పురుషపుంగవులను కైపెక్కించే పెదాలు...

Make Up

oi-Saraswathi

By Sindhu

Published: Thursday, April 5, 2012, 14:29 [IST]

మృదువుగా, అందంగా ఉండే పెదాలు మంచి ఆరోగ్యానికి చిహ్నాలని చెప్పవచ్చు. అయితే పెదాలు తడిగా ఉండేందుకు అక్కడ నూనె గ్రంధులేవీ ఉండనందువల్ల అవి తరచు పొడిగా మారుతుంటాయి. పెదాలను నాలుకతో తడిచేసుకోవడం చాలామందిలో మనం గమనిస్తున్నదే. ముఖంలో అందాన్ని పెంచేవి పెదాలు. పెదాలు సింగారం.. మధువొలికించే మందారం.. అంటూ పాత సినిమా పాటలో కవి ముక్తాయింపును బట్టి యువతి పెదవుల సింగారపు శక్తి ఏమిటో అర్థమవుతుంది. పెదాల అలంకరణకే.. పెదవి చేయగలిగిన మరొక అద్భుతమైన పని ఉంది. అది మానవులకే సొంతం కూడా.. అదే..నవ్వడం..

పెదవుల అలంకరణ ఒక భాగమైతే.. అందంగా నవ్వడంతో ముఖ అందానికి రెండవ భాగం. అటువంటి పెదాలు.. మత్తెక్కించే, మరులు గొలిపించే, మైమరిపించే, ఆ పెదవులు మహిళవైతే...హరివిల్లువంటి పెదవి వంపులోంచి చిరుమందహాసాన్ని ఓరగా అలా ఒలికిస్తే... ఆ మందహాసానికి...దరహాసానికి పాదాక్రాంతులు కాని పురుషపుంగవులు ఈ ప్రపంచంలో ఎవరైనా ఉంటారా... అలాంటి చిరునవ్వులు చిందించే పెదవులకు నిగారింపు లేకుంటే ఎలా ఉంటుంది...? అందవిహీనంగా కనబడుతుంది?

1. పెదవులకు లిప్ స్టిక్ రాసే ముందు మెత్తటి పూతమందును మృదువుగా అద్దాలి. దీనివల్ల మీ పెదవులు తడిగా ఉండటమే కాక సున్నితంగా మారుతాయి.

2. ముందుగా పెదవి చుట్టూ సన్నటి పెన్సిల్‌తో గీత గీయాలి. తర్వాత ఇష్టమైన రంగు పెన్సిల్‌తో నోటి బాగం మొత్తంలో లిప్ స్టిక్ రాయాలి.

3. పెదవుల పరిమాణాన్ని పెద్దగా చేయాలంటే మ్యాచింగ్ గ్లాస్ లేదా ముదురు రంగు లిప్ స్టిక్‌ను ఉపయోగించాలి. రంగు సమాంతరంగా అంటేందుకోసం గ్లాస్ లేదా లిప్ స్టిక్‌ ను లిప్ బ్రష్‌ తో మెత్తగా అద్దాలి. అద్దిన రంగు కారకుండా ఉండాలంటే మెత్తడి పౌడర్‌ను మీ పెదవి అంచుల చుట్టూ అద్దాలి.

4. పెదాలకు రంగు ఇచ్చే సాధనం పేరే లిప్ గ్లాస్. ఇది పెదాలను కళకళలాడించడమే గాక మృదువుగా ఉంచేందుకు కూడా తోడ్పడుతుంది. లిప్ స్టిక్ పై దీనిని వాడొచ్చు. లేకుంటే లేతగా కన్పించేందుకు దీనిని మాత్రమే వాడవచ్చు.

5. మాయిశ్చరైజర్, సన్ స్క్రీన్ కలిగిన లిప్ గ్లాస్‌లు కూడా ప్రస్తుతం మార్కెట్లో దొరుకుతున్నాయి. లిప్‌స్టిక్‌ పై దీనిని వాడే సమయంలో గట్టిగా రుద్దకూడదు. లేదంటే లిప్‌స్టిక్ అలాగే కారిపోతుంది.

6. పెదవులపై చర్మం ఆరిపోయి పొరలుగా పైకి లేవడం, పగలటం జరుగుతాయి. కాబట్టి లిప్‌స్టిక్‌ మెరవడం కోసం లిప్‌గ్లాసుకు బదులు పెట్రోలియం జెల్లి రాయటం మంచిది.

7. రాత్రుళ్లు పడుకునే ముందు పెదాలపై పేరుకుని ఉన్న నెయ్యి రాయడం వల్ల ఉదయానికి పెదాలు మృదువుగా, మెరుస్తూ కనపడతాయి.

8. కలబంద రసాన్ని పూయడం వల్ల కూడా ప్రయోజనం ఉంటుంది. కీరా ముక్కను పెదాలపై రాయడం వల్ల పెదాలు మృదువుగా ఉంటాయి.