షాంపు, కండీషనర్స్ పక్కన పెట్టి, ఈ హెయిర్ ప్యాక్స్ ప్రయత్నించండి!

ఎగ్ హెయిర్ ప్యాక్:

గుడ్డులో పచ్చసొనకు కొద్దిగా కోకనట్ మిల్క్, విటమిన్ ఇ మిక్స్ చేసి తలకు అప్లై చేయాలి. ఇది తలలో డ్రైనెస్, చుండ్రు నివారిస్తుంది. తలకు ప్యాక్ వేసుకుని ఒక గంట తర్వాత తలస్నానం చేస్తే, తలలో పిహెచ్ బ్యాలెన్స్ అవుతుంది.

ఆనియన్, గార్లిక్ హెయిర్ ప్యాక్ :

జుట్టు పెరగడానికి ఉల్లి, వెల్లుల్లిలో ఉండే సల్ఫర్ గ్రేట్ గా పనిచేస్తుంది. ఉల్లిపాయ, రెండు మూడు వెల్లుల్లి రెబ్బలను మెత్తగా పేస్ట్ చేసి తలకు అప్లై చేయాలి. డ్రై హెయిర్ ఉన్నట్లైతే కొద్దిగా ఆముదం కూడా మిక్స్ చేసి తలకు అప్లై చేసి ఒక గంట తర్వాత తలస్నానం చేయాలి.

శెనగపిండి మరియు తేనె ప్యాక్ :

రెండు టేబుల్ స్పూన్ల శెనగపిండిలో తేనె కలపాలి. మరీ పల్చగా లేదా మరీ చిక్కగా కాకుండా మీడియంగా కలుపుకోవాలి. ఈ హెయిర్ ప్యాక్ ను తలకు పూర్తిగా పట్టించాలి. అరగంట తర్వాత గోరువెచ్చని నీటితో తలస్నానం చేసుకుంటే నిగనిగలాడే ఒత్తైన జుట్టు మీ సొంతం అవుతుంది. రాలిపోయిన జుట్టు తిరిగి పెరుగుతుంది

బొప్పాయితో హెయిర్ ప్యాక్

బొప్పాయిని మెత్తగా పేస్ట్ చేసి తలకు ప్యాక్ వేసుకోవాలి. అవసరం అయితే బొప్పాయి పేస్ట్ కు కొద్దిగా కోకనట్ మిల్క్, ఆముదం కలిపి తలకు ప్యాక్ వేసుకోవాలి. ఇలా రెగ్యులర్ గా చేస్తుంటే మంచి ఫలితం ఉంటుంది. జుట్టుకు మంచి పోషణ అందుతుంది. ఒట్టు పెరగడానికి సహాయపడుతుంది.

అరటి మయోనైజ్ :

అరటి పండు పేస్ట్, మయోనైజ్ ఫర్ఫెక్ట్ హెర్ ప్యాక్. అరటిపండు పేస్ట్ కు కొద్దిగా కొబ్బరి నూనె లేదా ఆలివ్ ఆయిల్ లేదా ఆముదం నూనె లేదా విటమిన్ ఇ ఆయిల్ కలిపి జుట్టుకు అప్లై చేయాలి. 45 నిముషాల తర్వాత తలస్నానం చేయాలి. ఇలా రెగ్యులర్ గా చేస్తుంటే డ్యామేజ్ అయినా, డ్రై జుట్టు సమస్యలను తగ్గించి, జుట్టు పెరుగుదలకు సహాయపడుతుంది,.