న్యాచురల్ గ్లోయింగ్ స్కిన్ కి బొప్పాయి చేసే అద్భుతం

బొప్పాయి, నిమ్మ

బొప్పాయిని గుజ్జులా తయారు చేసుకుని కొన్ని చుక్కల నిమ్మరసం కలుపుకోవాలి. రెండింటినీ బాగా మిక్స్ చేసి.. ముఖానికి అప్లై చేయాలి. కొంచెం ఆరిన తర్వాత శుభ్రం చేసుకుంటే.. ముఖానికి న్యాచురల్ గ్లో వచ్చేస్తుంది.

బొప్పాయి, టమోటా

పపాయ గుజ్జుకి, కొద్దిగా టమోటా రసం జతచేసి బాగా మిక్స్ చేయాలి. ఈ మాస్క్ ని ముఖానికి అప్లై చేసి.. కాసేపటి తర్వాత శుభ్రం చేసుకుంటే.. చర్మ కాంతి పెరగడమే కాదు, ముఖంపై డార్క్ స్పాట్స్ కూడా మాయమవుతాయి.

బొప్పాయి, అవకాడో

బొప్పాయిని అవకాడోతో కూడా ఉపయోగించవచ్చు. పపాయ గుజ్జుకి, కొంచెం అవకాడో పేస్ట్ కలిపి ముఖానికి అప్లై చేయాలి. ఈ ప్యాక్ చర్మానికి పోషణను అందించి.. కొత్త నిగారింపు తీసుకొస్తుంది.

బొప్పాయి, బనానా

బొప్పాయి, అరటిపండు రెండింటిని బాగా మెత్తగా గుజ్జులా చేసి కొంచెం తేనె కలపాలి. ఈ మూడింటినీ బాగా మిక్స్ చేసి ఫేస్ కి అప్లై చేయాలి. కాసేపటి తర్వాత శుభ్రం చేసుకుంటే.. నిర్జీవమైన చర్మం ప్రకాశవంతంగా మారుతుంది.

బొప్పాయి, గంధం

బొప్పాయి గుజ్జుకి, గంధం పొడి కలిపి పేస్ట్ లా తయారు చేసుకోవాలి. ఈ మిశ్రమాన్ని ముఖానికి అప్లై చేస్తే.. చర్మంపై ఉండే ట్యాన్ తొలగిపోయి స్కిన్ గ్లోయింగ్ గా మారుతుంది.

బొప్పాయి, తేనె

ఈ రెండింటి మిశ్రమం.. చర్మానికి మంచి పోషణణు ఇస్తుంది. అలాగే న్యాచురల్ గ్లో వస్తుంది. కొంచెం పపాయ గుజ్జుకి, టీ స్పూన్ తేనె కలిపి ముఖానికి అప్లై చేయాలి. కాసేపటి తర్వాత శుభ్రం చేసుకుంటే.. చర్మానికి సరైన మాయిశ్చరైజర్ లా పనిచేస్తుంది.