పెదవుల్లో గులాభి మెరుపులు...

1. కాసిన్ని గులాభీరేకల్ని తీసుకుని పచ్చిపాలల్లో నానబెట్టండి. రెండు గంటటయ్యాక వీటిని మెత్తగా చేయాలి. ఈ మిశ్రమాన్ని రాత్రివేళ పెదవులకు రాసుకోవాలి. ఇలా కొన్ని రోజులు చేస్తే ఎంతో మార్పు ఉంటుంది.
2. కీరదోస ముక్క తీసుకుని పెదవులపై పూతలా రాయాలి. ఇరవైనిమిషాల తర్వాత శుభ్రం చేసుకుంటే చాలు..పెదవులు మృదువుగా తయారవుతాయి.
3. నిద్రకు ఉపక్రమించేముందు కాస్త వెన్న లేదా నెయ్యి రాసుకున్నా కూడా ఎంతో ఫలితం ఉంటుంది
4. పెదవులు మరీ పొడిబారి పగిలినట్లవుతుంటే..తాజా కలబంద గుజ్జు రాసుకుని చూడండి
5. పెదవులపైనా మృతచర్మం పేరుకుంటుంది. దీనివల్ల పొడిబారే సమస్య ఇంకాస్త పెరుగుతుంది. అలా కాకుండా ఉండాలంటే రాత్రిళ్లు తాజా పాలమీగడ రాయాలి. మర్నాడు వేలితో రుద్దేస్తే మృతచర్మం తొలిగిపోతుంది. తాజా దనమూ సంతరించుకుంటుంది.