ముఖాన్ని అందవిహీనంగా మార్చిన బ్లాక్ హెడ్స్ ను తొలగించుకోవడం ఇలా....!

నిమ్మకాయ: నిమ్మకాయ నేచురల్ బ్లీచ్. ఇది క్లీనింగ్ వస్తువులా పనిచేస్తుంది. కాబట్టి మీరు నేచురల్ బ్లీచ్ కోసం నిమ్మకాయను ఉపయోగించవచ్చు . లేదా నిమ్మ తొక్కతో బ్లాక్ హెడ్స్ ఉన్న చోటో స్ర్కబ్ చేయడం వల్ల కూడా తొలగించుకోవచ్చు. బ్లాక్ హెడ్స్ ఉన్నచోట నిమ్మరసంతో పాటు తేనె, పంచదార లేదా గుడ్డు వంటివి కూడా మిక్స్ చేసి స్ర్కబ్ చేయవచ్చు.

జాజికాయ: సహజ పద్దతిలో బ్లాక్ హెడ్స్ తొలగించడానికి పాలలో జాజికాయ పొడిని మిక్స్ చేసి, బ్లాక్ హెడ్స్ ఉన్న చోట స్ర్కబ్ చేయాలి. ఈ మిశ్రమాన్ని అప్లై చేసిన తర్వాత రెండు మూడు నిముషాలు సర్కులర్ గా రుద్దాలి. ఇలా వారానికి రెండు మూడు సార్లు చేయడం వల్ల మంచి ఫలితాలను పొందవచ్చు.

గుడ్డు: బ్లాక్ హెడ్స్ ను తొలగించడంలో గుడ్డు కూడా ఒక మంచి వస్తువు. గుడ్డులోని తెల్ల సొనకు తేనె లేదా నిమ్మరసం కలిపి ఈ ప్యాక్ ను బ్లాక్ హెడ్స్ ఉన్న చోటో అప్లై చేసి ఇరవైనిముషాల తర్వాత స్ర్కబ్ చేసి చల్లటి నీటితో శుభ్రం చేసుకోవాలి.

తేనె: బ్లాక్ హెడ్స్ మొదలుకుని ఇతర చర్మ సమస్యలకు నివారించడానికి చిక్కటి తేనెను ఉపయోగిస్తాం . తేనె యాంటీబ్యాక్టీరియల్ గుణాలు కలిగి ఉన్నది. ఇది చర్మం రంద్రాలను శుభ్రం చేయడానికి బాగా సహాయపడుతుంది.

ధనియాలు-పసుపు: ఒక చెంచా ధనియాలు, కొద్దిగా పసుపు తీసుకొని మిక్సీలో వేసి మెత్తగా పౌడర్ చేసుకోవాలి. ఈ పౌడర్ కు కొన్ని పాలు లేదా తేనె కలిపి బాగా మిక్స్ చేయాలి . ఈ మిశ్రమాన్ని ముక్కుమీద అప్లై చేసి బాగా రుద్దాలి. దాంతో బ్లాక్ హెడ్స్ తొలగిపోతాయి.

బేకింగ్ సోడా: ఈ వంటగది వస్తువును చర్మ మరియు కేశ సంరక్షణలో సాధారణంగా ఉపయోగిస్తుంటారు. బేకింగ్ సోడాను చేత్తో తీసుకొని ముక్క మీద అలా మసాజ్ చేయడం వల్ల కూడా బ్లాక్ మెడ్స్ తొలగిపోతాయి.

అరటి: బాగా పండిన అరటి పండు గుజ్జుతో మీ ముఖానికి మసాజ్ చేయడం కానీ లేదా అరటి పండు తొక్కతో బ్లాక్ హెడ్స్ ఉన్న చోటు స్ర్కబ్ చేయడం వల్ల కానీ బ్లాక్ హెడ్స్ తొలగిపోతాయి.

ఓట్ మీల్: చర్మాన్ని శుభ్రపరుచుటల ఓట్స్ ను ఎక్కువగా ఉపయోగిస్తుంటారు. ఓట్స్ ను మిక్సీలో వేసి మిక్స్ చేసి ఆ పొడితో ముక్కు మీద రుద్దడం వల్ల బ్లాక్ హెడ్స్ తొలగిపోతాయి.

పంచదార: పంచదార గుళికలతో ముఖం మీద, బ్లాక్ హెడ్స్ ఉన్న చోట రుద్దడం వల్ల చర్మ శుభ్రపడటంతో పాటు, బ్లాక్ హెడ్స్ తొలగిపోతాయి.

ఉప్పు: ఉప్పును నిమ్మరసంలో మిక్స్ చేసి బ్లాక్ హెడ్స్ ఉన్న ప్రదేశంలో అప్లై చేసి పది నిముషాల తర్వాత సున్నితంగా రుద్ది, చల్లటి నీటితో శుభ్రం చేసుకోవాలి.