అధిక పొట్టతో బాధపడుతుంటే....?

Body Care

oi-Saraswathi

By Sindhu

Published: Thursday, May 10, 2012, 16:24 [IST]

చాలా మంది బరువు త్వరగా తగ్గాలని భోజనం మానేసి రకరకాల పద్ధతులు పాటించి ఇబ్బందులకు లోనవుతుంటారు. శరీరం అసాధారణ ఒత్తిడికి లోనైనప్పుడు ముఖ్యంగా ఇటువంటి క్రాష్ డైటింగ్ లో వెంట్రుకలు రాలిపోవడం, రంగు మారడం, చర్మం కాంతి విహీనంగా మారడం, శరీరంలో నిస్సత్తువ, మానసిక అలజడి కలిగే అవకాశం ఉంది. త్వరగా బరువు తగ్గాలన్న ఆరాటం వల్ల శరీరం రకరకాల పోషకాలను కోల్పోతుంది. ముఖ్యంగా పిండి పదార్థాలు, కొవ్వు పదార్థాలు, ఖనిజలవణాలువిటమిన్లు హార్మోన్ స్రావాలకు నూనెల తయారీకి శరీర పని తీరుకు అవసరం.

బరువు బలవంతంగా తగ్గినప్పుడు మూడు నుంచి ఆరు నెలల వరకు దీని ప్రభావం ఉంటుంది. బరువు తగ్గాలనుకొనే వారు ముందుగా పండ్లు, పండ్ల రసాల్లాంటివి పంచదార లేకుండా అధిక మోతాదులో తీసుకుంటే నీరసం నుంచి బయట పడతారు. కూరగాయలు, ఆకుకూరలు, బాదం, ఖర్జూరాలు, ఎండు ద్రాక్షలాంటివి చర్మానికి వెంట్రుకలకు మంచి పోషణనందిస్తాయి.

చాలా మంది బరువు త్వరగా తగ్గాలని మార్కెట్లో దొరికే రకరకాల క్రీములు, నూనెలు రాస్తుంటారు. వాటివల్ల ఫలితం నామమాత్రం. ఆయుర్వేదంలో బరువు తగ్గడానికి చాలా విధానాలు ఉన్నాయి..ఒంటికి పూతరాయడం, చెమట పట్టే విధంగా వ్యాయామాలు చేయడం వాటిల్లో కొన్ని మీ కోసం....

1. బరువు పెరుగుతున్నాప్పుడు పొడిగా, వేడిగా ఘాటుగా ఉండే వస్తువులను భోజనంలో తీసుకోవాలి. పుల్కాలు, మిరియాలు, గోరువెచ్చటి నీళ్లకు ప్రాధాన్యమివ్వడం మంచిది.
2. తైలం పూయకుండా నలుగు పట్టాలి అప్పుడే అది పనిచేస్తుంది. అలాగే తిప్పగీగ, త్రిఫలాలను, మజ్జిగ తేనెను ఎక్కువగా తీసుకోవాలి.
3. కొర్రలు, ఓట్స్, జొన్నలు, పెసలు, ఉలవలు, కందులు, నీటి శాతంఎక్కువగా ఉండే బీర, అనప, పొట్లకాయ వంటి కూరలు తీసుకోవాలి.
4. పగటి నిద్రకు దూరంగా ఉండాలి. క్రమం తప్పకుండా వ్యాయామం చేయాలి. పొట్ట తగ్గించుకునేందుకు. కాలేయం పనితీరును పెంచే ఆసనాలు వేయాలి. వాటిని చేయడం వల్ల కాలేయం పనితీరు పెరిగి కొవ్వు తగ్గుతుంది.
5. అరచెంచా మెంతి పొడి నీళ్లలో కలిపి రాత్రి పూట తీసుకోవాలి. అన్నింటికంటే ముఖ్యం ఆహారంలో కొవ్వు శాతం చాలా తక్కువగా ఉండేట్లు చూసుకోవడం. రకరకాల పిండి పదార్థాలతో బయట చేసే పిండి వంటలు తినకూడదు. మితంగా భోజనం చేయాలి. రోజుకి నాలుగు సార్లు తీసుకోవాలి.
6. ఆవ, ఆలివ్, పొద్దతిరుగుడు, నువ్వుల నూనెలను కొద్దిగా తీసుకుంటే జుట్టు, చర్మానికి ఇబ్బంది ఉండదు. ఉప్పు కూడా చాలా తక్కువ తీసుకోవాలి.
7. శరీర బరువు అసాధారణంగా పెరుగుతున్నప్పుడు జబ్బులు, అలర్జీ మధుమేహం, కీళ్లు, అరిగిపోవడం, శ్వాసకోస సమస్యలు, అధిక రుతుస్రావం, అల్పరుతుస్రావం వంటి సమస్యలు ఎదురవుతాయి. కాబట్టి నిపుణుల పర్యవేక్షణలో వైద్యం చేయించుకోవాల్సి ఉంటుంది.