చుండ్రును శాశ్వతంగా నిర్మూలించే హోంమేడ్ రోజ్ మేరీ హెయిర్ మాస్క్ ను ఉపయోగించే విధానం

స్టెప్ 1:

రెండు కప్పుల నీళ్లను లో ఫ్లేమ్ లో మరగబెట్టాలి. నీళ్లు మరిగేటప్పుడు ఒక టేబుల్ స్పూన్ రోజ్ మేరీ పౌడర్ ని జోడించాలి. ఇప్పుడు మరో పది నిమిషాల పాటు ఈ మిశ్రమాన్ని సిమ్మర్ లో మరిగించాలి. నీళ్లు ముదురు గోధుమ రంగుకు చేరుకునేవరకు మరిగించాలి.

స్టెప్ 2:

ఈ సొల్యూషన్ ను రూమ్ టెంపరేచర్ లో చల్లార్చాలి. ఆ తరువాత వడగట్టి ఒక జార్ లోకి మార్చాలి. మూడు చుక్కల లెమన్ ఎసెన్షియల్ ఆయిల్ ను ఈ మిశ్రమానికి జత చేయాలి. నిమ్మలో లభించే సిట్రిక్ యాసిడ్ అనేది స్కాల్ప్ ను శుభ్రపరిచేందుకు ఉపయోగపడడంతో పాటు జుట్టును నిగనిగలాడేలా చేసేందుకు తోడ్పడుతుంది.

స్టెప్ 3:

ఒక టేబుల్ స్పూన్ కొబ్బరినూనెను ఈ మిశ్రమంలో జోడించి బాగా కలపాలి. కొబ్బరినూనెలో లభించే లారిక్ యాసిడ్ అనేది జుట్టు వ్రేళ్ళను దృఢపరుస్తుంది. అలాగే, జుట్టులోని ఎలాస్టిసిటీని మెరుగుపరుస్తుంది. అంతేకాదు, మీ శిరోజాలను మృదువుగా చేస్తుంది కూడా.

స్టెప్ 4:

వైడ్ టూత్డ్ దువ్వెనతో జట్టులోని చిక్కును తొలగించుకోండి. జుట్టు దెబ్బతినకుండా ఉండేందుకు తేలికపాటి ఒత్తిడిని వాడి జుట్టును దువ్వండి.

స్టెప్ 5:

ఒక కాటన్ బాల్ ను తీసుకుని ఈ సొల్యూషన్ లో ముంచి స్కాల్ప్ పై సున్నితంగా రుద్దండి. స్కాల్ప్ మొత్తాన్ని ఈ పద్దతిలో ఈ సొల్యూషన్ తో కవర్ చేయండి. రాత్రంతా ఈ సొల్యూషన్ ను స్కాల్ప్ పై అలాగే ఉంచండి.

స్టెప్ 6:

ఉదయాన్నే, తేలికపాటి హెర్బల్ షాంపూ తో స్కాల్ప్ ను శుభ్రపరుచుకోండి. ఆ తరువాత చక్కటి కండిషనర్ ని అప్లై చేయండి.

స్టెప్ 7:

ఇప్పుడు జుట్టును పిండి అదనపు నీటిని తొలగించండి. ఒక పాత టీ షర్ట్ ను తీసుకుని స్కాల్ప్ ను చక్కగా కవర్ చేయండి. ఇలా చేయడం ద్వారా స్కాల్ప్ పై నున్న అదనపు మాయిశ్చర్ అనేది తొలగిపోతుంది.

స్టెప్ 8:

మీ జుట్టును సహజంగా ఆరనివ్వండి. ఒకవేళ మీరు బ్లో డ్రయర్ ని వాడితే హీట్ ప్రొటెక్టింగ్ సెరమ్ ను ముందుగా అప్లై చేయండి.

గుర్తుపెట్టుకోవలసిన విషయాలు

వారానికి రెండు సార్లు ఈ రోజ్ మేరీ హెయిర్ టానిక్ ను వాడడం వలన డాండ్రఫ్ తగ్గుదలని మీరు గమనించగలుగుతారు.

ఈ హెయిర్ ప్యాక్ ని వాడితే కాస్తంత బర్నింగ్ సెన్సేషన్ కలుగుతుంది. అయితే, ఒకవేళ మంట ఎక్కువగా కలిగితే వెంటనే సాధారణ నీటితో మీ జుట్టును కడగటండి.

శిరోజాలకు నూనె పట్టించడం ద్వారా వెంట్రుకలకు పోషణ లభిస్తుంది. అయితే, నూనెను ఎక్కువగా పట్టించడం వలన డాండ్రఫ్ సమస్య పెరుగుతుంది. కాబట్టి వారానికి ఒకసారి మాత్రమే జుట్టుకు నూనె పట్టించాలి.

ముగింపు

ఈ హోంమేడ్ హెయిర్ మాస్క్ ను కేవలం ఒక్కసారి వాడడం ద్వారానే మీరు డాండ్రఫ్ వలన కలిగే సైడ్ ఎఫెక్ట్స్ తగ్గుదలను గమనిస్తారు. డాండ్రఫ్ వలన కలిగే దురద తగ్గుతుంది. అలాగే శిరోజాలు ఆరోగ్యంగా అలాగే శుభ్రంగా ఉంటాయి.