చర్మ సౌందర్యం రెట్టింపు చేసే గ్రీన్ టీ -హానీ ఫేస్ ప్యాక్

గ్రీన్ టీ మరియు ఆరెంజ్ జ్యూస్:

అరటేబుల్ స్పూన్ గ్రీన్ టీ మరియు ఒక చెంచా ఫ్రెష్ ఆరెంజ్ జ్యూస్ మిక్స్ చేసి ఈ మిశ్రమాన్ని మీ ముఖానికి అప్లై చేయాలి. 20నిముషాల తర్వాత నార్మల్ వాటర్ తో శుభ్రం చేయడం వల్ల చర్మం కాంతివంతంగా మారుతుంది.

తేనె మరియు గ్రీన్ టీ ఫేస్ ప్యాక్:

తేనె మరియు గ్రీన్ టీ ఆకులను పేస్ట్ లా చేసి ముఖానికి పట్టించి 20నిముషాల తర్వాత శుభ్రం చేసుకోవాలి. ఇలా రెండు వారాల పాటు చేస్తే మంచి ఫలితం ఉంటుంది.

గ్రీన్ టీ మరియు ఎగ్ ఫేస్ మాస్క్:

గ్రీన్ టీ మరియు ఎగ్ వైట్ లో చాలా అద్భుతమైన గుణాలున్నాయి . ఈ రెండింటి మిశ్రమంతో పేస్ట్ చేసి ముఖానికి పట్టించి అరగంట తర్వాత నార్మల్ వాటర్ తో శుభ్రం చేసుకోవాలి

గ్రీన్ టీ మరియు మిల్క్ క్రీమ్:

ఈ ఫేస్ మాస్క్ చాలా ఎఫెక్టివ్ గా పనిచేస్తుంది . డ్రై స్కిన్ నివారిస్తుంది . ఈ ఫేస్ మాస్క్ ను వారంలో రెండు సార్లు అప్లై చేసి ఫలితాన్ని మీరే గమనించండి.

గ్రీన్ టీ ఆకులు, తేనె మరియు ఆరెంజ్ తొక్క:

గ్రీన్ టీ ఆకులు మరియు తేనె మిశ్రమానికి, ఆరెంజ్ తొక్క పొడిని మిక్స్ చేసి పేస్ట్ లా చేసి, ముఖానికి పట్టించాలి . తర్వాత గోరువెచ్చని నీటితో శుభ్రం చేసుకోవాలి.

గ్రీన్ టీ మరియు నీమ్ ఫేస్ మాస్:

గ్రీన్ టీ మరియు కొద్దిగా వేపాకులను నీటిలో వేసి బాగా మరిగించి ఆ నీటితో ముఖానికి ప్యాక్ లా రెండు మూడు సార్లు తడి ఆరిన వెంటవెంటనే అప్లై చేసి 20నిముషాల తర్వాత నార్మల్ వాటర్ తో శుభ్రం చేసుకోవాలి. ఇది చర్మానికి తగినంత కాంతి అందించి తర్వాత అందంగా ఫ్రెష్ గా కనబడుటకు సహాయపడుతుంది.

గ్రీన్ టీ మరియు పంచదార:

ఒక చెంచా గ్రీన్ టీ మరియు ఒక చెంచా తేనె మరియు ఒక చెంచా షుగర్ తీసుకోవాలి మూడింటిని బాగా మిక్స్ చేయాలి. ఈ పేస్ట్ ను ముఖానికి అప్లై చేసి 15 నిముషాలు బాగా డ్రై అయిన తర్వాత నార్మల్ వాటర్ తో శుభ్రం చేసుకోవాలి . ఇది చర్మానికి ఎక్స్ ఫ్లోయేట్ చేస్తుంది మరియు అందంగా కనబడుటకు సహాయపడుతుంది.

గ్రీన్ టీ మరియు కీరదోస జ్యూస్:

గ్రీన్ టీ ఆకులను వేడినీటిలో వేసి బాగా మరిగించాలి. తర్వాత ఒక టేబుల్ స్పూన్ కీరదోస జ్యూస్ వేసి బాగా మిక్స్ చేయాలి. ఈ రెండింటి మిశ్రమాన్ని ముఖానికి అప్లై చేసి 15నిముషాల తర్వాత నార్మల్ వాటర్ తో శుభ్రం చేసుకోవాలి.

గ్రీన్ టీ, ఓట్స్ మరియు పాలతో ఫేస్ ప్యాక్:

కొద్దిగా గ్రీన్ టీ ఆకులు 3చెంచాల పాలు, ఒక చెంచా ఓట్స్ తీసుకొని, మెత్తగా పేస్ట్ చేయాలి. ఈ పేస్ట్ ను మీ ముఖానికి పట్టించి 20నిముషాల తర్వాత నార్మల్ వాటర్ తో శుభ్రం చేసుకుంటే చర్మం ప్రకాశవంతంగా ఫ్రెష్ గా కొత్తగా కనబడుతుంది.

గ్రీన్ టీ మరియు తేనె ఫేస్ మాస్క్:

గ్రీన్ టీ బ్యాగ్స్ ను వేడినీటిలో డిప్ చేసి, కొద్దిసేపటి తర్వాత బయటకు తీసి అందులో తేనె మిక్స్ చేసి ముఖానికి, కాళ్ళ చేతులకు పట్టించి 10-15నిముషాలు మసాజ్ చేయాలి. బాగా డ్రై అయిన తర్వాత గోరువెచ్చని నీటితో శుభ్రం చేసుకోవడం వల్ల మీరు ఫ్రెష్ గా మరియు కాంతివంతంగా కనబడుతారు.