పర్ఫెక్ట్ పర్ఫ్యూమ్ ని సెలెక్ట్ చేసుకోలేకపోతున్నారా? అయితే ఈ చిట్కాలను ట్రై చెయ్యండి..

1) లింగో గురించి తెలుసుకోండి..

ప్రతి ఒక్క పర్ఫ్యూమ్ బాటిల్స్ గురించి తొలుత అర్థం చేసుకోవాల్సిన విషయం ఏమిటంటే వాటిపై ఉండే గమనికలు(నోట్స్). అవి కాలంతో పాటు మారుతుంటాయి. ఈ పర్ఫ్యూమ్ కు మూడు నోట్స్ ఉన్నాయి. టాప్ అండ్ బాటమ్ అండ్ మిడిల్. టాప్ నోట్ ఏంటంటే మీరు స్ప్రే చేసిన తర్వాత తొలి 15 నిమిషాలు వాసన పడుతుంది. ఆ తర్వాత అది మసకబారుతుంది. అదే మిడిల్ నోట్ విషయానికొస్తే అది కొన్ని గంటల వరకు ఉంటుంది. ఇక బాటమ్ నోట్ కి వస్తే ఇది రోజంతా ఉండే వాసన. కాబట్టి మీరు మంచి సువాసన వెదజల్లే పర్ఫ్యూమ్ ఎంపిక చేసుకునేటప్పుడు మీరు టాప్ నోట్ మాత్రమే కాకుండా బాటమ్ అండ్ మిడిల్ నోట్స్ ను కూడా నిర్ధారించుకోండి.

2) మీకు తెలిసిన కొన్ని సుగంధాలు..

మీరు ఇప్పటికే ప్రేమించే, మీకు తెలిసిన కొన్ని పర్ఫ్యూమ్ లను కనుగొనడానికి ప్రయత్నించండి. మీరు ప్రేమించే, మీకు తెలిసిన కొన్ని సుగంధాలు కూడా ఉండొచ్చు. ఆ సువాసనతో ప్రతిధ్వనించే పర్ఫ్యూమ్ ను కనుక్కునేందుకు ప్రయత్నించి చూడండి. మీరు ఏదైనా షాపుకు లేదా మాల్స్ కు వెళ్లినపుడు మీరు అలాంటి సువాసన వచ్చేవి కావాలని వారికి చెప్పండి. అది పూలు, లేదా కలప లేదా సిట్రస్ వంటి సువాసన కావచ్చు. మీరు ఒకవేళ ఆన్ లైన్లో షాపింగ్ చేస్తుంటే మీ సువాసన ఎంపికను వివరించే ఫిల్టర్లు కూడా అందుబాటులో ఉన్నాయి. మీ చుట్టూ ఉన్న సువాసనలతో మీ సమయాన్ని గడపండి. మీరు ఇష్టపడేది ఏంటో తెలుసుకోండి.

3) ఫస్ట్ లైట్ గా ఉండే వాటిని ట్రై చెయ్యండి..

ఫస్ట్ లైట్ గా ఉండే సువాసనలను ప్రయత్నించండి. మీరు వేర్వేరు పర్ఫ్యూమ్ లను ప్రయత్నిస్తుంటే, ముందుగా లైట్ (తేలికైన) సువాసన వెదజల్లే వాటిని ప్రయత్నించండి. తర్వాత భారీ సువాసనలకు వెళ్లండి.మస్కీ మరియు కలప వంటివి తేలికైన సువాసనలు వెదజల్లుతాయి.

4) అన్నింటినీ ఒకేసారి ప్రయత్నించొద్దు..

అన్ని పర్ఫ్యూమ్ లను ఒకేసారి ప్రయత్నించొద్దు. సువాసనలను పరీక్షించడంలో అస్సలు తొందర పడొద్దు. మీరు ఎంత ఎక్కువగా వాసన చూస్తే మంచి సువాసన ఉన్న వాటిని ఎన్నుకోవడంలో అంత గందరగోళ పడతారు. కాబట్టి ఒకేసారి మూడు పర్ఫ్యూమ్ ల కంటే ఎక్కువగా ప్రయత్నించవద్దు.

5) మీ పల్స్ పాయింట్ల పర్ఫ్యూమ్ ను ప్రయత్నించండి..

పర్ఫెక్ట్ పర్ఫ్యూమ్ ఎలా ఉంటుందో పరీక్షించడానికి ఉత్తమ మార్గం మీ శరీరం యొక్క పల్స్ పాయింట్ల వద్ద పరీక్షించడం. మీ శరీరం యొక్క పల్స్ పాయింట్లు చెవుల వెనుక, మీ గొంతు యొక్క బేస్, మణికట్టు మీద, మీ లోపలి మోచేతులు మరియు మీ మోకాళ్ల వెనుక ఉంటాయి. ఈ భాగాలే సువాసనను తీవ్రతరం చేసేందుకు సహాయపడతాయి.

6) సువాసన టెస్ట్ చేసేటపుడు బ్రేక్ తీసుకోండి..

పర్ఫ్యూమ్ ను పరీక్షించేటప్పుడు మీరు గుర్తుంచుకోవాల్సిన విషయం ఏమిటంటే వాటి మధ్య బ్రేక్ తీసుకోవడం. రకరకాల పర్ఫ్యూమ్ లతో మిమ్మల్ని మీరు ముంచుకోకండి. సుగంధాల మధ్య కాఫీ వాసన చూడండి లేదా చిన్న బ్రేక్ తీసుకుని తిరిగి వచ్చి ప్రయత్నించండి.

7) పర్ఫెక్ట్ పర్ఫ్యూమ్ కోసం సమయాన్ని ఇవ్వండి

మీరు మొదట చూసే సువాసన అది రోజంతా వాసన ఎలా వస్తుందో కాదు. మీ శరీర వాసన కూడా పర్ఫ్యూమ్ వాసన పడే విధానాన్ని ప్రభావితం చేస్తుంది. అందుకే ఒకే పర్ఫ్యూమ్ వేర్వేరు వ్యక్తులపై భిన్నంగా ఉంటుంది. కాబట్టి, మీరు అలాంటి పర్ఫ్యూమ్ ను ఇష్టపడుతున్నారో లేదో తెలుసుకోవడానికి శ్యాంపిల్ తీసుకొని రోజంతా పరీక్షించండి.