డ్రై స్కిన్ నివారణకు హాట్ థెరఫీ మరియు ఫేస్ ప్యాక్స్

పొడి చర్మానికి ఎగ్ -ఆరెంజ్ జ్యూస్

ఒక కోడిగుడ్డు సొనలో, ఒక టీ స్పూన్‌ కమలారసం, ఒక టీ స్పూన్‌ ఆలివ్‌ ఆయిల్, నాలుగైదు చుక్కల పన్నీరు, అంతే మోతాదులో నిమ్మరసం బాగా కలిపి ముఖానికి పట్టించి పదిహేను నిమిషాల తర్వాత కడిగేయాలి.

డ్రై స్కిన్ నివారించే అటిపండు ఫేస్ ప్యాక్

బాగా మగ్గిన అరటిపండును మెత్తగా చిదిమి ముఖానికి, మెడకు పట్టించి పదిహేను నిమిషాల తర్వాత గోరువెచ్చటి నీటితో ముఖాన్ని కడగాలి. ఇది పొడిచర్మానికి మాయిశ్చరైజర్‌గా పని చేస్తుంది, మెడ మీద చర్మం నల్లగా ఉంటే క్రమంగా ఆ నలుపు కూడా వదులుతుంది.

డ్రై స్కిన్ నివారణకు గ్రేప్ సీడ్ ఆయిల్

పొడిచర్మాన్ని మృదువుగా మార్చడంలో గ్రేప్‌సీడ్‌ ఆయిల్‌ బాగా పని చేస్తుంది. దేనితోనూ కలపాల్సిన అవసరం లేకుండా ఆయిల్‌ను యథాతథంగా ఒంటికి రాసి మర్దన చేస్తే చాలు. ఇది ఇప్పుడు అన్ని సూపర్‌మార్కెట్లలోనూ దొరుకుతోంది.

బాదం ఆయిల్:

బాదం నూనెలో విటమిన్ ఇ, విటమిన్ ఎ అధికంగా ఉన్నాయి. ఇందులో అద్భుతమైన ఆరోమా వాసన మరియు గ్రేట్ మాయిశ్చరైజర్ గా పనిచేస్తుంది. మరో బెనిఫిట్ కూడా ఉంది, బాగా నిద్రపడుతుంది.

పొడి చర్మానికి కుకుంబర్ ఫేస్ ప్యాక్:

కీరదోసకాయ ఫేస్ ప్యాక్ చర్మానికి చల్లదనాన్ని అందిస్తుంది. కీరదోస రసాన్ని లేదా పేస్టును ముఖానికి మెడకు పట్టించి బాగా ఆరిన తర్వాత చల్లటి నీటితో శుభ్రం చేసుకుంటే చర్మం మృదువుగా తయారవుతుంది.

బొప్పాయి ఫేస్ ప్యాక్:

బొప్పాయి నేచురల్ ఎక్స్ ఫ్లోయేటర్ . ఇది డెడ్ స్కిన్ సెల్స్ తొలగిస్తుంది మరియు ఇందులో యాంటీ ఏజింగ్ లక్షణాలు పుష్కలంగా ఉన్నాయి . డ్రై స్కిన్ లో మాయిశ్చరైజింగ్ కంటెంట్ ను బ్యాలెన్స్ చేస్తుంది. అలాగే బొప్పాయి గుజ్జుకు కొద్దిగా పైనాపిల్ రసం జోడించి ముఖానికి అప్లై చేయడం వల్ల చర్మం రంద్రాలు మాయమవుతాయి.

చర్మానికి స్వచ్ఛమైన ఆముదం

పొడిచర్మం తీవ్రంగా బాధిస్తున్నప్పుడు... అనేక రకాల కాంబినేషన్‌లతో ప్యాక్‌లు తయారు చేసుకోవడానికి సాధ్యం కాకపోతే చర్మానికి స్వచ్ఛమైన ఆముదం కాని అవొకాడో ఆయిల్‌ కాని రాసి మర్దన చేయాలి.