బట్టతల సమస్యకు చెక్ పెట్టే పర్ఫెక్ట్ అండ్ పర్మనెంట్ సొల్యూషన్స్..!!

ఆలివ్ ఆయిల్

స్కాల్ప్ మొత్తానికి ఆలివ్ ఆయిల్ పట్టించాలి. 5 నుంచి 10 నిమిషాలు బాగా మసాజ్ చేయాలి. తర్వాత షవర్ క్యాప్ తో తలను కవర్ చేసుకోవాలి. ఇలా రాత్రంతా పెట్టుకోవాలి. ఉదయాన్నే మైల్డ్ షాంపూతో స్నానం చేయాలి. ఇలా రెగ్యులర్ గా చేయడం వల్ల.. బట్టతలపై జుట్టు రావడం ఖాయం.

అలోవెరా జెల్

ఇది చాలా ఎఫెక్టివ్ గా పనిచేసే సింపుల్ రెమెడీ. అలోవెరా నుంచి జెల్ తీసి.. స్కాల్ప్ మొత్తం పట్టించాలి. బట్టతల ఉన్న దగ్గర ఎక్కువ ఫోకస్ చేయాలి. రాత్రంతా అలానే వదిలేస్తే మరింత ఎక్కువ ఫలితాలు పొందవచ్చు. లేదంటే.. రెండు మూడు గంటల తర్వాత శుభ్రం చేసుకోవచ్చు.

గోరువెచ్చని కొబ్బరినూనె

4 స్పూన్ల కొబ్బరినూనెను గోరువెచ్చగా చేయాలి. 15 నిమిషాల పాటు బాగా మసాజ్ చేయాలి. షవర్ క్యాప్ వేసుకుని రాత్రంతా అలానే వదిలేయాలి. ఇలా వారానికి నాలుగుసార్లు చేయాలి. కొన్ని రోజులకే మార్పు చూస్తారు.

ఉసిరి ప్యాక్

4 ఉసిరికాయలు తీసుకుని రసం తీయాలి. రెండు టీస్పూన్ల నిమ్మరసం కలిపాలి. తలంతా.. ఈ ప్యాక్ అప్లై చేయాలి. రెండు మూడు గంటల తర్వాత.. మైల్డ్ షాంపూతో శుభ్రం చేసుకోవాలి. అంతే.. బట్టతలపై జుట్టు రావడానికి సింపుల్ రెమిడీ.

గోరువెచ్చని ఆముదం

కొబ్బరినూనె ట్రీట్మెంట్ లాంటిదే ఇది. 4 టేబుల్ స్పూన్ల ఆముదంను గోరువెచ్చగా చేయాలి. స్కాల్ప్ అంతటికీ అప్లై చేసి.. రాత్రంతా అలానే ఉంచాలి. రాత్రిపూట షవర్ క్యాప్ వేసుకోవడం మంచిది. ఉదయం మైల్డ్ షాంపూతో తలస్నానం చేసి చూడండి.. మ్యాజిక్.

బంగాళదుంప రసం

3 బంగాళదుంపలు తీసుకుని.. ఫ్రెష్ గా రసం తీయాలి. స్కాల్ప్ కి ఈ రసం అప్లై చేసి.. 4 గంటల తర్వాత నీటితో శుభ్రం చేసుకోవాలి. షాంపూ ఖచ్చితంగా ఉపయోగించాల్సిన అవసరం లేదు.

మెంతులు

2 లేదా 3 టేబుల్ స్పూన్ల మెంతులు రాత్రంతా నానబెట్టాలి. ఉదయం 2 టేబుల్ స్పూన్ల నీళ్లు కలిపి పేస్ట్ చేయాలి. ఈ మిశ్రమాన్ని బట్టతలకు పట్టించాలి. దాన్ని 2 నుంచి 3 గంటలు అలానే వదిలేసి.. నీటితో శుభ్రం చేసుకోవాలి. అవసరం అనుకుంటే.. మైల్డ్ షాంపూతో శుభ్రం చేసుకోవచ్చు.

ఉసిరికాయలు

6 లేదా 7 ఎండిన ఉసిరికాయలను 2 కప్పుల వేడినీటిలో రాత్రంతా నానబెట్టాలి. మరుసటి రోజు ఉదయం ఆ నీటి లోంచి ఉసిరికాయలను తీసి గుజ్జు తీయాలి. ఈ గుజ్జులో 2 టేబుల్ స్పూన్ల కొబ్బరినూనె కలిపి తలకు పట్టించాలి. ఇది అప్లై చేశాక షవర్ క్యాప్ తో తలను కవర్ చేసుకుని 30 నిమిషాలు వదిలేయాలి. తర్వాత చల్లటి నీటితో శుభ్రం చేసుకుంటే.. మీ తలలో జుట్టు రీగ్రోత్ అవడం ఖాయం.

ఉల్లిపాయ, కొబ్బరినూనె

ఒక ఉల్లిపాయ తీసుకుని కట్ చేసి.. రసం తీయండి. రెండు టేబుల్ స్పూన్ల కొబ్బరినూనె కలపాలి. ఈ మిశ్రమాన్ని తల మాడుకు పట్టించాలి. 20 నిమిషాల తర్వాత చల్లటి నీటితో కండిషనర్ ఉపయోగించి శుభ్రం చేసుకోవాలి. ఇలా వారానికి రెండుసార్లు చేస్తే మంచి ఫలితాలు పొందవచ్చు. ఉల్లిపాయలో ఉండే సల్ఫర్ జుట్టు రీగ్రోత్ అవడానికి సహాయపడుతుంది.

మందార పువ్వు

జుట్టు సంరక్షణలో మందారం పువ్వు చాలా మ్యాజికల్ గా పనిచేస్తుంది. ఈ టిప్ ఫాలో అవడం కూడా చాలా సింపుల్. గుప్పెడు మందారం పువ్వులు తీసుకుని పేస్ట్ చేయాలి. దీనికి ఆముదం లేదా బ్రింగరాజ్ ఆయిల్ ఏది అందుబాటులో ఉంటే దాన్ని కలిపి తల మాడుకు పట్టించాలి. 15 నిమిషాల తర్వాత చల్లటి నీటితో శుభ్రం చేసుకుంటే.. మీ బట్టతలపై జుట్టు రావడం ఖాయం.