ఎండవల్ల చేతులు,పాదాలు నల్లబడకుండా ఈ ఇంటిచిట్కాలతో కాపాడుకోండి

1.పచ్చిపాలు

మృతకణాలను, మురికిని తొలగించటానికి ఉపయోగపడే చక్కటి చిట్కా పచ్చిపాలను వాడటం. పచ్చిపాలనే మొదటగా నల్లగా మారిన చేతులు,పాదాలపై వాడాలి. ఎందుకంటే దానికి లాక్టిక్ స్వభావం ఉండటం వలన, చర్మంపై చనిపోయిన కణాలను తొలగించి, చర్మరంథ్రాలలోకి వెళ్ళి లోపలినుంచి శుభ్రపరుస్తుంది. ఇది బ్లీచింగ్ ఏజెంట్ లా కూడా పనిచేసి చేతులు,కాళ్ల రంగును లేతపర్చి, వేళ్ళ కణుపులను కూడా మెత్తబరుస్తుంది.

2.సెనగపిండి ప్యాక్

రెండు చెంచాల సెనగపిండి, ఒక చెంచా పసుపు, రెండు చెంచాల పాలను, కొన్ని చుక్కల నిమ్మరసం కలిపి మందమైన చక్కని ప్యాక్ తయారుచేయండి. దీన్ని హిందీలో ఉబ్తన్ అంటారు,ఈ సెనగపిండి ప్యాక్ చర్మంపై టాన్ ను తొలగించటంలో చాలా మంచిగా పనిచేస్తుంది. కడిగేసాక మాయిశ్చరైజర్ రాసుకుని పొడిదనానికి దూరంగా ఉండండి.

3.నిమ్మకాయలు

విటమిన్ సి ఎక్కువగా ఉండే, మంచి బ్లీచింగ్ ఏజెంట్ గా పనిచేసే నిమ్మకాయలు చర్మాన్ని శుభ్రపర్చుకోటానికి, చర్మం తెల్లబర్చుకోటానికి ఉపయోగపడతాయి. అరచెక్క నిమ్మకాయను తీసుకోని దానిపై కొంచెం పంచదారను వేసి చేతులు,పాదాలపై రుద్దండి. 10 నిమిషాలు అలా వదిలేసి తర్వాత కడిగేయండి. తర్వాత పొడిబారకుండా మాయిశ్చరైజర్ రాసుకోండి. వారానికోసారి ఇదే పద్ధతి పాటించి ఫలితాలు చూడండి.

4.ఆలోవెరా

తెల్లని చేతులు,పాదాల కోసం ఇంటి చిట్కాలను గురించి ఆలోచిస్తున్నప్పుడు, ఆలోవెరాను మర్చిపోలేం. మొక్కనుంచి ఒక ఆకును కోసి,అందులోంచి జెల్ ను మొత్తం తీయండి. ఈ జెల్ ను మీ చేతులు,పాదాలపై రాసుకోండి. పదినిమిషాలు అలానే వదిలేసి కడిగేయండి. రోజుకి రెండుసార్లు ఇలా చేస్తే కావాల్సిన ఫలితాలు వస్తాయి. మీరు ఆలోవెరాను బాదం నూనెతో కూడా కలిపి రాసుకోవచ్చు.

5. టమాటాలు

టమాటాలు సహజమైన బ్లీచింగ్ పదార్థం మాత్రమే కాదు, యువి కిరణాల నుంచి మీ చర్మం యొక్క సున్నితత్వాన్ని తగ్గిస్తుంది. టమాటా రసం లేదా అర చెక్క టమాటాను సమస్య ఉన్నచోట రుద్ది రెండు నిమిషాల తర్వాత కడిగేస్తే కావాల్సిన ఫలితం కన్పిస్తుంది. 2-3 నిమిషాలపాటు ఉంచితే చాలు.