పొడవైన, బలమైన జుట్టుకోసం జుట్టుకు రాసుకుని వదిలేసే డిఐవై వేప హెయిర్ టానిక్

మీకు కావాల్సినవి;

1 కప్పు డిస్టిల్డ్ నీరు

1 చెంచా వేపాకు పొడి

1 చెంచా ముద్దబంతి పువ్వు పొడి

5-6 చుక్కల రోజ్ మేరీ నూనె

5-6 చుక్కల మిర్ర్ సుగంధ నూనె

1 చెంచా బాదం నూనె

తయారుచేసే పద్ధతి;

-ఒక బాండీలో నీరు పోసి మరగనివ్వండి.

-వేపాకు, ముద్దబంతి పువ్వుల పొడిని వేయండి.

-మూతపెట్టి మొత్తం చక్కగా మరగనివ్వండి.

-5-10 నిమిషాల తర్వాత స్టవ్ ఆపేయండి.

-ఫ్యాన్ కింద పెట్టి చల్లబడనివ్వండి.

-చల్లబడ్డాక సుగంధ నూనెను, బాదం నూనెను వేయండి.

-బాగా కలిపి తయారైన టానిక్ ను గాజు సీసాలో పోయండి.

ఎలా వాడాలి ;

-ఈ హెయిర్ టానిక్ ను శుభ్రమైన, పొడి జుట్టుపై వాడండి.

-2-3 చుక్కల టానిక్ ను మీ అరచేతుల్లో వేసుకోండి.

-రెండు చేతుల్లో బాగా రుద్ది తల మాడుపై పట్టించండి.

-రెండు నిమిషాలపాటు నెమ్మదిగా మసాజ్ చేసి తల దువ్వుకోండి.

-ఈ హెయిర్ టానిక్ ను తలపై రోజంతా అలానే వదిలేయండి.

ఎన్నిసార్లు వాడాలి;

ఈ ఇంట్లో తయారైన హెయిర్ టానిక్ ను వారానికి 3-4 సార్లు వాడి మంచి ప్రభావవంతమైన ఫలితాలు చూడండి.

ఇందులో వాడే పదార్థాల లాభాలు ;

వేపాకు-

జుట్టు సమస్యలను నయం చేయటానికి సహజ పదార్థంగా దీన్ని వాడటం ప్రసిద్ధి, ప్రత్యేకంగా ఆరోగ్యకరమైన, బలమైన జుట్టు కోసం అందరూ వాడటానికి ఇష్టపడే పదార్థం వేపాకు.

ఇందులో జుట్టుకి లోతైన కండీషనింగ్ అందించే శక్తి వుంది, అలా పొడిబారటాన్ని, రఫ్ గా ఉండటాన్ని తగ్గిస్తుంది. ఆఖరుగా, వేపాకులో ఉండే బ్యాక్టీరియా వ్యతిరేక గుణాలు జుట్టు కుదుళ్ళ వద్ద వచ్చే ఇన్ఫెక్షన్లను నివారిస్తాయి.

ఇందులో వాడే పదార్థాల లాభాలు ;

ముద్దబంతి (కలెన్డ్యులా)

ఇంకా,జుట్టుకి ఈ దీన్ని రాసుకోవటం వలన చిరాకు తెప్పించే సమస్యలైన చుండ్రు, వెంట్రుక కుదుళ్ళ ఇన్ఫెక్షన్లను తగ్గించుకోవచ్చు. ఇంకా ఈ మొక్క వెంట్రుకలను బలపర్చి విరిగిపోకుండా చూస్తుంది.

ఇందులో వాడే పదార్థాల లాభాలు ;

రోజ్ మేరీ నూనె-

రోజ్ మేరీ నూనెను జుట్టు సంరక్షణలో ఎక్కువగా వాడతారు. దీన్ని వాడటం వలన తలపై రక్తప్రసరణ మెరుగయ్యి, జుట్టు ఆరోగ్యకరంగా పెరుగుతుంది.

ఇది జుట్టు సన్నబడిపోయే సమస్యకి కూడా మంచి చిట్కా. ఇది జుట్టు మందాన్ని పెంచి, వత్తుగా కన్పడేలా చేస్తుంది. ఆఖరుగా దీన్ని ఫంగల్ ఇన్ఫెక్షన్లయిన ఎక్జిమా వంటి వాటి వల్ల మాడుపై వచ్చే మంట, దురదలకి కూడా చికిత్సగా వాడతారు.

ఇందులో వాడే పదార్థాల లాభాలు ;

మిర్ర్ సుగంధ నూనె-

పొడిజుట్టుకి ఇది సరిపోతుంది, మిర్ర్ సుగంధనూనె జుట్టుపాయలకి లోతైన పోషణనిచ్చి మాయిశ్చర్ నిలుపుకునేలా చేస్తుంది.

ఈ అద్భుతమైన నూనెను తలకి రాసుకోవడం వలన జుట్టు ఆరోగ్యంగా ఉండి, అన్ని సమయాల్లో మాయిశ్చర్ నిలిచి వుంటుంది.

ఇందులో వాడే పదార్థాల లాభాలు ;

బాదం నూనె-

ఒమేగా 3 ఫ్యాటీయాసిడ్లతో నిండి ఉండే బాదం నూనె జుట్టు కుదుళ్ళను బలపర్చి, వెంట్రుకలు విరిగిపోవటాన్ని తగ్గిస్తుంది.

అవేకాక, బాదంనూనెలో వుండే విటమిన్లు,మినరల్స్ జుట్టును వత్తుగా చేసి కాంతివంతంగా మారుస్తుంది.

మీ జుట్టు సంరక్షణ రొటీన్ లో ఈ డిఐవై జుట్టుకు రాసుకునే హెయిర్ టానిక్ ను చేర్చి మీరెప్పుడూ కోరుకునే జుట్టును పొందండి.