మెహేంది రంగును తొందరగా తొలగించుకోవడానికి మార్గాలు

బ్లీచ్ :

మెహేంది పెట్టుకున్న ప్రాంతంలో మంచి నాణ్యత కలిగిన బ్లీచ్ ను రాయాలి. మీరు మీ ముఖం మీద ఉపయోగించే రకంను ఉపయోగించాలి.అది ఆరిన తర్వాత చల్లని నీటితో శుభ్రంగా కడగాలి.

బేకింగ్ సోడా మరియు నిమ్మరసం :

బేకింగ్ సోడా మరియు నిమ్మరసం కలిపి పేస్ట్ గా చేసి మెహేంది పెట్టుకున్న ప్రాంతంలో రాయాలి. అది పొడిగా మారిన తర్వాత చల్లని నీటితో కడగండి.ఇది మీ చేతులను పొడిగా చేయవచ్చు. కాబట్టి మీరు తేమ ఉండేలా చూసుకోవాలి.

టూత్ పేస్టు:

టూత్ పేస్టులో ఉన్న కొన్ని లక్షణాలు మెహేంది త్వరగా పోవటానికి సహాయం చేస్తాయి. టూత్ పేస్టును పిండి మెహేంది పెట్టుకున్న ప్రాంతాలలో రాయాలి. అది ఆరిన తర్వాత వేగంగా మీ చేతులను రబ్ చేసి కడగాలి.

హ్యాండ్ వాష్:

రోజులో 10 నుంచి 12 సార్లు తరచుగా చేతులను కడగాలి. సబ్బు మెహంది రంగును తగ్గించటానికి సహాయపడుతుంది. కానీ ఎక్కువగా మీ చేతులను కడగటం వలన పొడిగా మారవచ్చు. కాబట్టి మీ చేతులను కడిగిన ప్రతిసారి మంచి మాయిశ్చరైజర్ ను రాయటం మర్చిపోకూడదు.

ఆలివ్ నూనె ఉప్పు:

ఆలివ్ నూనె ఒక సహజ తరళీకరణగా ఉండుట వలన రంగు క్షీనతకు సహాయపడుతుంది. ఆలివ్ నూనెలో కొంచెం ఉప్పు కలిపి చర్మం మీద రాయాలి. పది నిముషాలు అయిన తర్వాత ఈ ప్రక్రియను కొన్ని సార్లు పునరావృతం చేయండి.మీరు కావలసిన ప్రభావాన్ని పొందడానికి కొన్ని రోజుల సమయం పడుతుంది.

ఉప్పు నీరు:

గోరువెచ్చని నీటిలో ఉప్పు వేసి మీ చేతులను 20 నిమిషాల పాటు ఉంచాలి. లేదంటే నీరు చల్లబడే వరకు చేతులను ఉంచాలి. కొంత ప్రభావంను చూడటానికి ఈ ప్రక్రియను కూడా కొన్ని సార్లు పునరావృతం చెయ్యవలసి ఉంటుంది. ఎక్కువసేపు మీ చేతులు ఉప్పు నీటిలో ఉండుట వలన పొడిగా మారవచ్చు. కాబట్టి ఒక మంచి మాయిశ్చరైజర్ ను వాడండి.

క్లోరిన్:

క్లోరిన్ మెహేంది రంగు తగ్గటానికి సహాయపడుతుంది. కేవలం ఇంట్లోనే క్లోరిన్ నీటిలో మీ చేతులను పది నిముషాలు ఉంచితే సరిపోతుంది.