వర్షాకాలంలో హెయిర్ ఫాల్ తగ్గించే ఇంటి చిట్కాలు...

జిడ్డుగా లేని నూనెలను ఎంపిక చేసుకోవాలి:

అందంగా కనబడాలంటే ముఖం కానీ, జుట్టుకానీ, జిడ్డులేకుండా చూసుకోవడం చాలా అవసరం. అందుకు స్వచ్చమైన ఆలివ్ ఆయిల్, ల్యావెండర్ ఆయిల్ మరియు నేచురల్ కోకనట్ ఆయిల్ వంటి నాన్ గ్రీజీ ఆయిల్స్ గ్రేట్ గా సహాయపడుతాయి . ఈ మూడు నూనెలు జుట్టు డ్యామేజ్ కాకుండా చేస్తాయి. మరియు ఒక్క వారంలో జుట్టు రాలడం తగ్గిస్తాయి.

తలస్నానం:

వర్షంలో తడిచిన వెంటనే తలస్నానం చేయడం చాలా అవసరం. వర్షంలో తడిచిన తర్వాత తలస్నానం చేయకపోవడం వల్ల తలలో ఇన్ఫెక్షన్ కు ఆహ్వానం పలికినట్లే . దాంతో ఆటోమాటిక్ గా హెయిర్ ఫాల్ కు దారితీస్తుంది. హెయిర్ ఫాల్ తో పాటు, తలలో పేలు మరియు చుండ్రు కూడా ఏర్పడుతుంది.

తడి జుట్టును ఎప్పుడూ ముడి వేయకూడదు:

చాలా మంది మహిళలు చేసే పొరపాటు ఇది. తలస్నానం చేసిన తర్వాత లేదా వర్షంలో తడిసిన తర్వాత జుట్టును ముడివేస్తుంటారు . ఇలా చేయడం జుట్టురాలడానికి అనారోగ్యకరం మరియు చెడు అలవాటు. మరియు ఇది ఫంగల్ ఇన్ఫెక్షన్స్ కు దారితీస్తుంది మరియు తలదురద పెడుతుంది.

తడి జుట్టును దువ్వకూడదు:

జుట్టు తడిగా ఉన్నప్పడు దువ్వెనెతో జుట్టును దువ్వకూడదు. జుట్టును నేచురల్ గా తడి ఆర్పులకోవాలి . పూర్తిగా తల ఆరిన తర్వాత వెడల్పు పళ్ళున్న దువ్వెనతో దువ్వుతూ జుట్టులో ముడులను విడిపించుకోవాలి. తడి జుట్టును దువ్వుకోవడం వల్ల హెయిర్ రూట్స్ ను బలహీనపరుస్తుంది, దాంతో హెయిర్ ఫాల్ కు కారణం అవుతుంది.

హెయిర్ ప్రొడక్ట్స్ కు నో చెప్పండి:

వర్షాకాలంలో హెయిర్ ఫాల్ తో పోరాడాలంటే కెమికల్ హెయిర్ ప్రొడక్ట్స్ కు నో చెప్పండి. జెల్, హెయిర్ క్రీమ్, మరియు స్ప్రేస్ వంటి వాటికి దూరంగా ఉండాలి . ఇలాంటి హెయిర్ ప్రొడక్ట్స్ హెయిర్ రూట్స్ ను బలహీనం చేస్తుంది మరియు జుట్టును డ్యామేజ్ చేస్తుంది.

ఎప్పుడూ తలను శుభ్రంగా ఉంచుకోవాలి:

ఆయిల్ జుట్టు ఎక్కువ మురికిని ఆకర్షిస్తుంది. త్వరగా మురికిపడుతుంటుంది . ముఖ్యంగా వర్షాకాలంలో తలలో త్వరగా మురికి చేరుతుంటుంది . అందువల్ల హెయిర్ ఫాల్ ను నివారించడానికి మరియు ఇతర జుట్టు సమస్యలను కంట్రోల్ చేయడానికి వారంలో రెండు సార్లు జుట్టును వాష్ చేయడం మంచిది. వాతావరణం మోడంగా ఉన్నా సరే రెగ్యులర్ తలస్నానం కంపల్సరీ.

హోం మేడ్ షాంపులు:

అన్ని రకాల సమస్యల నుండి జుట్టును కాపాడుకోవడం కోసం హోం మేడ్ షాంపులకు ప్రాధాన్యత ఇవ్వడం మంచిది . హోం మేడ్ షాంపులంటే శీకాయ, కుంకుడు కాయలు, మరియు వేపపేస్ట్ వంటి ఉత్తమమైనవాటిని ఎంపిక చేసుకోవాలి. ఇవి హెయిర్ ఫాల్ తగ్గించడంలో బెస్ట్.

జుట్టు చిక్కుబడకుండా:

వెల్లుల్లి, ఉల్లిపాయ, మరియు అల్లం వంటి వాటిలో జుట్టు పెరుగుదలను ప్రోత్సహించే లక్షణాలు మెండుగా ఉన్నాయి . వీటిని రెగ్యులర్ డైట్ లో చేర్చుకోవడంతో పాటు, జుట్టు పెరుగుదలను ప్రోత్సహిస్తాయి . అంతే కాదు, వర్షాకాలంలో వీటి వల్ల జుట్టు రాలడం కంట్రోల్ అవుతుంది.