ముఖంలో డార్క్ స్పాట్స్ తో విసిగెత్తి పోయారా..ఇవిగో సులభ చిట్కాలు

ఓట్స్:

స్కిన్ ఎక్స్ ఫ్లోయేట్ చేయడానికి ఓట్స్ చాలా అద్భుతమైనవి . ఓట్స్ ను పౌడర్ గా చేసి అందులో కొద్దిగా నిమ్మరసం మిక్స్ చేసి పేస్ట్ లా చేయాలి . ఈ మాస్క్ ను మీ ముఖానికి అప్లై చేయాలి . ఇది డార్క్ స్పాట్స్ ను లైట్ గా మార్చడం మాత్రమే కాదు, ఇది చర్మంను సాఫ్ట్ గా మరియు తేమగా ఉంచుతుంది.

నిమ్మరసం:

నిమ్మరసం చర్మ సంరక్షణలో బ్లీచింగ్ ఏజెంట్ గా పనిచేస్తుంది. డార్క్ స్పాట్స్ ను మాయం చేస్తుంది. నల్ల మచ్చలున్న ప్రదేశంలో కొద్దిగా నిమ్మరసం పిండి, డ్రై అయిన తర్వాత గోరువెచ్చని నీటితో శుభ్రంగా కడిగేసుకోవాలి . ఇది డార్క్ స్పాట్స్ ను నివారించడంలో గ్రేట్ గా సహాయపడుతుంది.

మజ్జిగ:

మజ్జిగలోని లాక్టిక్ యాసిడ్స్ చర్మానికి చాలా మంచిది. బట్టర్ మిల్క్ ను రెగ్యులర్ గా ఉపయోగిస్తుంటే డార్క్ స్పాట్స్ నివారించుకోవచ్చు . బట్టర్ మిల్క్ లో కాటన్ బాల్స్ డిప్ చేసి నల్ల మచ్చలున్న ముఖం మీద మర్ధన చేయాలి. ఇవి ముఖంలో నల్ల మచ్చలను తేలిక పరుస్తాయి. ఇలా కొన్ని రోజులు చేస్తుంటే మంచి ఫలితం ఉంటుంది.

కలబంద:

ఇది బహుళ విధాలుగా ఉపయోగపడే బ్యూటీ ప్రొడక్ట్. కాలిన గాయాలను మాన్పడంతో పాటు, తెగిన గాయలను మరియు పగుళ్ళను నయం చేస్తుంది . అలాగే డార్క్ స్పాట్స్ ను కూడా నివారిస్తుంది . అందుకు ఫ్రెష్ గా ఉండే అలోవెర జ్యూస్ ను నల్ల మచ్చల మీద అప్లై చేసి డ్రై అయిన తర్వాత చల్లటి నీటితో శుభ్రం చేసుకోవాలి.

బాదం:

బాదంలో ఉండే విటమిన్ ఇ చర్మ సంరక్షణకు గ్రేట్ గా సహాయపడుతుంది. బాదంను రాత్రి నీళ్ళలో వేసి నానబెట్టి, తర్వాత పేస్ట్ చేసి ఉదయం ముఖానికి పట్టించి స్ర్కబ్ చేయడం వల్ల మంచి ఫలితం ఉంటుంది. డార్క్ స్పాట్స్ ను తగ్గించి, చర్మంను కాంతివంతంగా మార్చుతుంది.

బంగాళదుంప:

బంగళదుంపను డార్క్ సర్కిల్స్ నివారించుకోవడానికి ఉపయోగిస్తుంటారు. బంగాళ దుంప రసం నల్లమచ్చలతో పాటు, స్కిన్ ప్యాచ్ లను నివారిస్తుంది . బంగాళదుంప రసం పట్టించి, డ్రై అయిన తర్వాత చల్లటి నీటితో శుభ్రం చేసుకోవాలి.

ఉల్లిపాయ రసం:

డార్క్ స్పాట్స్ ఉన్న ప్రదేశంలో ఉల్లిపాయ రసాన్ని అప్లై చేసి, డ్రై అయిన తర్వాత మంచి నీటితో శుభ్రం చేసుకోవాలి. .ఉల్లిపాయ రసంలో ఉండే బ్లీచింగ్ ఏజెంట్స్ అందుకు గ్రేట్ గా సహాయపడుతాయి. ఉల్లిపాయ రసంలో కొద్దిగా నిమ్మరసం మిక్స్ చేసి తీసుకోవడం వల్ల ఫలితం మరింత ఎఫెక్టివ్ గా ఉంటుంది.