శరీరానికి, ముఖానికి నూనెమర్దనతో శుభ్రపర్చటం ఎలా?

శుభ్రానికి సరైన నూనె నిర్ణయించుకోవడం

చర్మం శుభ్రపర్చుకోటానికి సరైన నూనె నిర్ణయించుకోవడం చాలా ముఖ్యం. మీ చర్మ రకాన్ని బట్తి, ఈ కింది నూనెలు ఎంచుకోండి.

మిశ్రమ చర్మరకం ; ఆముదం నూనె/ పొద్దుతిరుగుడు/ కొబ్బరి నూనెతో కలిపిన హేజెల్ నట్ నూనె

జిడ్డు చర్మం ; ఆముదం నూనె/ పొద్దుతిరుగుడు/ కొబ్బరి నూనెతో కలిపిన హేజెల్ నట్ నూనె

పొడిచర్మం ;ఆలివ్/ ఆముదం/హేజెల్ నూనెతో పోషణ అందించే నూనెలైన జొజుబా, అవిసె గింజలు, ఆర్గన్ లేదా అవకాడోలను కూడా కలపండి.

నూనెతో అభ్యంగన స్నానం మొదలుపెట్టడం

నూనెతో శుభ్రపరిచే ముందు మీ మొహాన్ని పొడిగా ఉంచుకోండి.నిజానికి, రోజు ముగిసాక మీరు అలసిపోయినప్పుడు, మీ ముఖంపై మేకప్ తొలగిపోయి ఉన్నప్పుడు, మొహాన్ని మరియు చర్మాన్ని నూనెతో శుభ్రం చేసుకోవటం మంచిది. ఇలా చేయటం వలన చర్మంపై పేరుకున్న దుమ్ము మరియు మురికిని నూనెలు లాగేసి, శుభ్రపర్చటానికి సులువుగా ఉంటుంది.

నూనెతో శుభ్రతకి కావాలసిన వస్తువులు

మంచిగా నూనెతో చర్మాన్ని శుభ్రపర్చుకోడానికి కేవలం నూనె ఉంటే చాలదు. మీకు ఒక శుభ్రమైన తెల్లటి గుడ్డ, గోరువెచ్చని నీరు కూడా కావాలి. ఒక గ్లాసులో వేడినీరు సిద్ధంగా ఉంచుకోండి, ఎందుకంటే నూనె రాసుకున్న వెంటనే ఇది మీకు అవసరమవుతుంది. మీరు చర్మంపై వాడే సమయానికి వేడి నీరు ఎలాగో గోరువెచ్చబడుతుంది.

చర్మంపై నూనెతో ఎలా మసాజ్ చేసుకోవాలి?

మీ చర్మరకాన్ని బట్టి కలిపిన నూనెల మిశ్రమాన్ని అరచేతుల్లో తీసుకోండి.

అరచేతులను వెచ్చబడేదాకా ఒకదానిపై ఒకటి రుద్ది నూనెను సిద్ధపరుచుకోండి.

మొదట చర్మం మొత్తం, ఎక్కడ మురికి ఎక్కువగా ఉందో అక్కడ ప్రధానంగా నూనెను పట్టించండి.

తర్వాత ముఖం మరియు పొట్ట ప్రాంతంలో `గుండ్రంగా అరచేతులతో మసాజ్ చేయండి. చేతులు మరియు కాళ్ళకి నిలువుగా మసాజ్ చేయవచ్చు.

నూనె పూర్తిగా ఇంకిపోయేదాకా ఇలా చేస్తూ ఉండండి.

చర్మంపై నూనె బాగా పట్టేసాక, తెల్ల గుడ్డను గోరువెచ్చని నీరులో ముంచి పిండండి.

ఎక్కడ నూనె పట్టించారో ఆ ప్రాంతాల్లో ఈ తెల్ల గుడ్డను 10 నిమిషాలపాటు పెట్టి ఉంచండి. శరీరానికి తువ్వాలును వాడవచ్చు.

చివరగా, టిష్యూ లేదా దూదితో నూనె మసాజ్ చేసిన ప్ర్రాంతాలను తుడవండి.

మరుసటిరోజు వరకు స్నానం కానీ, కడగటం కానీ, మాయిశ్చరైజర్ రాయటం కానీ చేయవద్దు.