నవంబర్ 2019 : ఈ నెలలో వాహనాలు అమ్మడానికి మరియు కొనడానికి మంచి రోజులివే..

1) నవంబర్ 3వ తేదీన

కార్తీక మాసం ప్రారంభంలోని నవంబర్ 3వ తేదీ అయిన ఆదివారం నాడు భాను సప్తమి. ఆ రోజు ఉదయం 7:40 నుండి ఉదయం 9:23 గంటల వరకు ఉంది. ఈ సమయంలో మీరు ఏదైనా మంచి పనులు చేసుకోవచ్చు.

నవంబర్ 4వ తేదీన..

కార్తీక మాసంలోని నవంబర్ నెలలో 4వ తేదీ అయిన సోమవారం నాడు ఉదయం 4:57 నుండి 6:35 శుభముహుర్తం ఉంది. ఈరోజున అష్టమి ఉంటుంది. చాలా మంది అష్టమి రోజున మంచి పనులను వాయిదా వేసుకుంటారు. కానీ ఆ రోజు ఎలాంటి వర్జ్యం లేదు.

నవంబర్ 5వ తేదీన..

కార్తీక మాసంలోని ఈ 5వ తేదీ అయిన మంగళవారం రోజుకు చాలా ప్రాముఖ్యత ఉంది. ఈరోజు చాలా మంచి రోజు. ఎందుకంటే పుష్కర బ్రహ్మపుత్రా నది పుష్కరాలు ఈరోజు నుండే ప్రారంభమవుతాయి. ఉదయం 5.17 గంటలకు ఈ పుష్కరాలు ప్రారంభమవుతాయి. అలాగే ఈరోజు నవమి మొదలవుతుంది.

నవంబర్ 6వ తేదీన..

నవంబర్ 6వ తేదీ అయిన బుధవారం నాడు శుభ ముహుర్తం ఉదయం 6:37 నుండి ఉదయం 7:21 గంటల వరకు ఉంది. మంగళవారం ప్రారంభం అయిన నవమి బుధవారం నాడు ఉంటుంది. 6వ తేదీన నవమి పూర్తవ్వునుంది.

నవంబర్ 8వ తేదీన..

నవంబర్ 8వ తేదీన ఏకాదశి ప్రారంభమవుతుంది. హిందువులందరూ ఈ రోజున చాలా పవిత్రంగా భావిస్తారు. ఈరోజు మొత్తంలో ఏ పని చేసినా మంచి ఫలితమే ఉంటుందని చాలా మంది చెబుతారు.

నవంబర్ 9వ తేదీన..

నవంబర్ 9వ తేదీన ద్వాదశి ప్రారంభమవుతుంది. ఈరోజు ద్వాదశికి ఒక ప్రత్యేకత ఉంది. ఈ ద్వాదశిని చిలుకు ద్వాదశీ అంటారు. తులసీ దామోదర కళ్యాణోత్సవం ఆరంభం అవుతుంది. ఈరోజున శని త్రయోదశి, శని ప్రదోషమి కూడా. ఈ శనివారం నాడు ఆంజనేయ స్వామి, వెంకటేశ్వర స్వామిని ఆరాధిస్తూ ఏ పని మొదలుపెట్టినా అంతా మంచే జరుగుతుందని హిందువులందరూ భావిస్తారు.

నవంబర్ 10వ తేదీన..

నవంబర్ 10వ తేదీన అయిన ఈరోజు ఆదివారం. ఈరోజు తిథి త్రయోదశి. ఈరోజు చాలా మంచి రోజు. శుభ ముహుర్తం ఉదయం 6:39 నుండి సాయంత్రం 4:33 గంటల వరకు ఉంటుంది. ఈరోజు రేవతి నక్షత్రం కూడా ఉంటుంది.

నవంబర్ 14వ తేదీన..

నవంబర్ 14వ తేదీన గురువారం రోజున సాయిబాబాను చాలా హిందువులు ఎంతో భక్తితో కొలుస్తారు. ఈరోజు శుభ ముహుర్తం ఉదయం 6:43 నుండి రాత్రి 7:55 గంటల వరకు ఉంటుంది. ఈరోజు తిథి విధియ, ఈరోజు రోహిణి నక్షత్రం ఉంటుంది.