గృహ వైద్యంతో మాడుపై జిడ్డుకు సెలవు చెప్పండి!

1. తినే సోడా:

మాడుపై అధికంగా ఉత్పత్తి అయ్యే జిడ్డును పీల్చుకునే లక్షణం దీని సొంతం. దీనిలోని క్షార గుణం pHను బాలన్స్ చేస్తుంది. బేకింగ్ సోడా ను నీటితోకలిపి మాడుకు మాత్రమే పై పూతగా వెయ్యండి. జుట్టు మొత్తానికి రాయకండి. 15-20 నిమిషాలు ఉంచి షాంపూతో కడిగేయండి. తరువాత కండిషన్ చేసుకోండి. ఇలా వారానికి ఒకసారి చేయడం వలన జిడ్డుతో పాటుగా దుర్వాసనను దూరం చేసుకోవచ్చు.

2. కలబంద గుజ్జు:

కలబంద గుజ్జు మాడుపై ఉన్న మలినాలు తొలగించడమే కాకుండా పోషణను అందిస్తుంది. కలబందలో ఉండే విటమిన్లు సీబం ఉత్పత్తిని నియంత్రిస్తుంది. కలబంద గుజ్జును మాడుతో పాటుగా జుట్టంతటికి పట్టించండి.

పదిహేను నిమిషాలపాటు అది బాగా అరెదాక ఉంచి షాంపూతో కడిగేయండి. ఇది మంచి కండీషనర్ మాత్రమే కాదు జుట్టును మెరిసే మెత్తటి కుచ్చులా మారుస్తుంది.

౩. యాపిల్ సిడార్ వెనిగర్:

దీనికి తలపై చర్మం యొక్క నూనెల ఉత్పత్తి స్థాయిని మరియు pHను బాలన్స్ చేస్తుంది. దీనికి గాఢమైన వాసన ఉన్నప్పటికీ, నీటితో కడిగేయడం వలన అది తగ్గిపోతుంది.

మూడు భాగాల నీటిలో ఒక భాగం యాపిల్ సిడార్ వెనిగర్ ను కలిపి మాడుకు బాగా పట్టించండి. దానిని శుభ్రంగా ఆరనిచ్చి షాంపూ తో కడిగేయండి. ఇది చుండ్రును తగ్గించడానికి కూడా ఉపయోగపడుతుంది.

4. నిమ్మ రసం:

నిమ్మ రసంలో ఉండే సిట్రిక్ ఆమ్లం మీ కురుల pH ను సమతుల స్థాయికి తీసుకురావడానికి దోహదపడుతుంది. అంటే కాకుండా ఇది సీబం ఉతపత్తిని సాధారణ స్థితికి తీసుకువస్తుంది. మీరు జుట్టును షాంపూ చేసుకోవడానికి అరగంట ముందు మాడుకు శుభ్రంగా పట్టేలా నిమ్మరసాన్ని రాసుకోండి. ఇలా షాంపూ చేసుకున్న ప్రతిసారి చేయటం వలన మీ తలపై చర్మంలో నూనెల ఉత్పత్తి తగ్గుతుంది.

5. గ్రీన్ టీ:

గ్రీన్ టీ మాడును జుడ్డుపట్టకుండా ఉంచుతు తేమని అందిస్తుంది. మీ తలపై మొటిమలు లేదా కురుపులు ఉన్నట్లయితే గ్రీన్ టీ అధిక సీబం ఉత్పత్తిని తగ్గించి తద్వారా మీ సమస్యను పరిష్కస్తుంది.

ఒక మగ్గులో గ్రీన్ టీని తయారు చేసి చల్లార్చండి. మీ జుట్టును షాంపూ చేసుకున్నాక గ్రీన్ టీతో కడిగేయండి.ఇలా చేయడం వలన జిడ్డు తొలగడమే కాకుండా మీ కురులు మృదువుగా మెరుపులీనుతాయి.

6. టొమాటో:

టొమాటోలో సిట్రిక్ ఆమ్లం ఉంటుంది. నిమ్మ రసంలో కనుక సిట్రిక్ ఏసిడ్ గాఢత ఎక్కువగా ఉంటుందని మీకనిపిస్తే టొమాటోని వాడవచ్చు. దీనిలో సిట్రిక్ ఆమ్ల గాఢత తక్కువ. టొమాటో గుజ్జును మాడుకు బాగా పట్టించి, అరగంటసేపు ఉంచుకోవాలి. తరువాత మీ జుట్టును షాంపూ మరియు కండీషనింగ్ చేసుకోండి. ఇలా వారానికి మూడుసార్లు చేయటం వలన మంచి ఫలితముంటుంది.