ముఖంలో జిడ్డు తగ్గించే సులభ మార్గాలు!

నిమ్మరసం:

ఇందులోని సిట్రిక్‌ యాసిడ్‌ సహజ యాస్ట్రింజెంట్‌లా పని చేస్తుంది. నిమ్మరసం, మినరల్‌ వాటర్‌ని సమపాళ్లలో తీసుకుని అందులో దూదిని ముంచి ముఖాన్ని తుడుచుకోవాలి. పదినిమిషాల తరవాత గోరువెచ్చని నీళ్లతో కడిగేసుకుని నూనె లేని మాయిశ్చరైజర్‌ రాసుకోవాలి.

పెరుగు:

రెండు చెంచాల పెరుగులో కొద్దిగా ఓట్‌మీల్‌ పొడి, చెంచా గోరువెచ్చని తేనె కలిపి ముఖానికి రాసి, మర్దన చేసుకోవాలి. పావుగంటయ్యాక కడిగేయాలి.

టొమాటోలు:

వీటిలో కూడా సహజ యాస్ట్రింజెంట్‌ గుణాలుంటాయి. టొమాటో ముక్కతో ముఖం మీద మర్దన చేసుకోవాలి. వీలుంటే టొమాటో రసంలో కాస్త తేనె కలిసి ముఖానికి మర్దన చేస్తే మరీ మంచిది.

యాపిల్‌:

ఈ గుజ్జులో కాస్త, పెరుగు, నిమ్మరసం కలిపి రాసుకోవాలి. ఈ మిశ్రమాన్ని స్నానానికి ముందు ముఖానికి రాసుకోవాలి. అరగంటయ్యాక గోరువెచ్చటి నీళ్లతో కడిగేసుకోవాలి. ఇలా చేయడం వల్ల ముఖం మీద జిడ్డు పేరుకోకుండా ఉంటుంది.

కీరదోస:

ఇందులో విటమిన్‌ ఇ, మెగ్నీషియం, పొటాషియం ఉంటాయి. కీరదోస గుజ్జును చర్మానికి పూతలా వేసుకుంటే ఆ గుణాలన్నీ అంది.. ఆరోగ్యంగా ఉంచుతాయి. అలానే కీరదోస రసం, నిమ్మరసం సమపాళ్లలో తీసుకుని ముఖానికి రాసుకోవాలి. కాసేపటికి కడిగేసుకుంటే సరిపోతుంది.

పాలు :

పాలు ఆయిల్ ఫ్రీ క్లెన్సర్. ఇది ఆయిల్ స్కిన్ ను సాప్ట్ గా మార్చుతుంది. పాలలో ఉండే ఆల్ఫాహైడ్రాక్సీ యాసిడ్ చర్మాన్ని ఎక్సఫ్లోయేట్ చేస్తుంది. చర్మంలో పిహెచ్ ను బ్యాలెన్స్ చేస్తుంది. పాలలో కొంచెం గందం నూనెల లేదా బాదం ఆయిల్ వేసి బాగా మిక్స్ చేసి, అందులో కాటన్ డిప్ చేసి ముఖానికి అప్లై చేసి, మసాజ్ చేయాలి. ఇలా చేయడం వల్ల ముఖంలో రక్తప్రసరణ మెరుగుపడుతుంది. మంచి నిద్రకూడా పడుతుంది. ఉదయం చల్లటి నీటితో ముఖం శుభ్రం చేసుకోవాలి.

కలబంద:

కలబందలో యాంటీబ్యాక్టీరియల్, యాంటీ మైక్రోబయల్ లక్షణాలు ఎక్కువగా ఉన్నాయి. ఇవి ఆయిల్ స్కిన్ వల్ల వచ్చే మొటిమలను నివారిస్తుంది. అలోవెర చర్మంలోని ఎక్సెస్ ఆయిల్ ను గ్రహిస్తుంది. అలోవెర జెల్ ను సగానికి కట్ చేసి, అందులోని జెల్ తీసి ముఖానికి అప్లై చేసి, డ్రై అయిన తర్వాత నీళ్ళతో ముఖం శుభ్రం చేసుకోవాలి. ఇలా రోజులో రెండు మూడు సార్లు చేయాలి.

తేనె:

తేనె చర్మంలోని ఎక్సెస్ ఆయిల్ ను నివారిస్తుంది. ముడుతలను పోగొడుతుంది. తేనెలో ఉండే మాయిశ్చరైజింగ్ గుణాలు చర్మానికి డీప్ గా పోషణను అందిస్తుంది. ఆయిల్ స్కిన్ పోగొడుతుంది. ఒక లేయర్ తేనెను చర్మానికి అప్లై చేసి 15 నిముషాల తర్వాత ముఖం శుభ్రం చేసుకోవాలి. రోజులో రెండు సార్లు అప్లై చేస్తే మంచి ఫలితం ఉంటుంది.