సమ్మర్లో చర్మ సమస్యలు, స్కిన్ టాన్ నివారించే మ్యాంగో ఫేస్ ప్యాక్స్..!!

మామిడి -ముల్తాని మట్టి:

మామిడి పండులోని గుజ్జు మాత్రం వేరుచేసుకుని, అందులో ముల్తాని మట్టి మిక్స్ చేసి పేస్ట్ లా చేసి దీన్ని ముఖానికి అప్లై చేసి డ్రైగా మారిన తర్వాత చల్లటి నీటితో ముఖం శుభ్రం చేసుకోవాలి. ఇలా చేయడం వల్ల చర్మం పూర్తిగా తేమగా ఉంటుంది.

మామిడి-బాదం-ఓట్ మీల్ :

రోజంతా ఎక్కవగా కష్టపడి, అలసి ఇంటికొస్తే, మీ అలసిపోయిన చర్మానికి ఏవిధంగా రక్షణ కల్పిస్తారు?అలసిన చర్మం తిరిగి పునరుత్తేజం అవ్వాలంటే మామిడిపండ్ల గుజ్జు, బాదం పౌడర్, ఓట్ మీల్ పౌడర్ , పచ్చిపాలు, ముల్తాని మట్టి, వాటర్ మిక్స్ చేసి, పేస్ట్ లా చేసి ముఖానికి అప్లై చేయాలి. 15 నిముషాల తర్వాత చల్లటి నీటితో ముఖం శుభ్రం చేసుకోవాలి. డెఫినెట్ గా మీరు రిఫ్రెష్ అవుతారు. మార్పు కూడా కనబడుతుంది.

మ్యాంగో విత్ హనీ :

తేనెలో ఉండే మాయిశ్చరైజింగ్ గుణాలు , మామిడిపండ్లతో కలిసినప్పడు, సూపర్ ఫేస్ ప్యాక్ గా పనిచేస్తుంది. మామిడి పండు గుజ్జులో కొద్దిగా తేనె, పెరుగు మిక్స్ చేసి ముఖానికి ప్యాక్ వేసుకోవాలి. 15 నిముషాల తర్వాత గోరువెచ్చని నీటితో ముఖం శుభ్రం చేసుకోవాలి. బేబీ సాప్ట్ స్కిన్ పొందడానికి ఈ ప్యాక్ గ్రేట్ గా హెల్ఫ్ అవుతుంది.

మ్యాంగో విత్ రోజ్ వాటర్ :

మీకు సెన్సిటివ్ స్కిన్ ఉన్నట్లైతే, మీరు రోజ్ వాటర్ ను ఉపయోగించడం మంచిది. రోజ్ వాటర్ చర్మంలోని చొచ్చుకుని పోయి, అన్ని రకాల చర్మ సమస్యలను నివారిస్తుంది. చర్మం కాంతివంతంగా మెరుస్తుంటుంది.

మామిడి పండు -శెనగపిండి:

వేసవిలో చర్మ సమస్యలో ఒకటి సన్ ట్యాన్, సన్ టాన్ కు గురి కాకూడదనుకుంటే, సరైన చర్మ సంరక్షన జాగ్రత్తలు తీసుకోవాలి. ఇది డార్క్ ప్యాచెస్ ను నివారిస్తుంది. ఈ హెల్తీ ఫేస్ ప్యాక్ తో సన్ టాన్ సమస్యను ను ఎక్సలెంట్ గా నివారించుకోవచ్చు. అందుకు ఒక మామిడి పండులో గుజ్జు తీసుకుని, అందులో శెనగపిండి, బాదం పౌడర్ మిక్స్ చేసి ముఖానికి అప్లై చేయాలి. ఇది ముఖంలో డార్క్ ప్యాచ్ లను నివారించడంతో పాటు చర్మంను అందంగా తయారుచేస్తుంది.

మామిడిపండు-ఓట్ మీల్ స్ర్కబ్ :

స్కిన్ ఎక్స్ ఫ్లోయేట్ చేసుకోవడానికి ముఖంలో నేచురల్ గ్లో తీసుకురావడానికి స్ర్కబ్బింగ్ గ్రేట్ గా సహాయపడుతుంది. ఈ ఫేస్ ప్యాక్ ను వారంలో రెండు సార్లు చేస్తే మంచి ఫలితం ఉంటుంది. మామిడికాయ గుజ్జులో ఓట్ మీల్ పౌడర్ మిక్స్ చేసి ముఖం , మెడకు అప్లై చేసి సర్క్యులర్ మోషన్ లో మర్ధన చేయాలి. ఓట్ మీల్ చర్మంలోని డెడ్ స్కిన్ సెల్స్ ను తొలగిస్తుంది. చర్మం తేమగా , కాంతివంతంగా మార్చుతుంది.