తెల్ల జుట్టు నివారణకు 8 ఎఫెక్టివ్ ఆయుర్వేదిక్ రెమెడీస్

ఆమ్లా పేస్ట్:

రెండు మూడు ఉసిరికాయలను చిన్న ముక్కలుగా కట్ చేసి, పేస్ట్ లా చేసి తలకు పట్టించి 20నిముషాల తర్వాత తలస్నానం చేయాలి. ఇలా రెగ్యులర్ గా చేస్తుంటే మంచి ఫలితం ఉంటుంది.

కొబ్బరి నూనె మరియు కరివేపాకు:

జుట్టుకు సరిపడా కొబ్బరి నూనె తీసుకుని, అందులో కరివేపాకు ఆకులు వేసి మీడియం మంట మీద బాగా ఉడికించాలి. తర్వాత మూత పెట్టి, చల్లారినవ్వాలి. గోరువెచ్చగా చల్లారిన తర్వాత తలకు ఈ నూనెను అప్లై చేసి సున్నితంగా మసాజ్ చేయాలి. 20 నిముషాల తర్వాత గోరువెచ్చని నీటితో తలస్నానం చేయాలి.

బాదం నూనె, నిమ్మరసం, మరియు ఉసిరి రసం:

బాదం నూనె 4 స్పూన్లు, ఒకటేబుల్ స్పూన్ ఉసిరికాయ రసం మరియు ఒక టేబుల్ స్పూన్ నిమ్మరసం మిక్స్ చేసి తలకు పెట్టి మసాజ్ చేయాలి. మసాజ్ చేసిన 45 నిముషాల తర్వాత చల్లటి నీటితో తలస్నానం చేయాలి. షాంపుతో తలస్నానం చేసిన తర్వాత హెయిర్ మాయిశ్చరైజర్ ను మరియు కండీషనర్ ను అప్లై చేయాలి.

నువ్వుల నూనె మరియు క్యారెట్ సీడ్ ఆయిల్:

4 టేబుల్ స్పూన్ల సీసమ్ ఆయిల్లో, అరటీస్పూన్ క్యారెట్ సీడ్ ఆయిల్ మిక్స్ చేసి బాగా షేక్ చేసి, తర్వాత ఈ నూనెను తలకు అప్లై చేసి, మసాజ్ చేయాలి. అరగంట తర్వాత గోరువెచ్చని నీటితో, షాంపు పెట్టి తలస్నానం చేయాలి. ఇది తెల్ల జుట్టును నివారించడంలో ఎపెక్టివ్ హోం రెమెడీ .

నిమ్మరసం మరియు ఆమ్లా పౌడర్:

రెండు చెంచాల నిమ్మరసంలో 4 చెంచాల ఉసిరి పొడి మిక్స్ చేసి పేస్ట్ లా చేసి ఒక గంట పాటు పక్కన పెట్టుకోవాలి. ఈ పేస్ట్ ను జుట్టు మొదళ్ళకు అప్లై చేసి అరగంట తర్వాత చల్లటి నీటితో తలస్నానం చేయాలి . సోపు, షాంపు ఉపయోగించకూడదు.

హెన్న మెంతి పొడి:

రెండు టేబుల్ స్పూన్ల హెన్న పౌడర్ లో ఒక టీస్పూన్ మెంతి పొడి , ఒక టీస్పూన్ పెరుగు, ఒక టీస్పూన్ కాఫీ పౌడర్, 2 టీస్పూన్ల మింట్ జ్యూస్, 2 టీస్పూన్ల తులసి రసం అన్నింటిని మిక్స్ చేసి, ఈ పేస్ట్ ను తలకు పట్టించి 2 నుండి 4 గంటల తర్వాత తలస్నానం చేసుకోవాలి.

బాదం నూనె మరియు నువ్వుల నూనె:

ఒక బౌల్లో ఒక టేబుల్ స్పూన్ నువ్వుల నూనె మరియు 4 టేబుల్ స్పూన్ల బాదం నూనె వేసి మిక్స్ చేసి తలకు పట్టించి మసాజ్ చేసి 20 నిముషాల తర్వాత గోరువెచ్చని నీటితో తలస్నానం చేయాలి.

కొబ్బరి నూనె-నిమ్మరసం :

నిమ్మరసం మరియు కొబ్బరి నూనెను సమంగా తీసుకొని, బాగా మిక్స్ చేసి రోజూ తలకు అప్లై చేయాలి. ఇలా కంటిన్యూవ్ గా చేస్తుంటే మంచి ఫలితం ఉంటుంది. వైట్ హెయిర్ తగ్గుతుంది.