మీ కంటిని కాపాడుకుంటున్నారా..?

కళ్లచుట్టూ ఏర్పడ్డ మచ్చలు పోవాలంటే..

నిమ్మరసం, తేనె కలిపిన నీటిని కళ్లచుట్టూ అద్దాలి. విటమిన్‌ ''ఎ'' ఉన్న ఆహార పదార్థాలు తినాలి. రోజ్‌ వాటర్‌ని కళ్లచుట్టూ దూదితో అద్దుకుని కాసేపు విశ్రమించాలి. దోసకాయ గుజ్జు, నిమ్మరసం కలిపి కళ్లచుట్టూ సున్నితంగా మసాజ్‌ చేస్తే బావుంటుంది.

కళ్ల చుట్టూ ఏర్పడ్డ మడతలు రాకుండా..

ఆల్మండ్‌ ఆయిల్‌, ఆలివ్‌ ఆయిల్‌గాని కంటిచుట్టూ వున్న చర్మాన్ని సున్నితంగా మర్ధనా చేయాలి. కళ్లకు అతిగా మేకప్‌ వేయకూడదు. కంటి రెప్పలకు, నొసలకు ఆల్మండ్‌ ఆయిల్‌ వాడడం వల్ల వెంట్రుకలు ఊడకుండా వుంటాయి. పాలమీగడ, రోజ్‌వాటర్‌ కలిపి కళ్లచుట్టూ రాస్తే మంచిది.

కళ్లు ఒత్తిడికి గురికాకుండా..

ఎక్కువ టీవి చూడకూడదు. డాక్టర్‌ సలహాలు పాటించాలి. చల్లని నీటితో కళ్లను తరచూ శుభ్రపరచుకోవాలి. కంటి ప్రదేశాల్లో గోకకూడదు. కళ్లకు తరచూ రోజ్‌వాటర్‌ ఉపయోగించాలి. జిడ్డు చర్మం వుంటే కళ్లచుట్టూ క్రీం రాసుకుంటే బెటర్‌. కళ్లల్లో రెండు చుక్కలు ఆముదం వేసుకుంటే కళ్లు ఫ్రెష్‌ అవుతాయి. ఆల్మండ్‌ ఆయిల్‌, నిమ్మరసం కలిపి కళ్లచుట్టూ పెట్టుకోవాలి. బంగాళాదుంపల గుజ్జును కళ్లచుట్టూ రాసుకుంటే చారలు మాయం. కలబంద కాడల గుజ్జు కూడా కళ్లచుట్టూ పెట్టుకుంటే నలుపు తగ్గిపోతుంది.