గుడ్డుతో వెరీ గుడ్ గ్లామర్!

చలికాలంలో ప్రతి వారికి చర్మం పొడి ఆరిపోతూ వుంటుంది. అనేక లోషన్ లు, క్రీములు రాస్తూనే వుంటాం. అయితే, సహజంగా మీ చర్మం తేమను పొంది ఆరోగ్యంగా ఆకర్షణీయంగా కనపడాలంటే కింది చిట్కాలు పరిశీలించండి.
- రెండు టేబుల్ స్పూన్ల గుడ్డుసొనలో ఒక స్పూన్ ఆలివ్ ఆయిల్, ఓ స్పూన్ నిమ్మకాయ రసం కలిపి ఆ మిశ్రమాన్ని ముఖానికి దట్టంగా పట్టించాలి. ఇరవై నిమిషాల తర్వాత నులి వెచ్చని నీరుతో శుభ్రపరిస్తే, మీ చర్మం మెత్తగా మారి కాంతివంతంగా తయారవుతుంది.

- బీట్‌రూట్ రసాన్ని పడుకునే ముందు పెదవులపై పలుచగా రాసి, అయిదు లేదా ఆరు నిమిషాల సేపు సున్నితంగా మర్దన చేస్తే పెదవులు కాంతివంతం అవుతాయి.

- చేతులకు వ్యాక్సింగ్ చేసుకున్న తరువాత ఒక టేబుల్ స్పూను గుడ్డుసొనలో, ఒక టీ స్పూన్ తేనె కలిపి చేతులకు రాసుకోండి. ఇరవై నిమిషాల తర్వాత కడిగేయండి. దీనివలన చర్మంమీద ఉన్న నల్లని బ్లాక్‌హెడ్స్ పోయి మీ చర్మం కాంతులీనుతూ అందంగా మారుతుంది.

- హెన్నా పౌడర్ లో గుడ్డుసొన కలిపి జుట్టుకు రాస్తే, జుట్టు మెత్తగా, మృదువుగా మారుతుంది. అంతే కాకుండా కండీషనర్‌గా కూడా ఉపయోగపడుతుంది.

- రెండు నుండి మూడు గుడ్లను బాగా గిలక్కొట్టి తలంతా పట్టించి, షుమారు పదిహేను నిమిషాలయ్యాక గోరు వెచ్చని నీటితో కడిగేయండి. మీ నల్లని జుట్టు పట్టు లా మారుతుంది. వెంట్రుకల కొనలు చిట్లకుండా ఆకర్షణీయంగాను ఉంటాయి.