జుట్టు సంరక్షణకు స్ట్రాబెర్రీస్ ఎలా ఉపయోగపడతాయి ?

జుట్టు రాలడం నివారిస్తుంది:

స్ట్రాబెర్రీలో జుట్టు రాలడం నివారించే లక్షణాలు పుష్కలంగా ఉంటాయి. స్ట్రాబెర్రీలో ఉండే విటమిన్ సి , ఐరన్ గ్రహించేలా ప్రోత్సహించడంతో పాటు, జుట్టు పెరుగుదలను ప్రోత్సహిస్తుంది. విటమిన్స్ లోపం వల్ల జుట్టు చిట్లడం, హెయిర్ ఫాల్ సమస్య ఉంటుంది.

చుండ్రుతో పోరాడుతుంది:

స్ట్రాబెర్రీస్ లో ఉండే విటమిన్ సి, వ్యాధినిరోధకశక్తి లోపించడం వల్ల ఏర్పడే చుండ్రును నివారిస్తుంది. స్ట్రాబెర్రీస్ ను మెత్తగా చేసి, ఈ పేస్ట్ కు గుడ్డు మిక్స్ చేయాలి. అందులోనే కొద్దిగా ఆలివ్ ఆయిల్ వేసి, జుట్టుకు అప్లై చేయాలి. అరగంట తర్వాత తలస్నానం చేయాలి.

ఫంగస్ పెరగకుండా నివారిస్తుంది :

స్ట్రాబెర్రీస్ లో ఫంగల్ ఏర్పడకుండా నివారించే లక్షణాలు అధికంగా ఉంటాయి. అందువల్ల తలలో ఫంగస్ ఏర్పడకుండా నివారిస్తుంది. స్ట్రాబ్రెర్రీ పేస్ట్ లోకొద్దిగా తేనె, కొన్ని చుక్కల ఆలివ్ ఆయిల్ వేసి తలకు పట్టించి కొన్ని నిముషాల తర్వాత శుభ్రం చేసుకుంటే చుండ్రుని నివారిస్తుంది.

షైనీ హెయిర్:

స్ట్రాబెర్రీస్ వల్ల జుట్టు మెరుస్తూ కనబడుతుంది. స్ట్రాబెర్రీ పేస్ట్ ను మెయోనైజ్ తో కలపాలి . ఈ మిశ్రమాన్ని తలకు అప్లై చేయాలి . కొద్దిసేపటి తర్వాత తలస్నానం చేయాలి.

జుట్టు పల్చబడకుండా నివారిస్తుంది:

స్ట్రాబెర్రీ పేస్ట్ లో ఉండే ఎనాల్జిక్ యాసిడ్ జుట్టు పల్చబడకుండా నివారిస్తుంది. అలాగే ఇందులో ఉండే ఫోలిక్ యాసిడ్, విటమిన్స్ జుట్టు పల్చబడకుండా, జుట్టు రాలకుండా నివారిస్తుంది.

ఎక్సలెంట్ హెయిర్ మాయిశ్చరైజర్ గా పనిచేస్తుంది:

స్ట్రాబెర్రీస్ జుట్టుకు ఒక మంచి మాయిశ్చరైజరచ్ గా పనిచేస్తుంది. ఇందులో ఉండే యాంటీఆక్సిడెంట్ వల్ల తలలో ఫోలిసెల్స్ డ్యామేజ్ కాకుండా రక్షణ కల్పిస్తుంది. దాంతో ఒక అద్భుతమైన హెయిర్ మాయిశ్చరైజర్ గా పనిచేస్తుంది.