Just In
- 24 min ago అమ్మాయిలూ! హెయిర్ స్ట్రెటనింగ్, కలరింగ్ అంటూ హెయిర్ స్టైల్ కు పోతే ..కిడ్నీలు పోతాయి..జాగ్రత్త సుమీ..!
- 2 hrs ago Lok Sabha Election 2024:మరో 3 నెలల్లో పట్టాభిషేకం ఎవరికి? జ్యోతిష్యం ఏ పార్టీకి స్ట్రాంగ్ గా సపోర్ట్ చేస్తోంది
- 3 hrs ago ఏప్రిల్ నెలలో లక్ష్మీ నారాయణ మరియు బుధాదిత్య రాజయోగంతో, ఈ రాశుల వారికి బంపర్ ప్రయోజనాలు లభిస్తాయి..!
- 6 hrs ago Today Horoscope 29 March 2024 :ఈరోజు ఈ రాశుల ఆర్థిక స్థితి సాధారణం కంటే మెరుగ్గా ఉంటుంది...
దీపావళి స్పెషల్: చర్మాన్ని గ్లోయింగ్ గా మార్చే సింపుల్ టిప్స్
దీపావళి వెలుగుల్లో ఎలా మెరిసిపోవాలా.. అన్న ఆలోచనలో పడ్డారు. ఒకవైపు లక్ష్మీపూజ, మరోవైపు ఇల్లంతా దీపాల వెలుగు, మరోవైపు టపాకాయల మెరుపులు.. ఇన్ని హంగామాల్లో తాము ఆకర్షణీయంగా కనిపించాలని భావిస్తారు.
పండుగ వచ్చిందంటే.. ఎటు చూసినా సందడే సందడి. పిండివంటలు, పూజలు, దేవాలయాలకు వెళ్లడం, బంధువులు, సొంతూళ్ల ప్రయాణం.. ఇలా.. పండుగ హడావుడి అంతా ఇంతా కాదు. ఇక మహిళల విషయంలో.. పండుగ వేళ సందడి గురించి చెప్పాల్సిన అవసరం లేదు.
దసరా నవరాత్రుల్లో మెరిసిపోయిన మహిళలంతా.. ఇప్పుడు దీపావళి వెలుగుల్లో ఎలా మెరిసిపోవాలా.. అన్న ఆలోచనలో పడ్డారు. ఒకవైపు లక్ష్మీపూజ, మరోవైపు ఇల్లంతా దీపాల వెలుగు, మరోవైపు టపాకాయల మెరుపులు.. ఇన్ని హంగామాల్లో తాము అందంగా, ఆకర్షణీయంగా కనిపించాలనే ఆత్రుత ఇప్పటికే మొదలైపోయింటుంది.
ఏ కలర్ శారీ కట్టుకోవాలి, ఏ డ్రెస్ కొనాలి, ఎలాంటి నగలు పెట్టుకోవాలి.. ఇలా రకరకాల ప్లాన్స్ లో మునిగిపోయి ఉంటారు. అయితే.. దీపావళి అంటే.. కాస్త పొల్యూషన్, టపాకాయల పొగ వంటివన్నీ.. కాస్త అలర్ట్ గా ఉండాల్సిన విషయం. కాబట్టి.. దీపావళికి రెండువారాల ముందే.. స్కిన్ కేర్ విషయంలో జాగ్రత్తపడాలి.
ఇప్పటి నుంచే.. చర్మ సంరక్షణపై ఆసక్తి చూపిస్తే.. దీపావళి శోభ మీ సొంతమవుతుంది. చర్మం కొత్త శోభను సంతరించుకుంటుంది. మరి.. ఎలాంటి ఫేస్ ప్యాక్ లు అప్లై చేస్తే.. పంగడవేళ ఎట్రాక్టివ్ గా కనిపించవచ్చో తెలుసుకుందాం..
