అబ్బాయిల్లో జుట్టు రాలడాన్ని తగ్గించి, బట్టతల నివారించే హోం రెమిడీస్..!!

వారానికి రెండుసార్లు ఆయిల్

అత్యంత ముఖ్యమైన టిప్.. వారానికి రెండుసార్లు జుట్టుకి ఆయిల్ పెట్టడం. దీనివల్ల జుట్టు హెల్తీగా ఉంటుంది. అంతేకాదు ఆలివ్ ఆయిల్ ఉపయోగించడం వల్ల.. జుట్టుని రక్షణ కల్పించడంతో పాటు, పోషణ అందిస్తుంది.

ఆలివ్ ఆయిల్ ప్యాక్

రెండు టీస్పూన్ల తేనె, ఒక స్పూన్ దాల్చిన చెక్క పొడి, ఆలివ్ ఆయిల్ కలిపి పేస్ట్ చేసుకోవాలి. దీన్ని తలకు పట్టించి 20 నిమిషాలు ఆరిన తర్వాత.. మైల్డ్ షాంపూతో శుభ్రం చేసుకోవాలి. ఇలా వారానికి ఒకసారి వేస్తే అబ్బాయిల్లో జుట్టు రాలడం నివారించవచ్చు.

జీలకర్ర, ఆలివ్ ఆయిల్

ఒక టీస్పూన్ జీలకర్ర, అరకప్పు ఆలివ్ ఆయిల్ తీసుకోవాలి. రెండింటినీ మిక్స్ చేసి.. తలకు పట్టించాలి. జుట్టుకి బాగా మసాజ్ చేయాలి. 30 నిమిషాల తర్వాత రూమ్ టెంపరేచర్ నీటితో శుభ్రం చేసుకుంటే.. జుట్టు రాలడం తగ్గుతుంది.

అలోవెరా జెల్

అలోవెరా జెల్ చర్మానికే కాదు.. జుట్టుకి చాలా మంది. అలోవెరా మాస్క్ ని జుట్టుకి పట్టిస్తే.. హెయిర్ కి కావాల్సిన విటమిన్ ఈ అంది.. స్కాల్ప్ కి పోషణ అందిస్తుంది. అలాగే హెయిర్ కి అవసరమైన మాయిశ్చరైజర్ ని ఇస్తుంది.

ఉల్లిపాయ పేస్ట్

స్కాల్ప్ కి క్లెన్సింగ్ లా పనిచేసి.. జుట్టు పెరుగుదలకు సహాయపడుతుంది ఉల్లిపాయ పేస్ట్. ఆనియన్స్ ని మిక్సీలో వేసి పేస్ట్ చేయాలి. కాటన్ బాల్ ని ముంచుతూ.. స్కాల్ప్ కి పట్టించాలి. 20 నిమిషాలు అలా వదిలేసిన తర్వాత.. నీటితో శుభ్రం చేసుకోవాలి. షాంపూ ఉపయోగించకూడదు. ఒకవేళ స్మెల్ బాగోదు అనుకుంటే మైల్డ్ షాంపూ వాడవచ్చు.

ఆవనూనె, హెన్నా పౌడర్

250 గ్రాముల ఆవనూనెలో గోరింట ఆకులు కలిపి బాగా ఉడికించాలి. చల్లారిన తర్వాత ఆయిల్ వడకట్టి.. జుట్టుకి పట్టించాలి. 30 నిమిషాల తర్వాత.. జుట్టుని శుభ్రం చేసుకోవాలి.

జామ ఆకులు

హాట్ వాటర్ లో జామ ఆకులు వేసి.. కొన్ని నిమిషాల పాటు మరిగించాలి. నీళ్లు నల్లగా మారేవరకు మరిగించాలి. కాటన్ ఉపయోగించి.. దాన్ని స్కాల్ఫ్ కి పట్టించాలి. ఇలా వారానికి రెండు మూడు సార్లు చేస్తూ ఉంటే.. జుట్టు రాలడాన్ని నివారించవచ్చు.

ఉసిరి రసం

జుట్టు రాలడాన్ని తగ్గించడంలో ఉసిరికాయ వండర్స్ చేస్తుంది. బట్టతల నివారించడంలో కూడా ఎఫెక్టివ్ గా పనిచేస్తుంది. నిమ్మరసంను, ఉసిరి జ్యూస్ లో కలిపి.. స్కాల్ప్ కి పట్టించాలి. 30 నిమిషాల తర్వాత శుభ్రం చేసుకోవాలి.

తేనె, పచ్చసొన

అబ్బాయిల్లో జుట్టు రాలడం తగ్గించే ఎఫెక్టివ్ రెమెడీ.. తేనె, పచ్చసొన. రెండింటినీ.. సమానంగా తీసుకుని కలిపి.. స్కాల్ప్ కి 30 నిమిషాల పాటు మసాజ్ చేయాలి. పచ్చసొన జుట్టు పెరుగుదలకు సహాయపడుతుంది.