చామన ఛాయ కలిగిన వారికి మేకప్ లో మెళుకువులు....

Make Up

oi-Saraswathi

By Sindhu

Published: Saturday, April 7, 2012, 16:17 [IST]

అందం అనే పదానికి ముఖం,కళ,శరీర సౌందర్యం, కేశాలం కరణ, నడక, నడత, వ్యక్తిత్వం అన్నిటిని చేర్చారు. చర్మసౌందర్యం స్థానంలో ఇప్పడు ఆత్మ విశ్వాసం, సాహసం, సౌందర్యం, సానుకూల దృక్పథం, సహకరించే మనస్తత్వం లాంటివి ఆక్రమించుకున్నాయి. ఆకర్షణీ యంగా కనిపించడానికి ఒంటి ఛాయ ఎరుపుగా ఉండాల్సిన అవసరం లేదు. అలా అని శరీరాన్ని పూర్తిగా నిర్లక్ష్యం చేయమని కాదు. శరీరాన్ని చురుకుగా కదిలేలా తయారుచేసుకోవా లి. ప్రతిరోజూ తేలికపాటి వ్యాయామం, జాగింగ్‌ తప్పకుండా చేయాలి. టెన్నిస్‌, బ్యాడ్‌మింటన్‌, టేబుల్‌ టెన్నిస్‌లాంటి ఆటలు ఆడాలి. ఇలా చేస్తే జోరుగా హుషారుగా, ఆనందంగా, ఆహ్లాదంగా ఉండవచ్చు. ఒక వేళ శరీరం చామన ఛాయ కల్గి ఉంటే ఎప్పుడూ సాధారణ మేకప్‌ చేసుకోవాలి. కాలానికి అనుగుణంగా మేకప్‌ చేసుకోవాలి. అప్పుడు మీరు చామనఛాయలో కూడా ఆకర్షణీయంగా కనబడతారు.

చర్మం కోమలంగా, మెరిసేలా ఉండటం కోసం నెలలో ఒక సారి ఫేషియల్‌, 15రోజుల కొకసారి బ్లిdచింగ్‌ చేయించాలి. కాళ్ళు, చేతులకి వారానికి ఒకసారి మేనిక్యూర్‌, పెడిక్యుర్‌ చేయించాలి. అవాంఛిత ప్రదేశాలలో వెంట్రుకలను తొలగించుకునేందుకు వాక్సింగ్ లేదా హెయిర్ రిమూవర్ క్రీమ్ ఉపయోగించాలి. వారంలో రెండుసార్లు ఫేస్‌ స్క్రభ్‌ ఉపయోగించాలి. ఇలా చేస్తే చామనఛాయ చర్మం కూడా మెరుస్తూ అందంగా కనిపిస్తుంది. దీనితో ఆకర్షణీయమైన శరీరం మీ సొంతమవుతుంది.

అందాల పోటీలకే కాదు, ఉద్యోగాలకైనా ఆకర్షణీయమైన వ్యక్తిత్వం, ఆకట్టుకునే కనుముక్కు తీరు వుండటం ముఖ్యం. అంతే కానీ శరీరఛాయ నలుపు లేదా ఎరుపు రంగులో వున్నదా అన్నది ముఖ్యం కాదు. దీనితో బాటు పొజిటివ్ బాడీ లాంగ్వేజ్ కూడా అవసరం. అసభ్యత, ఓవర్ బోల్డ్‌నెస్ కెరీర్‌ ను ముందుకు నడిపించలేవు. ఆఫీసులో పనిచేయడానికి అందమైన ముఖంతో బాటు పనిలో నిర్దారిత లక్ష్యాలను సాధించే నేర్పు కూడ ఎంతో అవసరం.

దుస్తుల్ని సెలక్ట్ చేసుకునేటప్పుడు వాటి రంగు, డిజైన్ మీకు సూట్ అవుతుందా లేదా అని గమనించండి. చామనఛాయ రంగు ఉన్న అమ్మాయిలు ఆకర్షణీయంగా కనబడే రంగుల దుస్తుల్ని వేసుకోవాలి. బ్రైట్ కలర్స్, నీలి, రస్ట్, గూలాబీ, బెజ్, ఆరెంజ్ రంగులన్నీ చామనఛాయ రంగున్న వారికి సందర్భోచితంగా సరిపోతాయి.
గులాబి రంగు మేని ఛాయ గల వారు వాడవలసిన రంగుల గురించి వివరంగా వర్ణించనవసరం లేదు. వారికి ముదురు రంగులతోపాటుగా, లేత రంగులు కూడా నప్పుతాయి. ఎరుపైనా నలుపైనా తమలో వున్న పాజిటివ్ అంశాల వైపు దృష్టి సారిస్తే అందాల మహరాణులు వారే అవుతారు.