వైట్ హెయిర్ ను కవర్ చేసే హెన్నా హెయిర్ ప్యాక్...

Hair Care

oi-Staff

By Super

Updated: Thursday, May 26, 2016, 7:43 [IST]

వయస్సు పెరిగే లక్షణాలు జుట్టుతోనే ఆరంభం అవుతుంది. వయస్సైన వారిలో ఇలాంటి లక్షణాలు కనిపించడం సహజం.

అందమైన జుట్టుకు పిగ్మెంట్ మరియు మిలనిన్ వల్ల జుట్టుకు నేచురల్ కలర్ వస్తుంది. మన శరీరంలో మిలనిన్ లోపిస్తే , జుట్టు సాల్ట్ పెప్పర్ లాగా మారిపోతాయి.

తెల్లజుట్టుకు ముఖ్య కారణం, వయస్సు పైబడటం , జీవనశైలిలో ఆహారపు అలవాట్లు సరిగా లేకపోవడం, స్ట్రెస్ . కొందరి విషయంలో అనారోగ్య సమస్యల వల్ల జుట్టు తెల్లబడుతుంటుంది.

కానీ, ప్రస్తుత రోజుల్లో , స్త్రీ లు, పురుషులిద్దరిలోనూ ఈ సమస్య ఎక్కువగా కనబడుతున్నది. చిన్న వయస్సులోనే జుట్టు గ్రే కలర్ లోకి మారడానికి వాతావరణ కాలుష్యం, సరైన శుభ్రత పాటించకపోవడం మొదలగు కారణాలు కూడా ఉన్నాయి .

తెల్ల జుట్టుకు కారణమేదైనా, తెల్ల జుట్టు ఎప్పటికీ ఆకర్షనీయంగా కనబడదు. అంతే కాదు ఉన్న అందాన్ని పాడు చేస్తుంది . ఇలాంటి సమస్య రాకుండా ఉండాలంటే తెల్ల జుట్టును కవర్ చేయడానికి ఒక అద్భుతమైన హెయిర్ ప్యాక్ ఉన్నది .

ఈ హెయిర్ ప్యాక్ తయారుచేసుకోవడానికి హెన్నా, ఆమ్లా పౌడర్, కాఫీ పౌడర్ మరియు పెరుగు అవసరమవుతుంది.

హెన్నా అంటే ప్రతి ఒక్కరి తెలసినటువంటి పురాన మూలిక. ఈ మూలిక ఇప్పటి నుండి కాదు , కొన్ని వేల సంవత్సరాల నుండి దీన్ని అందాన్ని పెంచకోవడానికి ఉపయోగిస్తున్నారు . మరియు హెన్నా జుట్టు పెరుగుదలను ప్రోత్సహిస్తుంది.

ముఖ్యంగా, తలకు ఉపయోగించే రసాయనిక ఉత్పత్తుల కన్నా, హెన్నా చాలా సురక్షితమైనది . జుట్టు పెరుగుదలకు సహాయపడే హెయిర్ ఫోలిసెల్స్ కు ఎలాంటి హాని కలిగించదు.

అందువల్ల, తెల్ల జుట్టును కవర్ చేయడానికి హెన్నా చెప్పే రహస్యమేంటో తెలుసుకుందా. ఎలా తయారుచేయాలి, ఏవిధంగా ఉపయోగించే పద్దతి క్రింది విధంగా ఉంది..

గోరింటాకు : గుప్పెడు

ఉసిరికాయ పొడి: 4టీస్పూన్లు

పెరుగు : 2 టీస్పూన్లు

తయారు చేయు పద్దతి:
మొదటగా గోరింటాకు ఆకులను మిక్సీలో వేసి మెత్తగా పేస్ట్ చేసుకోవాలి. . తర్వాత దీనికి ఇతర పదార్థాలను కూడా జోడించాలి . మొత్తం మిశ్రమాన్ని బాగా కలపాలి. ఇప్పుడు ఈ గోరింటాకు ముద్దను తలకు, జుట్టుకు పూర్తిగా పట్టించాలి. తలలో డస్ట్ చేరకుండా షవర్ క్యాప్ పెట్టుకొని, 25నిముషాల తర్వాత షాంపుతో తలస్నానం చేయాలి. ఈ ప్యాక్ వల్ల ఎలాంటి దుష్ప్రభావాలుండవు.