స్మూత్ స్కిన్
గంధం పొడిలో కావాల్సిన మోతాదులో పచ్చిపాలు కలిపి.. ముఖానికి అప్లై చేసుకోవాలి. ఆరిన తర్వాత చల్లటినీటితో శుభ్రం చేసుకోవాలి. పాలు చర్మాన్ని స్మూత్ గా మారిస్తే.. గంధం.. చర్మం మెరిసేలా చేస్తుంది. డ్రై స్కిన్ ఉన్నవాళ్లు ఈ ప్యాక్ అప్లై చేస్తూ ఉండాలి.
స్క్రబ్
రెండు టేబుల్ స్పూన్ పపాయ గుజ్జు, ఒక స్పూన్ బియ్యం పిండి, రెండు స్పూన్ల తేనె, కొద్దిగా చక్కెర పొడి తీసుకుని.. అన్నింటినీ బాగా మిక్స్ చేయాలి. ఈ మిశ్రమంతో.. ముఖాన్ని 5నిమిషాలు పాటు స్క్రబ్ చేసుకోవాలి. ఇవి.. బ్లాక్ హెడ్స్ ని తేలికగా తొలగిస్తాయి.
టమోటా
టమోటాలో బీటా కెరోటిన్, లైకోపిన్ ఉంటుంది. ఇది.. చర్మాన్ని బ్రైట్ గా, టోన్డ్ గా మార్చేస్తుంది. టమోటాను రెండు ముక్కలుగా కట్ చేసి.. దానిపై పంచదార చల్లాలి. ఇప్పుడు ఈ టమోటా ముక్కతో.. ముఖంపై గుండ్రంగా స్క్రబ్ చేయాలి. ఇలా 10 నిమిషాలు చేసి శుభ్రం చేసుకుంటే.. నిర్జీవమైనత చర్మం కాంతివంతంగా మారుతుంది.
క్లెన్సింగ్
ఓట్ మీల్, పెరుగు రెండింటినీ సమానంగా తీసుకుని.. కొద్దిగా వేడి చేయాలి. ఇప్పుడు తేనె కలిపి.. పేస్ట్ తయారు చేసుకోవాలి. ఈ ప్యాక్ ని ముఖానికి పట్టించి 10 నిమిషాల తర్వాత గోరువెచ్చని నీటితో శుభ్రం చేసుకోవాలి. అంతే.. ఇది క్లెన్సింగ్ లా పనిచేసి.. చర్మానికి నిగారింపు అందిస్తుంది.
ఫేస్ ప్యాక్
పండుగ అంటే.. ఆ పని ఈ పని అంటూ హడావుడిగా ఉంటారు. కాబట్టి.. తేలికగా చర్మాన్ని మెరిపించాలంటే.. సింపుల్ ప్యాక్ అప్లై చేయాలి. తేనె, నిమ్మరసం రెండూ సమానంగా తీసుకుని ముఖానికి ప్యాక్ లా అప్లై చేయాలి. ఆరిన తర్వాత.. చల్లటినీటితో శుభ్రం చేసుకుంటే.. వెంటనే చర్మంలో కాంతిని గమనించవచ్చు.
మోచేతులు
ముఖం, శరీరం అంతా బాగానే ఉన్నా కొంతమందికి మోచేతులు, మోకాళ్లు నల్లగా మారి అసహ్యంగా ఉంటాయి. ఇలాంటి సమస్య ఉన్నవాళ్లు.. మినప్పును రాత్రంతతా నానబెట్టాలి. ఉదయం పేస్ట్ చేసుకోవాలి. అందులో కాస్త బొప్పాయి గుజ్జు కలిపి.. మోకాళ్లు, మోచేతులకు అప్లై చేయాలి. ఆరిన తర్వాత శుభ్రం చేసుకుంటే.. నలుపుదనం పోతుంది.
అరటిపండు
బాగా పండిన అరటిపండు తీసుకుని మెత్తగా పేస్ట్ చేసుకోవాలి. అందులోకి ఒక టేబుల్ స్పూన్ తేనె, చిటికెడు పసుపు కలిపి.. ముఖానికి పట్టించాలి. ఈ హోంమేడ్ ఫేస్ ప్యాక్ ఆరిన తర్వాత స్క్రబ్ చేసి శుభ్రం చేసుకోవాలి.