పగిలిన పెదవుల కోసం సులభంగా ఇంట్లో తయారుచేసుకోగలిగే లిప్ స్క్రబ్స్

1. బాదం నూనెతో ఓట్ మీల్

1 చెంచా వండిన ఓట్ మీల్ ను అరచెంచా బాదం నూనెను కలపండి.

దీన్ని మీ పెదవుల మీద మెల్లగా రుద్దండి.

ఐదు నిమిషాల తర్వాత చల్లనీరుతో కడిగేయండి.

వారం లోపల మీరు ఇలా 3-4 సార్లు చేసి మంచి ఫలితాలను పొందండి.

2. వెనిలా ఎసెన్స్ తో బౌన్ షుగర్

అరచెంచా బ్రౌన్ షుగర్ ను 1 చెంచా వెనిలా ఎసెన్స్ తో కలపండి.

ఈ మిశ్రమాన్ని పెదవులపై రాసి, 5 నిమిషాల పాటు మెల్లగా రుద్దండి.

గోరువెచ్చని నీరుతో కడిగేయండి.

వారానికి 2-3 సార్లు ఇలా చేసి పెదవుల పగుళ్ళను తగ్గించుకోండి.

3. పెప్పర్ మింట్ ఆకులతో కోకో పొడి

10-12 పెప్పర్ మింట్ ఆకులను నలిపి, రోజ్ వాటర్ ను జతచేయండి.

ఈ మిశ్రమాన్ని అరచెంచా కోకోపౌడర్ తో కలిపి పేస్టులా చేయండి.

దీన్ని మీ పెదవులపై మెల్లగా రుద్దండి.

గోరువెచ్చని నీరుతో కడిగేసి, వారం పాటు ఇలాగే చేసి మంచి ఫలితాలు పొందండి.

4. షియా బటర్ తో పుదీనా ఆకులు

8-9 పుదీనా ఆకులను నలిపి అరచెంచా షియా బటర్ తో కలపండి.

దీన్ని మీ పెదవులపై రాసి మెల్లగా రుద్దండి. కొన్ని నిముషాల పాటు ఉంచాక, గోరువెచ్చటి నీరుతో కడిగేయండి.

ఈ ఇంటిలో తయారుచేసుకునే స్క్రబ్ ను వారానికోసారి వాడి మెత్తని మరియు మృదువైన పెదవులను మీ సొంతం చేసుకోండి.

5. పంచదార మరియు నిమ్మరసంతో కొబ్బరి నూనె

1చెంచా కొబ్బరి నూనె, పంచదార మరియు అరచెంచా తాజా నిమ్మరసాన్ని కలపండి.

ఈ మిశ్రమాన్ని మీ పెదవులపై రాసి అక్కడ పేరుకున్న మురికి, మృతకణాలను తొలగించండి.

అలా చేసేసాక మీ పెదవులను గోరువెచ్చని నీరుతో కడిగేయండి.

నెలలో 3-4 సార్లు ఈ అద్భుత స్క్రబ్ ను వాడి మంచి ఫలితాలను పొందండి.

6.ఆలివ్ నూనెతో కాఫీ గింజలు

అరచెంచా కాఫీగింజల పొడిని 1 చెంచా ఆలివ్ నూనెతో కలపండి.

ఈ మిశ్రమాన్ని మెల్లగా మీ పెదవులపై 5 నిమిషాల పాటు రుద్దండి.

అయ్యాక మీ పెదవులను గోరువెచ్చని నీరుతో కడిగేయండి.

వారానికి రెండుసార్లు ఇలా సులభమైన స్క్రబ్ ను వాడి మెత్తని, పింక్ పెదవులను పొందండి.

7.దాల్చినచెక్కతో తేనె

1/3చెంచా దాల్చిన చెక్క పొడిని 1 చెంచా తేనెతో కషాయం తయారుచేయండి.

దీన్ని మీ పెదవులపై రాసి 5-10 నిమిషాల పాటు రుద్ది, గోరువెచ్చని నీటితో కడిగేయండి.

ఈ ఇంట్లో తయారుచేసుకునే స్క్రబ్ ను వారానికోసారి వాడి, మీ పెదవులకి తగినంత తేమ ఉండేలా చూడండి.