచుకుని మోసం చేయటమో, పైకి బాగా నటిస్తూ ఇవన్నీ సులభంగా చేసేస్తుంటారు.

నిజానికి చాలా దూరబంధాలు విజయవంతం కూడా అయ్యాయి, అవుతూనే ఉన్నాయి కూడా. కానీ రికార్డులను పరిశీలిస్తే, తమ భాగస్వామి దగ్గరలేనప్పుడు చాలా జంటలు విడిపోవటమో, మోసం చేసిన దాఖలాలే ఎక్కువ.

మీరు ఎవరినైనా ప్రేమిస్తే, దూరం మీ మధ్య అసలు సమస్య ఎందుకవుతుంది? మీరు గుర్తుంచుకోవాల్సిన విషయం ఏంటంటే మీరెంత దూరంలో ఉన్నా,చివరకి మీ ఇద్దరూ కలిసే ఉంటారు. ఇలాంటి దూరబంధాలను విజయవంతం చేయటానికి కూడా అనేక సులభ మార్గాలున్నాయి, లేదు మోసం చేయాల్సినంత అవసరం ఏం లేదు. ఇదిగో ఈ విషయం పై మరింత అవగాహన కోసం కింద చదవండి.

Does Long Distance Relationships Make You Liable To Cheat

అతిగా సంభాషించకండి

మీరు ఇప్పుడు ఒక పెద్దయిన వ్యక్తి. మీకు సంభాషణకి, వసపిట్టలా వాగుడుకాయలా వుండటానికి మధ్య తేడా తెలిసి ఉండాలి. మీ బంధం సరిగా ఉండటానికి రోజంతా మాట్లాడుతూనే ఉండక్కర్లేదు. జంటలకి తాము దూరంగా ఉంటాం కాబట్టి మరింత ఎక్కువ మాట్లాడాల్సిన అవసరం ఉందనిపిస్తుంది. కానీ ఇది చేయనక్కరలేదు. రోజంతా మాట్లాడుతూనే ఉండటం ఇబ్బందులు తెచ్చిపెట్టవచ్చు కూడా. మీరు అలసిపోవచ్చు. మిగతా కుటుంబానికి కూడా మీ సమయం కేటాయించాలి కదా మరి!

ఇదొక అవకాశంగా మలచుకోండి

దూరబంధం అంటే మీ బంధానికి ఒక పరీక్షలా తీసుకోండి, పాస్ లేదా ఫెయిలవ్వటం మీ చేతుల్లో ఉంది. పాసవ్వాలంటే, ఇద్దరూ ఇదొక నేర్చుకునే అవకాశం,కలిసి చేసే ప్రయాణం అని అర్థం చేసుకోవాలి. మీరు మీ బంధం మిమ్మల్ని ఇద్దర్నీ విడదీస్తోంది అనుకోకుండా, ఇద్దర్నీ ఒకటిగా తయారుచేస్తోంది అనుకోండి. దానివల్ల మీ బంధం మరింత బలపడి, ఇద్దరూ గొప్ప ఆనందంతో ఉంటారు.

Does Long Distance Relationships Make You Liable To Cheat

బేసిక్ నియమాలు పెట్టుకోవడం

ఇద్దరూ ఒకరితో ఒకరు నేరుగా మాట్లాడుకుని, ఒకరినుంచి ఒకరు ఏం ఆశిస్తున్నారో నిజాయితీగా చెప్పుకోవాలి. ఇద్దరూ కలిసి బేసిక్ నియమాలు ఏర్పర్చుకోవాలి. మీరు వాటికి ఎంత కట్టుబడి ఉంటారో కూడా వ్యక్తపర్చటం చాలా అవసరం.ఎందుకంటే ఎవరూ తమ ఇంటికి ఆనందంగా వచ్చి, మోసపోయాం అని తెలుసుకోవాలనుకోరు.

ఇద్దరూ సరిగా మీ భావాలను వ్యక్తపర్చుకోవడం

మీ భాగస్వామిని క్రమం తప్పకుండా పలకరిస్తుండటం చాలా ముఖ్యం. ఇంకా మీ భాగస్వామికి మీ జీవితంలో ఏం జరుగుతున్నాయో విశేషాలు కూడా తెలియచేస్తుండాలి. ఇవి చాలా రోజువారీ చిన్నవిషయాలుగా అన్పిస్తాయి కానీ మీరు అన్నీ మనసు విప్పి చెప్పాలి. ఫోటోలు, వీడియోలు, వాయిస్ సందేశాలు పంపుతూ ఉండటం కూడా ముఖ్యమే. మీ భాగస్వామి మీకెంత ముఖ్యమో ఇలా తెలుపుతూ ఉండటం వలన మీ బంధం బలపడుతుంది. ఈ చిన్నశ్రమ వారు ప్రేమింపబడుతున్నారని ఫీలయ్యేలా చేస్తుంది.

Does Long Distance Relationships Make You Liable To Cheat

ఇద్దరూ కలిసి పనులు చేయటం

మీరిద్దరూ చాలా దూరంలో ఉన్నారు నిజమే. కానీ మీరు కలిసి పనిచేయలేరని కాదు కదా. ఇద్దరూ ఒకే సమయంలో డాక్యుమెంటరీలు, సినిమాలు చూడవచ్చు. ఆన్ లైన్ ఆటలు ఆడుకోవచ్చు. వీడియో కాల్ లో ఉన్నప్పుడు ఇద్దరూ వాకింగ్ చేయవచ్చు.ఆన్ లైన్ షాపింగ్ చేసి,ఒకరికొకరు బహుమతులు పంపుకోవచ్చు. ఇలాంటివెన్నో మీ బంధానికి కొత్తరూపం ఇస్తాయి.

రిలేషన్ షిప్ లో ఉన్నప్పుడు దూరంగా ఉండాల్సి రావటం అనేక ఇబ్బందులను తెస్తుంది. అయితే మీరు మీ భాగస్వామిని మోసం చేయటానికి అవకాశం అని మాత్రం కాదు.గుర్తుంచుకోండి మీ ఇద్దరూ ఒకరినొకరు చాలా ప్రేమిస్తున్నారు మరియు ఈ దూరం కొద్దికాలం మాత్రమే అని.

    English summary

    Does Long Distance Relationships Make You Liable To Cheat?

    Have you wondered if long distance relationships make you liable to cheat. Read to know more.
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more