విటమిన్ ఈ ఆయిల్ తో మృదువైన మెరిసే జుట్టును పొందడమెలా?

1. విటమిన్ ఈ ఆయిల్ తో స్వీట్ ఆల్మండ్ ఆయిల్ :

రెండు విటమిన్ ఈ క్యాప్సూల్స్ ని తీసుకుని అందులోంచి నూనెను వెలికితీయండి. అందులో రెండు టీస్పూన్ల స్వీట్ ఆల్మండ్ ఆయిల్ ను కలపండి.

ఇలా తయారైన మిశ్రమాన్ని స్కాల్ప్ పై సున్నితంగా అప్లై చేయండి. ఆ తరువాత 20 నుంచి 25 నిమిషాల వరకు ఈ మిశ్రమం స్కాల్ప్ పై ఉండేలా చూసుకోండి.

ఆ తరువాత గోరువెచ్చటి నీటితో అలాగే మీ రెగ్యులర్ షాంపూతో మీ జుట్టును శుభ్రపరుచుకోండి.

ఈ హోంమేడ్ బ్లెండ్ ని వారానికి ఒకసారి అప్లై చేయడం ద్వారా మృదువైన మెరిసే శిరోజాలను పొందవచ్చు.

2. విటమిన్ ఈ ఆయిల్ తో ఫిష్ ఆయిల్ :

రెండు విటమిన్ ఈ క్యాప్సూల్స్ లోంచి నూనెను వెలికితీసి అందులో ఫిష్ ఆయిల్ క్యాప్సూల్స్ నుంచి వెలికితీయబడిన నూనెను జోడించండి. ఈ రెండు ఆయిల్స్ ని బాగా కలపండి. అలా తయారైన మిశ్రమాన్ని వెంట్రుకలకు బాగా అప్లై చేయండి. ఈ మిశ్రమం మీ స్కాల్ప్ పై కనీసం గంట పాటు ఉండాలి. ఆ తరువాత మీకు నచ్చిన షాంపూతో అలాగే గోరువెచ్చటి నీటితో మీ జుట్టును శుభ్రపరుచుకోండి. ఈ మిశ్రమాన్ని వారానికి ఒకసారి వాడితే మెరిసే మృదువైన జుట్టు మీ సొంతమవుతుంది.

3. విటమిన్ ఈ ఆయిల్ తో పెరుగు

రెండు లేదా మూడు విటమిన్ ఈ క్యాప్సూల్స్ నుంచి సేకరించబడిన నూనెను రెండు టేబుల్ స్పూన్ల పెరుగులో కలపండి. ఇలా తయారైన మిశ్రమంతో మీ తలపై మసాజ్ చేయండి. డ్రై షవర్ క్యాప్ తో మీ తలను కవర్ చేయడం ద్వారా ఈ మిశ్రమం మీ తలపై కనీసం గంటపాటు ఉండేలా చూడండి. ఆ తరువాత మీ రెగ్యులర్ షాంపూతో ఆలాగే గోరువెచ్చటి నీటితో మీ శిరోజాలను శుభ్రపరుచుకోండి. ఈ అద్భుతమైన హోంమేడ్ బ్లెండ్ ని వారానికి ఒకసారి చెప్పిన విధంగా అప్లై చేయడం ద్వారా గొప్ప ఫలితాలను పొందవచ్చు.

4. విటమిన్ ఈ ఆయిల్ తో మయోన్నైస్

ఒక బౌల్ ని తీసుకుని అందులో రెండు లేదా మూడు టీస్పూన్ల మయోన్నైస్ ను తీసుకోండి. అందులో రెండు విటమిన్ ఈ క్యాప్సూల్స్ నుంచి సేకరించబడిన నూనెను జోడించండి.

ఈ మిశ్రమాన్ని స్కాల్ప్ పై అప్లై చేసి 40 నుంచి 45 నిమిషాల వరకు అలాగే ఉంచండి.

ఆ తరువాత గోరువెచ్చటి నీటితో అలాగే మీ రెగ్యులర్ షాంపూతో మీ శిరోజాలను వాష్ చేసుకోండి.

ఈ హోంమేడ్ మిశ్రమాన్ని వారానికి రెండు సార్లు ఉపయోగించడం ద్వారా మెరిసే మృదువైన శిరోజాలను పొందవచ్చు.

5. విటమిన్ ఈ ఆయిల్ తో ఆలివ్ ఆయిల్ :

రెండు లేదా మూడు విటమిన్ ఈ క్యాప్సూల్స్ నుంచి నూనెను సేకరించి అందులో ఒక టేబుల్ స్పూన్ ఆలివ్ ఆయిల్ ను జోడించండి.

ఈ మిశ్రమాన్ని తలపై బాగా అప్లై చేసుకోండి. ఆ తరువాత గంట పాటు తలపై నున్న ఈ మిశ్రమాన్ని ఆరనివ్వండి.

ఆ తరువాత, రెగ్యులర్ షాంపూతో అలాగే గోరువెచ్చటి నీటితో మీ జుట్టును వాష్ చేసుకోండి.

ఈ హోంమేడ్ బ్లెండ్ ని వారానికొకసారి వాడడం ద్వారా అద్భుతమైన ఫలితాలను పొందవచ్చు.

6. విటమిన్ ఈ ఆయిల్ తో అవొకాడో

బాగా పండిన అవొకాడో నుంచి గుజ్జును తీసుకుని అందులో రెండు లేదా మూడు విటమిన్ ఈ క్యాప్సూల్స్ నుంచి సేకరించబడిన నూనెను జోడించండి.

ఈ మిశ్రమాన్ని స్కాల్ప్ కు అలాగే వెంట్రుకల చివర్లకు కూడా పట్టించండి.

తలపై పట్టించిన ఈ మిశ్రమాన్ని గంట వరకూ తొలగించకండి.

ఆ తరువాత మీ రెగ్యులర్ షాంపూతో అలాగే గోరువెచ్చటి నీటితో మీ జుట్టును వాష్ చేసుకోండి.

వారానికి రెండుసార్లు ఈ హోంమేడ్ మెటీరియల్ తో మీ శిరోజాలను గారాబం చేస్తే మెరిసే మృదువైన శిరోజాలు మీ సొంతమవుతాయి.

7. విటమిన్ ఈ ఆయిల్ తో కొబ్బరి నూనె మరియు ఆపిల్ సిడర్ వినేగార్

ఒక విటమిన్ ఈ క్యాప్సూల్ నుంచి నూనెను సేకరించి అందులో రెండు టీస్పూన్ల కొబ్బరి నూనెను అలాగే అర టీస్పూన్ ఆపిల్ సిడర్ వినేగార్ ను కలపాలి.

ఈ మిశ్రమాన్ని తలపై బాగా అప్లై చేసుకోవాలి.

ఆ తరువాత మీ తలపై ఒక డ్రై షవర్ క్యాప్ ను ధరించాలి. 40 నుంచి 45 నిమిషాల తరువాత మీ శిరోజాలను గోరువెచ్చటి నీటితో అలాగే మీరు రెగ్యులర్ గా వాడే షాంపూతో శుభ్రపరుచుకోండి.

ఈ విటమిన్ ఈ ఆయిల్ కాంబినేషన్ ను వారానికి రెండు సార్లు వాడడం ద్వారా మెరిసే మృదువైన జుట్టును పొందవచ్చు.