రోగాలను దూరం చేసే రతిక్రీడ!

ఇదే విధంగా రతిక్రీడ రెగ్యులర్ గా చేస్తూ పోతే, మంచి రక్త సరఫరా ఏర్పడి కొల్లెస్టరాల్ మంచి స్థాయికి రావడం మొదలైన ప్రయోజనాలే కాక శరీరంలోని వ్యాధి నిరోధక వ్యవస్థ కూడా మెరుగవుతుందట. చురుకుగా రతిక్రీడ చేసేవారి జీవితకాలం మరింత ఎక్కువ కాలం సాగుతుందని కూడా పరిశోధకులు చెపుతున్నారు.

శరీరంలోని ప్రధాన అవయవాలు, ఇతర భాగాలు సమర్ధవంతంగా పని చేసి ఆరోగ్యంగా వుంటాయని, దీంతో అవయవాలలోని వివిధ రకాల కణాలు మరింత శక్తివంతంగా ఉంటాయని, కొలెస్ట్రాల్, లేదా గుండె జబ్బు లు రాకుండా బ్రహ్మాండమైన ఔషధంలా ప్రతిరోజూ చేసే రతిక్రీడ పని చేస్తుందని ఈ అధ్యయనం తేల్చింది. పురుషుల్లో గుండె సంబంధిత వ్యాధులను యాభై శాతానికి తగ్గించుకోవచ్చనికూడా అధ్యయనం తెలుపుతోంది.

ఇంతేకాక, శరీరంలో రెగ్యులర్ గా వచ్చే నొప్పులు కూడా రతిక్రీడతో తగ్గి సుఖంగా ఉంటారని నిపుణులు చెపుతున్నారు. ఆధునిక యాంత్రిక జీవనం ఎంతో ఒత్తిడికలిగి వుందని, ఈ ఒత్తిడిని తగ్గించేందుకు రతి క్రీడ ఓ మంచి ఔషధంగా సహకరిస్తుందని ఈ అధ్యయనం తేల్చింది. రతిక్రీడలో పాల్గొన్న తర్వాత బ్రెయిన్, రక్తప్రసరణ వ్యవస్థ ఎంతో మెరుగు పడతాయని, వారిలోని ఒత్తిడి, ఆందోళనలు దూరమవుతాయని అధ్యయనం పేర్కొంది.