తలకు ఏవిధంగా నూనెను పెట్టుకుంటే జుట్టు పాడవకుండా, ఆరోగ్యంగా పెరుగుతుంది..

1. నూనెను గోరువెచ్చగా చేయాలి:

తలకు నూనె అప్లై చేయడానికి ముందు గోరువెచ్చగా చేసి, చేతి వేళ్ళతో జుట్టు మొదళ్లకు అప్లై చేసి మసాజ్ చేయాలి. ఇలా చేయడం వల్ల జుట్టుకు మంచి పోషణ అందుతుంది. తలలో బ్లడ్ సర్క్యులేషన్ పెరుగుతుంది. దాంతో జుట్టు పెరుగుదలను ప్రోత్సహిస్తుంది.

2. ఆయిల్ మిక్స్ :

రెగ్యులర్ గా పెట్టుకొనే కొబ్బరి నూనెనుకు ఇతర ఎసెన్సియల్ ఆయిల్స్ మిక్స్ చేయడం వల్ల జుట్టు పెరుగుదలలో ఫలితాలు రెట్టింపుగా ఉంటాయిజ . అందుకు బాదం ఆయిల్ , లావెండర్ ఆయిల్ ను ఉపయోగించుకోవచ్చు.

3. మసాజ్ :

తలకు నూనె అప్లై చేసిన తర్వాత సున్నితంగా మసాజ్ చేయాలి. మసాజ్ చేసిన తర్వాత జుట్టును టైట్ గా ముడివేయకుండా, వదులుగా వేసుకోవాలి. లేదంటే జుట్టు డ్యామేజ్ అవ్వడం, హెయిర్ ఫాల్ జరుగుతుంది.

4. జుట్టును మరీ టౌట్ గా వేయకూడదు:

ఆయిల్ అప్లై చేసిన తర్వాత జుట్టుకు టైట్ గా హెయిర్ బ్యాండ్స్, ఇతర పిన్స్ ను ఉపయోగించకూడదు. తలకు నూనె అప్లై చేసిన తర్వాత లూజ్ గా కొప్పు వేసుకుంటేమంచిది.

5. ఆయిల్ పెట్టుకోవడానికి ముందు తలను చిక్కులేకుండా దువ్వాలి:

తలకు నూనె అప్లై చేయడానికి ముందు చిక్కు, ముడులు లేకుండా తలను దువ్వాలి. చిక్కు తియ్యకుండా ఆయిల్ అప్లై చేయడం మంచిది కాదు.

6. నూనె అప్లై చేసిన తర్వాత కొద్ది సేపు అలాగే వదిలేయాలి:

తలకు నూనె అప్లై చేసిన తర్వాత కనీసం ఒక గంట సేపైనా అలాగే వదిలేయాలి. రాత్రుల్లో పెట్టుకుని, ఉదయం తలస్నానం చేసినా మంచిదే.