అక్కడ మగాళ్లకు ప్రవేశం నిషేధం.. కానీ మహిళలు గర్భం దాలుస్తున్నారు.. అదెలా సాధ్యమంటే?

ఉమాంజాలో..

పురుషులకు ఇప్పటికీ ప్రవేశం లేని గ్రామం పేరు ఉమాంజా. ఇది ఆఫ్రికా ఖండంలోని ఓ మారుమూల గ్రామం. ఇక్కడ కేవలం మహిళలు మాత్రమే నివసిస్తూ ఉంటారు. అక్కడ ఆడవారు చెప్పిందే వేదం.. వారి మాటే శాసనం.. అన్ని వారి కనుసన్నల్లోనే జరుగుతుంటాయట.

PC : The Guardian

బలవంతంగా కోరికలు..

రవి అస్తమించని సామ్రాజ్యమైన బ్రిటీష్ వారి పరిపాలనా కాలంలో కెన్యా మహిళలు అష్టకష్టాలు పడ్డారట. ఆ సమయంలో బ్రిటీష్ సైనికులు అక్కడున్న మహిళలను బలవంతంగా లాక్కెళ్లి మరీ వారిని అనుభవించేవారట.

PC : The Guardian

రోడ్డున పడేవారట..

అయితే బ్రిటీష్ సైనికులు అనుభవించిన మహిళలను వారి భర్తలు అస్సలు వారి దగ్గరకు రానిచ్చేవారు కాదట. వారి ఇంటి నుండి బయటకు గెంటివేసేవారట. దీంతో దిక్కు తోచని ఆ మహిళలు ఏమి చేయాలో తెలియక రోడ్డు మీదే ఉండేపోయేవారట.

PC : The Guardian

కొత్త ప్రపంచాన్ని..

అప్పటి నుండి ఇలాంటి వాటి నుండి విముక్తి పొందేందుకు సంబురు వర్గానికి చెందిన మహిళలంతా స్వయంగా ఓ కొత్త ప్రపంచాన్ని ఏర్పాటు చేసుకున్నారట. దాని పేరే ఉమెజా గ్రామం. అది ఏర్పాటు చేసుకున్నాక పురుషులకు ఎట్టి పరిస్థితుల్లో అనుమతి ఇవ్వకూడదని తీర్మానం కూడా చేసుకున్నారట.

PC : The Guardian

ఓ మహిళ నుండి..

ఆడవారి కోసం ఆడవారే ఏర్పాటు చేసుకున్న ఈ ప్రత్యేకమైన ఉమెజా గ్రామంలో ఇంటి నుండి ఎవరైతే గెంటి వేయబడతారో, ఎవరైతే పుట్టింట్లో లేదా మెట్టినింట్లో అవమానాలను ఎదుర్కొంటారో అలాంటి వారందరినీ ఇక్కడ చేరదీస్తారట. ఇలాంటి అనుమానాలన్నీ ఎదుర్కొన్న రెబెకా అనే మహిళకు ఈ ఆలోచన వచ్చిందట.

PC : The Guardian

అనేక విప్లవాలు..

ఆమె సారథ్యంలో ఏర్పాటైన ఆ రాజ్యంలో పురుషుల చేతిలో ఉన్న భూములన్నింటినీ స్వాధీనం చేసుకున్నారట. వారు ఎదుర్కొన్న అవమానాలు ఇంకెవ్వరూ ఎదుర్కోకుండా అనేక విప్లవాలను తీసుకువచ్చారట. అలాగే వారు స్వాధీనం చేసుకున్న భూములలో కూరగాయలను ఉత్పత్తి చేయడం, వివిధ రకాల ఆభరణాలు, వస్తువులు తయారీ చేసి, వాటిని అమ్మడం ద్వారా జీవనాన్ని కొనసాగించేవారట.

తాము రక్షించుకోవడానికి

ఆ గ్రామంలోని మహిళలు తమ ఇళ్లను మట్టి, పేడలను కలిపి నిర్మించుకున్నారట. గుడిసెల చుట్టూ ముళ్ల కంచెలను ఏర్పాటు చేసుకున్నారట. ఇతర ప్రాంతాల వారి వల్ల ప్రమాదాలు రాకుండా తమను తాము రక్షించుకోవడానికి వీటిని ఏర్పాటు చేసుకున్నారట.

మహిళల గర్భం ఎలా అంటే?

అక్కడ పురుషులు నివసించడానికి లేదు కానీ, పురుషులు వచ్చి వెళ్లేందుకు మాత్రం అనుమతి ఉందట. అలా కొందరు పురుషులు వచ్చి వెళ్లే సమయంలోనే అక్కడి మహిళలు వారితో రహస్యంగా ఆ కార్యంలో పాల్గొని గర్భం దాల్చుతున్నారట.

అక్కడ పుట్టిన మగ పిల్లలకు..

అయితే అక్కడ పుట్టిన మగపిల్లలకు మాత్రం నివసించే హక్కు ఉంటుందట. అయితే అది కూడా కేవలం 18 సంవత్సరాల వయసు వచ్చే వరకేనట. ఆ తర్వాత అక్కడి మహిళలే వారిని బలవంతంగా వారిని ఆ ఊరి నుండి బయటికి సాగనంపుతారట. అలా 15 ఏళ్ల క్రితం అక్కడ 30 మంది మహిళలు, 50 మంది చిన్న పిల్లలు ఉండేవారు. ఆ సంఖ్య ప్రస్తుతం 50 మంది మహిళలు, 200 మందికి పైగా పిల్లల వరకు పెరిగింది.