కొబ్బరినూనెతో డాండ్రఫ్ ను నివారించడం ఎలా?

హాట్ ఆయిల్ మసాజ్:

కొబ్బరి నూనెతో హాట్ ఆయిల్ మసాజ్ ను చేసుకుంటే స్కాల్ప్ పై పేరుకున్న దుమ్మూ ధూళి తొలగిపోతాయి. స్కాల్ప్ పై పేరుకున్న దుమ్ము ధూళి వలన స్కాల్ప్ ఆరోగ్యం దెబ్బతింటుంది. సరైన హాట్ ఆయిల్ మాసాజ్ ద్వారా ఈ సమస్యను తొలగించుకోవచ్చు.

కావలసిన పదార్థాలు:

3-4 టేబుల్ స్పూన్ల కొబ్బరి నూనె

ఎలా చేయాలి:

1. కొంత వర్జిన్ కొబ్బరి నూనెను కాస్తంత వేడి చేయండి. మీ శిరోజాల పొడవును బట్టి ఆయిల్ ను తీసుకోవాలి.

2. ఈ నూనె మీ శిరోజాలకు అప్లై చేయడానికి తగిన విధంగా వేడి చేయబడాలి. ఎక్కవగా వేడి చేయకండి.

3. ఈ హాట్ ఆయిల్ తో స్కాల్ప్ పై అలాగే శిరోజాలపై పది నుంచి పదిహేను నిమిషాలపాటు మసాజ్ చేయండి.

4. ముప్పై నిమిషాలపాటు ఈ నూనెను శిరోజాలపై అలాగే ఉండనివ్వండి. ఆ తరువాత సాధారణ నీటితో అలాగే తేలికపాటి షాంపూతో వాష్ చేయండి.

5. వారానికి ఒకసారి ఈ పద్దతిని పాటించడం ద్వారా డాండ్రఫ్ నుంచి ఉపశమనం పొందవచ్చు.

కొబ్బరి నూనె మరియు నిమ్మరసం:

నిమ్మరసం అనేది ఎసిడిక్ నేచర్ కలిగి ఉంటుంది. ఇది స్కాల్ప్ ని శుభ్రపరచి రిస్టోర్ చేయడానికి తోడ్పడుతుంది. డాండ్రఫ్ నుంచి తక్షణ పరిష్కారం కోసం ఈ రెమెడీని ప్రయత్నించవచ్చు.

కావలసిన పదార్థాలు:

రెండు టేబుల్ స్పూన్ల కొబ్బరి నూనె

ఒక టీస్పూన్ నిమ్మరసం

ఎలా వాడాలి:

1. ఈ రెండు పదార్థాలని ఒక బౌల్ లోకి తీసుకోండి.

2. శిరోజాలపై వీటిని అప్లై చేయండి. సున్నితంగా మసాజ్ చేయండి.

3. వీటిని ఇరవై నుంచి ముప్పై నిమిషాల వరకు హెయిర్ పై ఉండనివ్వండి.

4. సల్ఫేట్ ఫ్రీ షాంపూ తో వాష్ చేసుకోండి.

కొబ్బరి నూనె మరియు కర్పూరం:

కొబ్బరి నూనె మరియు కర్పూరం డాండ్రఫ్ ను అరికట్టేందుకు అత్యంత ప్రభావవంతంగా పనిచేస్తాయి. కర్పూరంలో హీలింగ్ ప్రాపర్టీస్ కలవు.

కావలసిన పదార్థాలు:

ఒక టీస్పూన్ కర్పూరం

అర కప్పు కొబ్బరినూనె

ఎలా వాడాలి:

1. కర్పూరంతో పాటు కొబ్బరి నూనెను బాగా కలపండి.

2. ఈ మిశ్రమాన్ని స్కాల్ప్ పై అప్లై చేసి ముప్పై నుంచి నలభై నిమిషాల వరకు అలాగే ఉంచండి.

3. ముప్పై నిమిషాల తరువాత సాధరణ నీటితో అలాగే సల్ఫేట్ ఫ్రీ మైల్డ్ షాంపూతో వాష్ చేయండి.

4. ఈ రెమెడీని వారానికి రెండు మూడు సార్లు పాటించండి. అద్భుతమైన అలాగే వేగవంతమైన ఫలితాలను పొందగలుగుతారు.

కొబ్బరినూనె మరియు మెంతులు:

స్కాల్ప్ పై దురదను అలాగే డాండ్రఫ్ ను అరికట్టేందుకు మెంతులు ఉపయోగకరంగా ఉంటాయి.

కావలసిన పదార్థాలు:

ఒక టేబుల్ స్పూన్ మెంతులు

నాలుగు టేబుల్ స్పూన్ల వర్జిన్ కొబ్బరి నూనె

ఎలా వాడాలి:

1. కొంత కొబ్బరి నూనెను వేడి చేయండి.

2. ఒక టేబుల్ స్పూన్ మెంతి పొడిని జోడించి బాగా కలపండి.

3. ఈ మిశ్రమంతో స్కాల్ప్ పై మసాజ్ చేయండి.

4. ముప్పై నిమిషాల తరువాత మైల్డ్ షాంపూతో వాష్ చేయండి.