మెరుగైన చర్మంకోసం చమోమైల్ టీని ఈ విధంగా వాడండి

1. నేరుగా అప్లై చేయండి:

ఒక కప్పు తీపిలేని చమోమైల్ టీని మరిగించుకుని కాస్త చల్లారనివ్వండి. ఇప్పుడు చల్లారిన ఈ టీతో మీ చర్మాన్ని కడగండి. అయిదు నిముషాలు అలాగే ఉంచండి. ఇప్పుడు గోరువెచ్చటినీటితో మీ చర్మాన్ని శుభ్రపరచండి. ఈ పద్దతిని వారానికి ఒకసారి పాటిస్తే కాంతివంతమైన చర్మం మీ సొంతం.

2. ఓట్ మీల్ తో:

ఒక టీస్పూన్ ఓట్ మీల్ తో రెండు టీస్పూన్ల చమోమైల్ టీను కలపండి.

ఈ మిశ్రమంతో మీ చర్మంపై దాదాపు అయిదు నిమిషాలపాటు స్క్రబ్ చేయండి.

గోరువెచ్చటి నీటితో చర్మాన్ని శుభ్రపరచండి.

వారానికి ఒకసారి ఈ పద్దతిని పాటించడం ద్వారా చర్మంపై నున్న మృతకణాలను తొలగించుకోవచ్చు. తద్వారా చర్మంపైనున్న ఇంప్యూరిటీస్ తొలగిపోతాయి.

3. తేనెతో:

ఒక టీస్పూన్ తీపిలేని చమోమైల్ టీతో అర టీస్పూన్ ఆర్గానిక్ తేనెను కలపండి.

ఈ మిశ్రమాన్ని మీ చర్మంపై అప్లై చేసి ఐదునిమిషాల తరువాత చల్లటి నీటితో మీ చర్మాన్ని శుభ్రంగా కడగండి.

వారానికి ఒకసారి ఈ కాంబినేషన్ ను ప్రయత్నిస్తే మొటిమల సమస్య దరిచేరదు.

4. అలో వెరా జెల్ తో:

ఒక టీస్పూన్ చమోమైల్ టీతో రెండు టీస్పూన్ల అలో వెరా జెల్ ను కలపండి.

తయారైన మిశ్రమాన్ని మీ చర్మంపై మృదువుగా అప్లై చేయండి. పదినిమిషాల వరకు చర్మంపైనున్న ఈ మిశ్రమాన్ని కద వద్దు.

ఆ తరువాత గోరువెచ్చటి నీటితో మీ చర్మాన్ని శుభ్రపరుచుకోండి.

వారానికొకసారి ఈ పద్దతిని పాటించడం ద్వారా నిస్తేజంగా ఉన్న చర్మానికి కాంతిని కలిగించవచ్చు.

5. ఆలివ్ నూనెతో:

ఒక టీస్పూన్ ఆలివ్ నూనెతో ఒక టీస్పూన్ చమోమైల్ టీని కలపండి.

ఈ మిశ్రమాన్ని మీ చర్మంపై సున్నితంగా అప్లై చేయండి. పది నిముషాల తరువాత చల్లటి నీటితో శుభ్రపరచండి.

వారానికి ఒకసారి ఈ మిశ్రమాన్ని మీ చర్మంపై అప్లై చేస్తే మీ చర్మానికి తగిన పోషణ లభించి మృదువుగా, కాంతివంతంగా తయారవుతుంది.

6. గ్రీన్ టీ తో:

రెండు టీస్పూన్ల చమోమైల్ టీతో ఒక టీస్పూన్ గ్రీన్ టీ ని కలపండి.

ఈ మిశ్రమాన్ని మీ చర్మంపై అప్లై చేయండి. పదినిమిషాల తరువాత గోరువెచ్చటి నీటితో చర్మాన్ని శుభ్రపరచండి.

వారానికి ఒకసారి ఈ హోంమేడ్ రిన్స్ ను ప్రయత్నిస్తే చర్మంపై అకాల వృద్ధాప్య లక్షణాలు కనిపించవు.

7. ఆల్మండ్ పౌడర్ తో:

ఒక పాత్రలోకి ఒక టీస్పూన్ చమోమైల్ టీని అలాగే అర టీస్పూన్ ఆల్మండ్ పౌడర్ ని తీసుకుని వీటిని బాగా కలపండి.

తయారైన మిశ్రమాన్ని మీ చర్మంపై మృదువుగా అప్లై చేయండి. దాదాపు పది నిమిషాల తరువాత గోరువెచ్చటి నీటితో మీ చర్మాన్ని శుభ్రపరచుకోండి.

ఈ హోంమేడ్ మిశ్రమాన్ని మీ చర్మంపై అప్లై చేయడం ద్వారా చర్మాన్ని అనేకరకాలైన సమస్యల నుంచి సంరక్షించుకోవచ్చు. అతిముఖ్యంగా, బ్లాక్ హెడ్స్ ను తొలగించడానికి ఈ మిశ్రమం అద్భుతంగా పనిచేస్తుంది.

8. శనగపిండి, నిమ్మరసాల కలయికతో:

ఒక టీస్పూన్ చమోమైల్ టీతో అర టీస్పూన్ నిమ్మరసాన్ని, అర టీస్పూన్ శనగ డిని కలపండి.

ఈ మిశ్రమాన్ని మీ చర్మంపై అప్లై చేయండి. 20 నిమిషాల తరువాత గోరువెచ్చటి నీటితో కడగండి.

ఈ విధమైన పద్దతులలో చమోమైల్ టీని మీ బ్యూటీ రొటీన్ లో భాగంగా చేసుకుంటే మీ చర్మం సహజసిద్ధమైన కాంతితో మెరిసిపోతుంది.