జుట్టుకి వేసిన రంగు ఎక్కువ కాలం ఉండాలంటే ఏం చేయాలి?

ప్రొటెక్టివ్ షాంపూ:

జుట్టుకు ఏదైనా రంగు వేసుకొన్నప్పుడు అది ఎక్కువ కాలం నిలవాలంటే కలర్ ప్రొటెక్టివ్ షాంపూ వాడాలి. కలరింగ్ చేసాక కేశాలకు హార్డ్ షాంపూ, యాంటీ డేండ్రఫ్ షాంపూలను వాడకూడదు. రసాయనాలు లేని షాంపూలు ఎంచుకోవాలి. ముఖ్యంగా సల్ఫేట్ లేకుండా చూసుకోవాలి. లేదంటే సల్ఫేట్ వల్ల రంగు త్వరగా పోతుంది.

కండీషనర్:

జుట్టుకు షాపూ చేయించిన తర్వాత కండీషనర్ తప్పక వాడండి దీంతో జుట్టు మృదువుగా మారి మెరుస్తుంటుంది. ప్రొటీన్లు అధికంగా ఉండే కండిషనర్లనే ఎంచుకోవాలి. ఇవి రంగు కోల్పోకుండా చూడటమే కాదు. జుట్టుకు బలన్నిస్తాయి. మృదువుగా మారుస్తాయి.

హెయిర్ బ్లో వాడకూడదు:

కలరింగ్ తర్వాత కేశఆలు శుభ్రపరిచినప్పుడు జుట్టు ఆరడానికి బ్లోడ్రై వాడకూడదు. దాంతో జుట్టు పొడిబారుతుంది. కృత్రిమ రంగుల్ని వాడుతున్నప్పుడు డ్రయర్‌కు ఎంత దూరంగా ఉంటే అంత ఉత్తమం.

హెయిర్‌ప్యాక్

రంగు వేసుకునేటప్పుడు జుట్టుకు హాని జరగకుండా ఆరోగ్యంగా ఉండే హెయిర్‌ప్యాక్ వేసుకుంటే మంచిది.

తలస్నానం:

అలాగే తరచూ తలస్నానం చేయడం కూడా సరికాదు. వారంలో రెండుసార్లకు మించి తలంటుకోకపోవడం మేలు.

తలస్నానం చేయడానికి ముందు తప్పనిసరిగా కొబ్బరినూనె రాసుకోవాలి.

తలస్నానం చేయడానికి ముందు తప్పనిసరిగా కొబ్బరినూనె రాసుకోవాలి. ఇది జుట్టుకు రంగు పట్టి ఉండేలా తోడ్పడుతుంది. వారంలో ఒకటి రెండు సార్లు నూనె రాస్తే జుట్టు మృదువుగా మారి, జుట్టురాలడాన్ని అరికడుతుంది.

హెయిర్ స్పా ట్రీట్ మెంట్

వారానికి ఒకసారి హెయిర్ స్పా ట్రీట్ మెంట్ తీసుకుంటే కలర్ ఎక్కువకాలం నిలచి ఉంటుంది. జుట్టుకు కూడా ఆరోగ్యంగా ఉంటుంది.

సూర్యరశ్మికి దూరంగా ఉండటం

తొందరగా జుట్టు రంగు పోవటానికి సూర్యరశ్మి కూడా ఒక కారణం. సూర్యరశ్మి వల్ల చర్మమే కాకుండా, జుట్టు కూడా పాడవుతుంది. మీరు ఎక్కువ సమయం ఎండలో గడపడము వల్ల మీ వెంట్రుకలు పొడి బారటమే కాకుండా, మీ కేశాల యొక్క రంగుని కూడా త్రోలగిస్తుంది. సూర్యరశ్మి నుండి మీ చర్మాన్ని సురక్షితంగా ఉంచుకోటానికి ఏ విధంగా అయితే లోషన్స్'ని వాడతారో, టోపీ, హ్యాట్ వంటి వాటిని ధరించి మీ కేశాలను సూర్యరశ్మి నుండి కాపాడుకోండి.

క్లోరిన్ వాటర్ కు దూరంగా

తప్పకుండా దీని నుండి జాగ్రత్తగా ఉండాలి. క్లోరిన్ జుట్టుని పాడుచేస్తుంది ఇది జుట్టుకి వేసే రంగు కాదు. ప్రతిసారి స్విమ్మింగ్ పూల్'లో దుకేపుడు స్విమ్మింగ్ క్యాప్'లను ధరించటం వల్ల క్లోరిన్ స్త్రిప్స్ నుండి తప్పించుకోవచ్చు, కేప్ ధరించక పోవటం వల్ల క్లోరిన్ స్ట్రిప్ జుట్టు రంగుని త్వరగా తొలగించేస్తుంది.

హెయిర్ సీరమ్

జుట్టు పొడిబారి, చిట్లిపోయినట్లు ఉంటే హెయిర్ సీరమ్ వాడితే ఉపయోగం ఉంటుంది. జుట్టు స్వభావం తెలుసుకోకుండా మీకు తోచినట్లు కలర్ వాడితే వెంట్రుకలకు హాని కలుగుతుంది. కాబట్టి నిపుణులను సంప్రదించాకే అవసరాన్ని బట్టి కలరింగ్ చేయించుకోండి. రంగులు తరచు మార్చాలనుకునే వారు నిత్యం జుట్టు పొడిగా ఉండేలా చేసుకోవటం ఎంత ముఖ్యమో... వాడుతున్న రంగులు మీకు పడుతున్నాయా? లేదా? అన్నది గమనించడం కూడా అంతే ముఖ్యం