మెన్స్ స్పెషల్: అబ్బాయిలు పాటించాల్సిన స్కిన్ కేర్ హ్యాబిట్స్

నీళ్లు

మీ చర్మంలో అద్భుతమైన మార్పు నీళ్లు కీలకపాత్ర పోషిస్తాయి. శరీరానికి సరిపడా నీళ్లు తాగడం వల్ల.. చర్మం ప్రకాశవంతంగా మారుతుంది. అలాగే శరీరంలోని మలినాలు తొలగించి చర్మానికి కొత్త నిగారింపు తీసుకొస్తుంది.

ఫేస్ స్క్రబ్

కాలుష్యం కారణంగా మీ చర్మం నిర్జీవంగా మారుతుంది. కాబట్టి.. న్యాచురల్ పదార్థాలతోనే చర్మంలో నిగారింపు తీసుకురావడానికి అబ్బాయిలు ప్రయత్నించాలి. అలోవెరాను ఫేస్ స్క్రబ్ లా ఉపయోగిస్తే.. చర్మంపై మచ్చలు, స్పాట్స్ తొలగిపోయి మంచి నిగారింపు తీసుకొస్తుంది. అయితే వారానికి మూడు సార్లు స్క్రబ్ చేయాలి.

సన్ స్క్రీన్

మంచి ఎస్ పీ ఎఫ్ ఉన్న సన్ స్క్రీన్ లోషన్ ఉపయోగించడం వల్ల సూర్య రశ్మికి చర్మం పాడవకుండా ఉంటుంది. స్కిన్ క్యాన్సర్ కి కూడా దూరంగా ఉండటానికి ఇది ఉపయోగపడుతుంది.

మాయిశ్చరైజర్

రోజుకి రెండుసార్లు ముఖానికి మాయిశ్చరైజర్ అప్లై చేయడం చాలా అవసరం. దీనివల్ల చర్మం పొడిబారకుండా ఉంటుంది. పగలు తక్కువ గాఢత కలిగినది.. రాత్రిపూట ఎక్కువ గాఢత కలిగిన మాయిశ్చరైజర్ ఉపయోగించడం మంచిది.

ఫ్రూట్స్, వెజ్జీస్

మీ చర్మం గ్లోయింగ్ గా కనిపించాలనుకుంటే.. మీ డైలీ డైట్ లో ఖచ్చితంగా ఫ్రూట్స్, వెజిటబుల్స్ ఉండేలా చూసుకోవాలి. నీటి శాతం ఎక్కువగా ఉండే ఆహారం తీసుకోవడం వల్ల.. చర్మ ఆరోగ్యానికి సహాయపడుతుంది.

ఉప్పు

ఇండియన్ మెన్ ఎక్కువ ఉప్పు, షుగర్ తీసుకుంటారు. ఉప్పు ఎక్కువగా తీసుకోవడం వల్ల.. చర్మం నిర్జీవంగా మారుతుంది. కాబట్టి.. ఉప్పు, పంచదార తక్కువగా ఉండేలా కేర్ తీసుకోండి.

యంగ్ లుక్

చర్మం యంగ్ లుక్ తో కనిపించాలంటే.. మంచి అలవాట్లు ఫాలో అవ్వడం చాలా అవసరం. రోజుకి 7 గంటల నిద్రపోవడం వల్ల చర్మం ఫ్రెష్ గా కనిపిస్తుంది. వ్యాయామం చేయడం వల్ల శరీరం ఫిట్ గా ఉంటుంది. అలాగే చర్మం ఆరోగ్యంగా ఉంటుంది. చూశారుగా.. ఈ చిన్న చిన్న అలవాట్ల వల్ల మీ చర్మం.. అద్భుతమైన, అందాన్ని సొంతం చేసుకుంటుంది.