పొటాటో స్కిన్ తో తెల్లజుట్టుని నల్లగా మార్చే అమేజింగ్ సొల్యూషన్..!

స్టెప్ 1

6 బంగాళాదుంపలు తీసుకోవాలి. వాటిని శుభ్రం చేసుకుని పొట్టు తీసి.. పక్కన పెట్టుకోవాలి.

స్టెప్ 2

ఒక లీటర్ నీటిని ఒక గిన్నెలో పోసి వేడి చేయాలి. నీళ్లు బాగా మరుగుతున్నప్పుడు.. బంగాళాదుంపల తొక్కను కలపాలి. 30నిమిషాలు సన్నని మంటపై ఉడికించాలి. తర్వాత స్టవ్ ఆఫ్ చేసి.. 15నిమిషాలు అలానే వదిలేయాలి. చల్లారనివ్వాలి.

స్టెప్ 3

ఇప్పుడు ఏదైనా క్లాత్ లేదా వడకట్టేది తీసుకుని.. ఈ మిశ్రమాన్ని ఒక గిన్నెలోకి వడకట్టుకోవాలి. తొక్కను తీసేసి.. కొన్ని గంటలు అలానే ఉంచాలి. ఒకవేళ కావాలి అనుకుంటే.. ఎసెన్షియల్ ఆయిల్ కలుపుకోవచ్చు.

స్టెప్ 4

జుట్టుని మైల్డ్ షాంపూ ఉపయోగించి.. పూర్తీగా శుభ్రం చేసుకోవాలి. అలాగే కండిషనర్ చేసుకోవాలి. మొత్తం అయిన తర్వాత జుట్టుని దువ్వెనతో కాకుండా.. చేత్తో చిక్కు తీసుకోవాలి.

స్టెప్ 5

జుట్టుని చిన్న చిన్న పొరలుగా విడదీయాలి. కాటన్ బాల్ ని పొటాటో పీల్ సొల్యూషన్ లో ముంచి.. జుట్టుకి అప్లై చేయాలి. స్కాల్ప్ కి పట్టించాలి.

స్టెప్ 6

ఇప్పుడు జుట్టుని 5నిమిషాలు మసాజ్ చేయాలి. జుట్టుని లూజ్ కట్టుకుని.. 30 నిమిషాలు ఆరనివ్వాలి. తర్వాత చల్లటి నీటితో శుభ్రం చేసుకోవాలి.

స్టెప్ 7

ఒకసారి ఈ పద్ధతి పూర్తి అయిన తర్వాత.. జుట్టుకి టవల్ ని చుట్టాలి. తర్వాత జుట్టుని ఆరబెట్టుకోవాలి. అంతే.. ఇలా రెగ్యులర్ గా చేస్తే.. మీ జుట్టు నల్లగా మారుతుంది.