సీక్రెట్ ప్లేస్ లో అవాంచిత రోమాల తొలగింపుకు ఇంట్లోనే వ్యాక్సింగ్...

Published: Saturday, September 8, 2012, 15:04 [IST]

How to Make Your Own Homemade Sugar Waxing

అవాంఛితి రోమాల సమస్య ఈ రోజుల్లో చాలామందిని వేధిస్తోంది. దానికి త్రెడింగ్, షేవింగ్ లాంటి పద్ధతుల కన్నా.. వ్యాక్సింగ్ చక్కని ప్రత్యామ్నాయం. దీన్ని తరచూ చేయించుకోవడం వల్ల అవాంచిత రోమాలు బలహినమై వాటి ఎదుగుదల క్రమంగా తగ్గిపోతుంది. దాంతో పాటు... ఎండకు నల్లగా మారిన చర్మం ప్రకాశవంతంగా కనిపిస్తుంది. మృత చర్మం తొలగి తాజాగా కనిపిస్తుంది. అవగాహన లేకుండా వ్యాక్సింగ్ చేయించుకోవడం వల్ల ఒక్కోసారి శరీరంలో నెత్తురు గడ్డకట్టి చర్మంపై మచ్చలు పడతాయి, కాబట్టి జాగ్రత్తగా ఉండాలి. ఈ రోజుల్లో రకరకాల వ్యాక్స్‌లు అందుబాటులో ఉంటాయి. అయితే బ్యూటీ పార్లర్ వరకూ వెళ్ళి బోలెడంత డబ్బులు పోయడం కంటే ఇంట్లోనే తయారు చేసుకోంటే ప్రయోజనకరం.

అవాంఛిత రోమాల వల్ల చర్మం నల్లగా కనిపిస్తుంది. వీటిని తొలగించటానికి రకరకాల పద్ధతులు వున్నాయి. అయితే అన్నింటిలోకీ వ్యాక్సింగ్ చాలా మేలైన పద్ధతి. వ్యాక్సింగ్ మీ ఇంట్లో కూడా చేసుకోవచ్చు. కేవలం బ్యూటీ పార్లర్ లోనే ఇది చేస్తారని అనుకోకూడదు.

వ్యాక్సింగ్ కు కావలసినవి: కాటన్ క్లాత్, పౌడర్, వ్యాక్సింగ్ మిశ్రమం, వ్యాక్సింగ్ స్టిక్. రెండు కప్పుల పంచదార, ఒక కప్పు నిమ్మరసం. ఈ రెండిటినీ బాగా కలపాలి. పంచదార కరిగిపయేంత వరకూ కలిపి స్టౌ మీద పెట్టాలి. పదిహేను నిమిషాల పాటు గరిటతో కలుపుతూ వుండాలి. గట్టిగా అయిన తర్వాత ఒక డబ్బాలో వేసి చల్లారిన తర్వాత గాలి తగలకుండా మూత పెట్టాలి.

వ్యాక్సింగ్ కోసం పంచదార, నిమ్మరసం కలిపిన మిశ్రమాన్ని కొద్దిగా తీసుకుని వ్యాక్సింగ్ హీటర్ లో వేసి వేడి చేయాలి. వ్యాక్సింగ్ చేయాలనుకున్న ప్రాంతంపై కొద్దిగా పౌడర్ రాసి గోరువెచ్చగా వున్న వ్యాక్స్ ను వాక్స్ స్టిక్ తో రాయాలి. ఇప్పుడు కాటన్ క్లాత్ తీసుకుని వ్యాక్సింగ్ పైన అతికించి వ్యతిరేక దిశలో పైకి తీయాలి. ఇదే విధంగా శరీరంపైన ఎక్కడ రోమాలు ఉంటే అక్కడ వ్యాక్సింగ్ పైన అతికించి వ్యతిరేక దిశలో పైకి తీయాలి. ఇదే విధంగా శరీరంపైన ఎక్కడ రోమాలు వుంటే అక్కడ వ్యాక్సింగ్ చేసుకోవచ్చు. అయితే కొంత ప్రాక్టీస్ అవసరం అవుతుంది. మొదటిలోనే శరీరం అంతా వ్యాక్సింగ్ చేయించుకోవాలనుకుంటే మాత్రం నిపుణుల దగ్గర చేయించుకోవటం ఉత్తమం.