అధర సౌందర్యం...ఇంటి చిట్కాలు...

Body Care

oi-Saraswathi

By Sindhu

Published: Monday, January 23, 2012, 12:47 [IST]

మగువ అందంగా కనబడాలంటే ముఖంలో కళ్ళు, ముక్కు, పెదాలు అందంగా కనబడాలి. ముఖంలో పెదాలు చాలా సున్నితమైనవి. అలాంటి పెదాలు..ఆరోగ్యంగా..పింక్ కలర్ లో ఉంటేనే చూడ్డానికి చాలా ముచ్చటగా ఉంటాయి. మీ అందం..ఆరోగ్యం గురించి ఎదుటి వారికి తెలియాలంటే పెదాలు స్మూత్ గా..సాప్ట్ గా ఉండాలి. శీతాకాలంలో పెదాలు పొడిబారి పగులుతుంటాయి. ఒక్కోసారి రక్తస్రావం కూడా అంవుతుంది. వాటిని నిర్లక్ష్యం చేయకుండా అందరమైన అధర సౌందర్యం కోసం కొన్ని చిట్కాలు పాటిస్తే మంచిది.

1. పెదాలపైన ఉన్న మృతకణాలను ఎప్పటికప్పుడు తొలగించుకోవాలి. టూత్‌ బ్రష్‌ తో వలయాకారంలో మృదువుగా రుద్దాలి. దానివల్ల మురికి, జిడ్డు తొలగిపోయి పెదవులు తాజాగా కనిపిస్తాయి.
2. రాత్రిపూట నిద్రకు ఉపక్రమించే ముందుగా పాలమీగడతో పెదాలను బాగా రుద్ది.. కడిగేయకుండా అలా వదిలేస్తే పెదాలకు తేమ అందుతుంది. పొడిబారకుండా ప్రకాశవంతంగా తయారవుతాయి.
3. రాత్రిపూట పెట్రోలియం జెల్లీని రెండుసార్లు పూతగా పూసి అలా వదిలేయాలి. దానివల్ల పెదవులకు తేమ అందుతుంది. దాంతో పెదాలు ఫ్రెష్ గా ఉంటాయి.
4. సహజంగా ఇంట్లో ఎప్పుడూ ఉండే పంచదార లేదా ఉప్పుతో పెదాల మీద రుద్దినా మృతకణాలు తొలగిపోతాయి. 5. రోజ్ వాటర్, కొబ్బరి నీళ్ళు, ఆలివ్ ఆయిల్ సమపాళ్ళలో తీసుకొని పెదవులకు పట్టించాలి. ఇలా చేయడం వల్ల పగుళ్లు, ఇన్ ఫెక్షన్లు దరిచేరకుండా ఆరోగ్యంగా కనిపిస్తాయి.
6. పెదాలు నల్లబడ్డట్టు అనిపిస్తుంటే అరకప్పు గులాబీ రేకులను ఒక కప్పు పాలలో రాత్రంతా నానబెట్టి, మరుసటి రోజు మిక్సీలో వేసి మెత్తని ముద్దగా చేయాలి. ఈ మిశ్రమాన్ని ఫ్రిజ్ లో కూడా భద్రపరిచి తరచూ పెదాలకు రాస్తుంటే నలుపు రంగు తగ్గి క్రమంగా ఎర్రగా మారతాయి.