నిమ్మరసంలో దాగున్న ఎఫెక్టివ్ బ్యూటి సీక్రెట్స్..!

బ్లాక్ హెడ్స్ తొలగించడానికి

నిమ్మలో యాంటీ బ్యాక్టీరియల్, యాంటీ ఫంగల్ గుణాలు ఉండటం వల్ల ఇన్ఫెక్షన్ కి కారణమయ్యే బ్యాక్టీరియాను తొలగించి.. బ్లాక్ హెడ్స్ ని నివారిస్తుంది.

ఎలా వాడాలి

ముందుగా నిమ్మకాయను చిన్న ముక్కలుగా కట్ చేసి.. తేనె రాసుకుని.. ముఖంపై డైరెక్ట్ గా అప్లై చేయాలి. 15 నిమిషాల తర్వాత శుభ్రం చేసుకోవాలి.

పళ్లు తెల్లగా మారడానికి

పసుపు పచ్చగా, అసహ్యంగా మారిన పళ్లను తెల్లగా మార్చడంలో.. నిమ్మ ఎఫెక్టివ్ గా పనిచేస్తుంది.

వాడేవిధానం

ఒక టీస్పూన్ బేకింగ్ సోడా, కొన్ని చుక్కల నిమ్మరసం కలపాలి. పేస్ట్ అయిన తర్వాత పళ్లపై రుద్దుకోవాలి. ఒక నిమిషం తర్వాత గోరువెచ్చని నీటితో శుభ్రం చేసుకోవాలి.

పాదాలకు స్క్రబ్

పాదాలపై పేరుకున్న డెడ్ స్కిన్ తొలగించడానికి నిమ్మకాయ స్క్రబ్ ఎఫెక్టివ్ గా పనిచేస్తుంది.

తయారుచేసేవిధానం

రెండు టేబుల్ స్పూన్ల బ్రౌన్ షుగర్ తీసుకుని, 1 టేబుల్ స్పూన్ ఆలివ్ ఆయిల్, కొన్ని చుక్కల నిమ్మరసం కలుపుకోవాలి. ఈ మిశ్రమంలో పాదాలపై స్క్రబ్ చేసి.. 15 నిమిషాల తర్వాత శుభ్రం చేసుకోవాలి.

చుండ్రు నివారించడానికి

చుండ్రుని శాశ్వతంగా నివారించుకోవాలి అంటే.. సింపుల్ ట్రిక్ ఉంది. నిమ్మరసంను డైరెక్ట్ గా తలకు పట్టించాలి. గంట తర్వాత.. మైల్డ్ షాంపూతో తలస్నానం చేయాలి. అంతే.