Click it and Unblock the Notifications
Just In
రోజంతా ఉల్లాసంగా...ఉత్సాహంగా...
ఒక కప్పు వేడి నీటిలో ఒక నిమ్మకాయను పిండి, అల్లం రసాన్ని కలుపుకుని రోజూ నిద్రలేవగానే తాగండి. అది మనలోని అనేక వ్యవస్థలను శుభ్రపరుస్తుంది. అలాగే రోజూ నిద్ర లేవగానే ఐదు నిమిషాల పాటు గాఢంగా శ్వాస తీసుకోవాలి. ప్రయత్నపూర్వకంగా యోగా చేయలేనివారికి, కొంతకాలం యోగా చేసి ఆపేసిన వారికీ ఇలా గాఢంగా శ్వాస తీసుకోవడం ఉపయోగపడుతుంది.
ఉదయం నిద్ర లేవగానే శరీరాన్ని మర్ధన చేసుకున్నటైతే చర్మానికి రక్తప్రసరణ పెరిగి చర్మం చాలా కాలం పాటు బిగుతుగా ఉంటుంది. శరీరానికి ప్రతి రోజూ స్నానం చేయడం వల్ల ఆహ్లాదాన్ని ఇస్తుంది. స్నానం తర్వాత ఉండే ఆహ్లాదకరమైన అనుభూతిని ప్రయత్నపూర్వకంగా అనుభవించండి. ఆ ఫ్రెష్ ఫీలింగ్ కూడా మిమ్మల్ని మరికాస్త ఎక్కువ ఉత్తేజంగా ఉండేలా చేస్తుంది.
నిద్ర పోవడానికి ఎక్కువ సమయం తీసుకోవడం వల్ల చాలా సేపటి వరకూ మనం ఆహారం తీసుకోకుండా ఉంటాం కాబట్టి ఉదయం అల్పాహారానికి కొంచెం మోతాదు ఎక్కువైనా పర్లేదు. అయితే అవి నూనె పదార్థాలై ఉండకూడదు. లేకుంటా అవి మిమల్ని బద్దకస్తంగా ఉండేలా చేస్తాయి. అంతేకాదు. శరీరంలో చురుకు దనం లోపిస్తుంది. ఆహారంలో ఎక్కువగా వేయించిన పదార్థాల కంటే ఉడికించిన పదార్థాలు ఉండేలా చూసుకోవాలి. కూరగాయలతో ఉండే ఆహారం ఎక్కువగా తీసుకోవాలి. కాయదాన్యాలతో ఉండే ఆహారం తీసుకోవడం ఇష్టమైతే, దానితో పాటు ఆకుకూరలు కూడా ఎక్కువగా తీసుకోవాలి.
ఇక ఆఫీస్ లో తీసుకునే కాఫీ, టీ లను పరిమితంగా తీసుకోవాలి. ఒకవేళ తాగాల్సి వస్తే దానికి బదులు గ్రీన్ టీ, లెమన్ టీ వంటివి అందుబాటులో ఉంటే అవి తీసుకొంటే ఆరోగ్యపరంగా చాలా మంచిది. అలాగే రోజులో ఎక్కువసార్లు వీలైనంతగా నీళ్లు తాగాలి. ఫ్రూట్ జ్యూస్ తీసుకోవడానికి బదులు తాజా పండ్లు తినడం మంచిపద్దతి.
