జుట్టు విషయంలో మీరు చేసే ఈ 5 తప్పిదాలు, మిమ్ములను పెద్దవయసు కలిగిన వారిగా చూపుతాయి.

1. బ్లంట్ హెయిర్ కట్ :

మీలో ఎంత మందికి బ్లంట్, షార్ప్ మరియు స్ట్రెయిట్ హెయిర్ కట్లు ఇష్టం ? మరియు, మీలో ఎంతమందికి ఈ రకమైన హెయిర్ కట్స్, మిమ్ములను పెద్దవారిగా చూపగలవని, మరియు మీ ముఖంపై ముడుతలను, చారలను మరియు మొటిమలను మరింత స్పష్టంగా బహిర్గతం చేయగలదని తెలుసు ? ఈ పరిస్థితిని అధిగమించడానికి, ఈరకమైన కేశాలంకరణలకు స్వస్తి చెప్పి, సహజ సిద్దమైన, లేయర్డ్ లుక్ కోసం ప్రయత్నించండి. ఈ బ్లంట్ కేశాలంకరణకు బదులుగా మీరు మీ ముఖ కవళికల మీద ఆధారపడి డిజైన్ చేయబడిన కొన్ని అధునాతన కేశాలంకరణా పద్దతులను సూచించమని మీ హెయిర్ స్టైలిస్ట్ను అడగవచ్చు.

2. ఎక్కువ నలుపు రంగు ఉండేలా జుట్టు రంగును ఆశ్రయిస్తున్నారా :

మహిళలూ, దీనిని గుర్తుంచుకోండి. ఎక్కువ నలుపు రంగు ఉట్టిపడేలా డార్క్ బ్లాక్ హెయిర్ డై వినియోగిస్తున్నారా, ఇది మీ ముఖం మీది డార్క్ సర్కిల్స్, ఫైన్ లైన్స్(చారలు), మరియు ముడుతలను ఎక్కువగా బహిర్గతం చేస్తాయని మరువకండి. మీరు మీ జుట్టు రంగును వేయడంలో మార్పును ఇవ్వాలనుకుంటే, తేలికపాటి షేడ్స్ ఉండేలా ప్రయత్నించండి. మీరు ప్రస్తుతం వాడే హెయిర్ డై కన్నా తేలిక పాటి షేడ్స్ ఉండేలా చూసుకోండి. అంతేకానీ, మీ జుట్టును పూర్తిస్థాయి ముదురు రంగులో నింపకండి.

3. జుట్టును మరింత గట్టిగాకట్టే కేశాలంకరణ వద్దు :

దేనికైనా పరిమితి అనేది ఉంటుంది. జడ, పోనీటైల్ లేదా బన్ వేసే క్రమంలో అనేకమంది కుస్తీపోటీలు పెట్టినట్లు గట్టిగా లాగి మరీ కడుతుంటారు. కొందరికి అలా ఉండడమే ఇష్టంగా ఉంటుంది కూడా. కానీ, ఇలాంటివి మీ వయసును ఎక్కువ చేసి చూపిస్తాయి అనడంలో ఆశ్చర్యమే లేదు. ఈ పద్దతి కూడా మీ ముఖం మీద కనిపించే చారలు, మొటిమలు, రంధ్రాలు, డార్క్ సర్కిల్స్ మొదలైన ఏ చిన్ని విషయాన్నైనా ఎక్కువగా బహిర్గతం చేసి చూపిస్తుంది. మరియు వయసు మీద పడినట్లుగా చూపిస్తుంది. కావున, మీరు కొన్ని మృదువైన తంతువులతో కూడిన, తేలికపాటి కేశాలంకరణను ఆశ్రయించడం మంచిది.

4. జుట్టు తక్కువగా ఉందా ?

ఫ్లాట్ లేదా సన్నని వెంట్రుకలు మిమ్ములను పెద్దవారిగా చూపించేలా చేయడానికి మరొక ప్రధాన కారణం. కొన్ని హెయిర్-స్ట్రైట్నింగ్ (జుట్టును నిటారుగాఉంచే) పరికరాలు, అధిక జుట్టు నష్టానికి కారకాలుగా కూడా ఉంటాయి. కావున వీలైనంతమేర అటువంటి పరికరాలకు దూరంగా ఉండండి.

అంతేకాకుండా, మీ జుట్టు సాధారణంగానే సన్నగా ఉన్న పక్షాన, మరియు కొన్ని ఉత్పత్తులు లేదా పరికరాల కారణంగా అధిక జుట్టు నష్టానికి లోనవుతుందని గ్రహించిన ఎడల, మీరు పూర్తిగా హెయిర్ స్టైలింగ్ ఉత్పత్తులను ఉపయోగించకపోవడమే మంచిది.

5. స్టైలింగ్ ఉత్పత్తుల అధిక వాడకం :

పైన చెప్పినట్లు అపరిమిత వాడకమంటే, కోరి ప్రమాదాలను తెచ్చుకున్నట్లే. చర్మ సంరక్షణ ఉత్పత్తులు లేదా హెయిర్ స్టైలింగ్ ఉత్పత్తుల వాడకంలో కూడా ఇది వర్తిస్తుంది. కావున ఉత్పత్తులను నియంత్రణలో ఉపయోగించడం, తెలివైన చర్యగా ఉంటుందని గుర్తుంచుకోండి. సందర్భానుసారం, మహిళలు హెయిర్ జెల్స్, హెయిర్ స్ప్రే, షైన్ సీరమ్స్ ఉపయోగించడం ద్వారా పరిపూర్ణమైన జుట్టు రూపాన్ని సాధించడానికి ఇష్టపడతారు. కానీ, ఈ ఉత్పత్తుల అధిక వాడకం, సమస్యలకు దారితీస్తుందని గమనించకపోవడంలోనే సాధారణంగా వైఫల్యం చెందుతుంటారు.